AŋHibru 13:18 - Ȧŋlemrȧnɛ Ȧfu

¹⁸ Ramnɛ nu ta ȧtȧ su; kotȧy-e sə tȧrȧ kəpa sə ba ȧmerȧ ȧferȧ, ɔwa sə fela tə kəyɔ ɔlompi rə tȧy o tȧy.

AŋHibru 13:18 ပူးပေါင်းရင်းမြစ်များ

Mȧyɔs ma aŋsom 23:1

Ka Pɔlȧŋ ɔ kəli aŋgbanɛ təŋ, ɔ pa, Aŋwɔnt a mi, i po yi rodi ka Kuru rə ȧmerȧ ȧferȧ haŋ ka ȧŋrey aŋe.

Mȧyɔs ma aŋsom 24:16

Ta ȧte i mɛm kȧmȧ i ba ȧmerȧ ȧferȧ ka Kuru yi ka afəm lɔkɔ o lɔkɔ.

AŋRomans 12:17

Tenu kala wuni o wuni tələs ta tələs. Yɔ nu gbo təlompi ka kakəli ka afəm bɛ.

AŋRomans 13:13

Maŋ kɔth nu ɔlompi mɔ mȧkɔth ma rəyaŋ, ta pə te yi rə məyi mələs yi kətis, thalɔm rə kərəp yi kətayanɛ, thalɔm rə kəgbal yi kətut.

AŋRomans 15:30

Ɔwa aŋwɔnt a mi, i nɛmthɛnɛ nu salata ɔMarki Yisɔs Krayst yi salata mabɔthər ma ɔYina məsəm, kȧmȧ nə timnɛ yi minɛŋ ka taramnɛ ta nu ka Kuru ta ȧtȧ mi;

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

AŋKɔlɔsi 4:3

Ramnɛ nu sɔ ta ȧtȧ su, kȧmȧ Kuru ɔ kanthɛ su roŋ ta ȧrim, kȧmȧ sə gbəli taməs aŋgbundu ŋa Kraystȧŋ, ta aŋa minɛ i yi ka tɔrɛntha.

1 AŋThɛsȧlonika 4:12

kȧmȧ nə gbəli kɔth ɔlompi kətɔŋ ka ŋaŋ aŋa te lanɛ, kȧmȧ pə re yi nə te paŋ rəka o rəka.

1 AŋThɛsȧlonika 5:25

Awɔnt, ramnɛ nu ta ȧtȧ su.

2 AŋThɛsȧlonika 3:1

Ka kaləpsɔ awɔnt, ramnɛ nu ta ȧtȧ su kȧmȧ ȧrim ra ɔMarki rə gbəli gbukɛ rodi, rə kəsɔthɔ yiki mɔ mə rə poŋ thɔŋ sɔthɔ do rɔnu,

1 Timɔthi 1:5

kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 3:16

kȧmȧ nə bɛnɛ aŋyiko a nu ȧferȧ pər, kȧmȧ pə yi ma a fofiya nu mɔ afəm aŋa yɔ aləs-e, aŋ tə wɔŋ məlap maŋ nənk mȧyɔs ma nu məfinɔ rokor ka Kraystȧŋ.

1 Pitar 3:21

Ya pə bȧlȧnɛ sɔ ka-ake, kəbaptais kə mə kisis su, ɔwa pə yi hɛ rə kəyak anɔkɔ ŋa madɛr, kɛrɛ pə yi aŋseri ŋa ȧmerȧ ȧferȧ ka Kuru kətaŋ ka kakal yokanɛ ka rafi ka Yisɔs Krayst,