AŋHibru 13:15 - Ȧŋlemrȧnɛ Ȧfu

¹⁵ Tiyȧŋ kətȧŋȧnɛ kɔŋ maŋ thɔkəs nu Kuru rɛ sathka alɔkɔ o lɔkɔ, pə yi mɔ-e, ɛboya ya ȧsim ta su ɛyɛ seri ta ȧŋes ŋɔŋ.

AŋHibru 13:15 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Luk 10:21

Ȧŋlɔkɔ ŋati ɔYina məsəm ɔ lasər Yisɔsȧŋ yi məbɔnɛ, kɔ pa, I mɔmɔ mu ɔKas, ɔMarki ka ro riyana yi ȧdȧru, ma mə po maŋk mȧtȧy ame ka aŋtempi yi aŋtara tȧy, ɔwa mə tɔri ma ka aŋfɛth. Yao ɔKas pəkasifɛ ame mə yi mȧselɔ ma mu.

Yɔn 10:9

Minɛ yi kadare: bepi wuni o wuni ɔ wɔŋ ka kȧta ka mi-e, ɔ tə kisi, ɔwa ɔ tə wɔŋ, ɔ tə wur, ɔ tə bəp ɛwɔnth.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 6:19

I fɔf mɔ wuni kəpet salata mȧrȧnt ma madɛr ma nu; kotȧy-e mɔ mə nə la sɔnd malaŋktha ma nu tə kəyɔ mələs dɛ yi mȧkənə tətəp tətəp bɛ, ɔwa ka-ake nə yi tə kəsɔnd malaŋktha ma nu tə kəyɔ məlompi kəkɔ ka kȧsəməsnɛ.

AŋƐfisɔs 2:18

Ȧtesoma-e kətaŋ do rɔŋɔŋ-e, saŋ bɛ sə sɔthɔ roŋ ra kəwɔŋ ka ɔKas kətȧŋȧnɛ ka ɔYina ukin.

AŋKɔlɔsi 1:12

Kama nə sɔŋ mɔmɔ ka ɔKas ɔwe po yɔ su sə yi saŋ abeki tə kəkasa ka akɛŋ ka aŋsəm ka ɔwaŋ;

AŋHibru 12:28

Tiyȧŋ ma sə sɔthɔ rȧbȧy ara mə a te gbəli yinktha-e, maŋ sɔŋ nu mɔmɔ kȧmȧ sə yɔna Kuru məpanth məbeki rə kəbȧtho dɛ yi rənes.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.