AŋHibru 13:14 - Ȧŋlemrȧnɛ Ȧfu

¹⁴ Pəkasifɛ anɔ sə ba hɛ kəpet kəthəbana, kɛrɛ sə thɛns kȧpet ȧke yi tə kəder.

AŋHibru 13:14 ပူးပေါင်းရင်းမြစ်များ

1 AŋKɔrenth 7:29

Kɛrɛ awɔnt, i yema pa ȧte kəpa ye, Pə tiyȧ su alɔkɔ agbut, pə yi mɔ-e, kətəp ka-ake, ŋaŋ aŋa ba arani-e, ta aŋ yi mɔ ante ba.

2 AŋKɔrenth 4:17

kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

AŋƐfisɔs 2:19

Te ba ti nə yi hɛ sɔ atik dɛ yi afəm ȧtel, kɛrɛ nə yi aŋkos ŋa aŋfəm ŋa Kuru, nə yi ka kabɔr ka Kuru.

AŋFilipai 3:20

Kɛrɛ radure ra su rə yi ro riyana, ka sə kəli sɔ ta ɔKisis ɔwe ba tə kəwur ri, pə yi mɔ-e ɔMarki Yisɔs Krayst,

AŋHibru 10:34

Ȧtesoma-e nə ba ȧney ka atɛndɛbira, ɔwa nə kȧl selɔ rə məbɔnɛ ma a luk ɛyɛt ɛ nu, kȧbi nə tȧrȧ kəpa nə ba kɛŋ kəfisa ȧke ba kətia thȧnkȧŋ.

AŋHibru 12:22

Kɛrɛ naŋ nə po der ka kateŋ ka Sayɔn-e, kȧpet ka ɔKuru ukəli, yi ka Yerusalɛm ȧke yi rokɔm, dɛ yi ka akobali kəbana ka amaleka agbȧthi,

AŋHibru 12:27

Ɔwa ȧrim are kəpa, Win gbo ras, rə tɔri kəpa a tə tɔŋa ɛyɛt ɛyɛ a gbəli yiŋktha, mɔ ɛyɛt ɛbɛmpa, kȧmȧ ɛyɛt ɛyɛ a te gbəli yiŋktha ɛ tə tiyȧ.

AŋHibru 2:5

kotȧy-e Kuru ɔ sɔŋ hɛ amaleka kagbəka rokɔm ka ȧdȧru ara ba tə kəder, ta ȧtȧ mə sə fɔf.

AŋHibru 4:9

Tiyȧŋ kəfothanɛ kə yi ta aŋfəm ŋa Kuru.

AŋHibru 9:11

Kɛrɛ ma Krayst ɔ ŋaibinɛ mɔ ufode ubana ka mȧtȧy məfinɔ ama mə der-e, ka ȧŋlɔkɔ ŋati kətȧŋȧnɛ ka ȧŋseth ŋa akotha abana afisa, (aŋa a te bɛmpa rɛ məta mɔ rəka ra ȧdȧru are),

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

Kȧŋȧibinɛ 3:12

Kɔn ɔwe mə tham-e, i ti yɔ kȧmȧ ɔ yi akər ka ȧŋseth ŋa ɔKuru kȧmi, ɔ ba hɛ sɔ tə kəwur ri. Ɔwa i ti gbal ȧŋes ŋa ɔKuru kȧmi rokɔm kɔŋ, dɛ yi ȧŋes ŋa kȧpet ka ɔKuru kȧmi, ȧke yi mɔ Yerusalɛm kəfu, ȧke thor kəwur ro riyana kəwur ka ɔKuru kȧmi; ɔwa i ti kȧl gbal ȧŋes a mi afu ri.