AŋHibru 12:25 - Ȧŋlemrȧnɛ Ȧfu

²⁵ Bumnɛ nu kȧmȧ nə te pɛnsa ɔwe mə fɔf. Kotȧy-e bepi aŋbȧki a su aŋ pamp hɛ kəwur ka anthalər maŋ pɛnsa kɔn ɔwe fɔf nɔru-e, to saŋ mə sə gbəli kisi bepi sə su hɛ kɔ ɛləns ɔwe fɔf kəwur ro riyana-e?

AŋHibru 12:25 ပူးပေါင်းရင်းမြစ်များ

Mathiu 17:5

Ma ɔ yi ka kǝfɔf-e, kǝrǝnt kǝfera kǝgbɛntha kǝ derǝr ŋa; ɔwa rim rǝ wur ka karǝnt, rǝ pa, ƆWan kȧmi ubɔthǝr kɔnɔ ɔwe, ta ɔwe pǝ thesanɛ mi finɔ. Tǝla kɔ nu.

Mathiu 8:4

Ka Yisɔsȧŋ ɔ pa ro rɔŋɔŋ, Botnɛ kȧmȧ mǝ te kanɛ ti wuni o wuni, kɛrɛ kɔnɛ mǝ tɔrinɛ ka aŋfode, kȧmȧ mǝ wurɔ asathka ȧte Mosisȧŋ ɔ yamari tǝ kǝyi mǝseri ro ŋaŋ.

Mȧyɔs ma aŋsom 7:35

ƆMosisȧŋ ɔwe aŋ pɛnsa, maŋ pa, Kanɛ bot mu ubȧy yi uthonkas-e? Kɔnɔ Kuru ɔ som tə kəyi ubȧy yi ukisis ka kȧta ka ɔmaleka ɔwe tɔrinɛ ro ŋɔŋ ka aŋgbɔfɔŋ.

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

2 Timɔthi 4:4

Aŋ tə bȧr tȧteŋ kəmuth, ɔwa aŋ tə fəlɛ ka tȧyem.

AŋHibru 1:1

Kuru ɔ sa thəpaŋ fɔfȧnɛ aŋbemba a su ka Aŋnȧbi kətȧŋȧnɛ ka tȧpa təgbȧthi dɛ yi ka soŋ təgbanthɛ gbanthɛ,

AŋHibru 11:7

Rə kəlanɛ Now, ma Kuru ɔ maŋ kɔ salata mȧtȧy ama ɔ te tha nəŋk-e, ɔ su ɛləns, kɔ bɛmpa abil tə kəkisis rȧkomra rɔŋ; ɔwa di kati ɔ sɔŋ ȧdȧru mətheri, kɔ sɔthɔ mȧlompi ama yi ka kəlanɛ.

AŋHibru 12:19

dɛ yi kətɔŋa ka kathɛma, dɛ yi sim ta təfɔf-e, sim tȧŋ ȧtȧ yɔ ŋaŋ aŋa təl ti-e aŋ nɛmthɛnɛ kȧmȧ a te sɔ sɔŋ ŋa kɛra kəwunɔŋ.

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

AŋHibru 3:17

Ɔwa, kanɛ ləsər ȧŋmerȧ ŋa Kuru ta təren təgba tərəŋ-e? Pə yi hɛ ŋaŋ aŋa yɔ ahakɛ aŋa fi ro wula-i?

AŋHibru 8:5

aŋa bȧtho kətȧŋȧnɛ ka mȧbȧlȧnɛ dɛ yi anthunthəranɛ ŋa ɔdɛr ɔsəm wa ro riyana, kotȧy-e ma Kuru ɔ tɔri Mosis ma ɔ yema bɛmpa ȧŋseth ŋa akotha-e, ɔ pa, Kəli kȧmȧ mə bɛmpa koko bɛ kətȧŋȧnɛ ka mȧbȧlȧnɛ ama i po tɔri mu ka kateŋ.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.

Kȧŋȧibinɛ 22:9

Kɛrɛ ɔ pa do rɔmi, Tə yɔ ti pəkasifɛ minɛ i yi ɔkos mu ubɔy, yi ɔkos ka aŋwɔnt a mu Aŋnȧbi dɛ yi ka ŋa bɛ aŋa wop ȧsim ta ȧkȧfȧ ake; bȧtho gbo Kuru Məsaba.