AŋHibru 12:23 - Ȧŋlemrȧnɛ Ȧfu

²³ dɛ yi ka aŋgbanɛ ŋa aŋchɔch, pə yi mɔ aŋwuth ȧtɔtɔkɔ ŋa Krayst aŋa ba mes məgbal ro riyana, dɛ yi ka Kuru ɔthoŋkas kȧsu bɛ, dɛ yi sɔ aŋyina ŋa aŋlompi aŋa poŋ yi agbenthis;

AŋHibru 12:23 ပူးပေါင်းရင်းမြစ်များ

Luk 10:20

Kɛrɛ te ti ba məbɔnɛ ta ma nə po tham aŋkərəfi, kɛrɛ ta pə bɔnɛ nu pəkasifɛ a po gbal ames ma nu ro riyana.

Yɔn 5:27

kɔ po sɔŋ kɔ afɔsɔ tə kəthoŋkas afəm sɔ, pəkasifɛ ɔ yi ɔWan ka wuni.

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

1 AŋKɔrenth 13:12

Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

1 AŋKɔrenth 15:49

Mɔ mə saŋ sə po ba mȧbȧlȧnɛ ma ɔwuni ka kȧbof-e, mɔlɔ min sɔ sə tə ba mȧbȧlȧnɛ ma ɔwuni ka riyana.

1 AŋKɔrenth 15:54

Ma ȧŋdɛr ȧthey aŋe aŋ po wɔŋ kəte they-e, dɛ yi ȧŋdɛr afi aŋe aŋ po wɔŋ kəte fi-e, ȧŋlɔkɔ ŋati mə tə yɔnɛ ȧtȧ a gbal kəpa, Kətham kə po sɔm rəfi.

2 AŋKɔrenth 5:8

I kȧl pa, sə ba kəbak kəbuth, ɔwa sə tha yema wur ka ȧŋdɛr aŋe kȧmȧ sə gbəli yi ka kȧbəprȧnɛ ka ɔMarki.

AŋƐfisɔs 1:22

kɔ po bot tȧy o tȧy ka ȧtȧtək tɔŋ ratha, kɔ yɔ kɔ ɔ yi rȧbomp ra tȧy o tȧy ka aŋchɔch,

AŋFilipai 4:3

I nɛmthɛnɛ mu sɔ, ɔmar kȧmi ubɔthi lanɛ, kȧmȧ mə mar afəm abom aŋa po mar mi ka ȧkɛra kəfinɔ ka Kuru-e, yi Klɛmɛnt sɔ, dɛ yi aŋmar a mi alɔm aŋa ba ames maŋ ka ȧkȧfȧ ka aŋesəm.

AŋKɔlɔsi 1:12

Kama nə sɔŋ mɔmɔ ka ɔKas ɔwe po yɔ su sə yi saŋ abeki tə kəkasa ka akɛŋ ka aŋsəm ka ɔwaŋ;

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

1 Timɔthi 3:5

kotȧy-e bepi wuni ɔ tɛ hɛ tə kəgbəka ȧŋseth ŋɔŋ gbeŋ-e, to mɔ gbəli kəlianɛ aŋchɔch ŋa Kuru Məsaba-e?

AŋHibru 11:4

Rə kəlanɛ-e, Ebɛl ɔ sɔŋ Kuru sathka təbeki təthasi Ken, ɔwa di kati a seri ta atɔŋ kəpa ɔ yi ulompi; ka Kuru ɔ sɔŋ maseri mati sɔ ma a malanɛ ɛboya yɔŋ, kɔ fi kɛrɛ salata kȧlanɛ kɔŋ-e, ɔ fɔf ras.

AŋHibru 11:40

Pəkasifɛ Kuru ɔ po nanɛ tȧy təfisa ta ȧtȧ su-e, kȧmȧ pə te yi naŋ a səki ŋa agbenthis kətei su rodarəŋ.

AŋHibru 2:12

kɔ pa, Mine i ti taməs ȧŋes a mu kətɔŋ ka aŋwɔnt a mi, I ti thɔkəs mu kətɔŋ ka aŋfəm ŋa Kuru.

AŋHibru 9:27

Ɔwa ma pə yi ti-e, wuni o wuni ɔ ba tə kəfi win, kɛrɛ rodarəŋ ka rəfi-e, kathoŋkas kə yi.

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

1 Pitar 2:23

Kɔnɔ, ma a nal kɔ-e ɔ kala hɛ kənal; ma ɔ sɔmpanɛ ɔ gbind hɛ wuni, kɛrɛ ɔ lȧnklinɛ ka ɔwe mə thonkas ɔlompi.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 14:4

Aŋe, ŋa yi aŋfəm aŋa te pulkinɛ rə afəm abom; ȧtesoma-e aŋ yi agbəraŋ mɔ afanɛ. Aŋe-e, ŋa tȧŋ kaLɔmɛ kəfɛth dɛr o dɛr rə ɔ kɔnɛ. Aŋe-e aŋ yi abani kətɔŋ ka afəm a kəpet mɔ mȧkomi mətɔtɔkɔ ta Kuru dɛ yi ta kaLɔmɛ kəfɛth.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 6:11

Ɔwa a sɔŋ kin o kin ka ŋaŋ ruma rəfera, ka a kanɛ ŋa kȧmȧ aŋ muyu ras ta alɔkɔ agbut, haŋ a dif aŋkas rɛ yi aŋwɔnt ŋaŋ mɔ mə a po dif ŋa gbeŋ-e, kȧmȧ a lasər amɔlɔ maŋ.

Kȧŋȧibinɛ 6:9

Ma ɔ sim ȧŋmȧthlɛ aŋa bekȧ tamath-e, i nənk roratha ka ȧŋbɛsɛ ɛŋesəm ya ŋaŋ aŋa a po dif salata ȧrim ra Kuru, yi ta maseri ama aŋ po sɔŋ.