AŋHibru 12:2 - Ȧŋlemrȧnɛ Ȧfu

² Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 12:2 ပူးပေါင်းရင်းမြစ်များ

Mathiu 16:21

Ka ȧŋlɔkɔ ŋati Yisɔsȧŋ ɔ tǝp kǝtɔri aŋkarande ŋɔŋ kǝpa ɔ ba kǝkɔ ro Yerusalɛm tǝ kǝnȧkȧsi mətȧy mǝgbȧthi ka mȧta ma aŋbȧki yi aŋfode ȧbana yi aŋkarmɔkɔ, ɔwa aŋ tǝ dif kɔ, ɔwa ka ȧŋrey aŋa bekȧ mǝsas a tǝ kȧl yokas kɔ.

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Mark 14:36

kɔ pa Aba, Pa, ro rɔmu mȧtȧy bɛ mə selɔnɛ. Tɔŋa ampɔthi ŋa ȧŋsɔmpanɛŋ aŋe ro mi, kɛrɛ ta pə te yi ka mayema ma mi, ta pə yi mɔ mə munɔ mə yema.

Mark 15:28

Ɔwa a lasər mȧgbal ama pa, A kuluŋ kɔ ka aŋfəm aləs.

Mark 16:19

Ɔwa kədarəŋ ka ɔMarki Yisɔsȧŋ ɔ po fɔfȧnɛ ŋa-e, a ŋata kɔ rokɔm ro riyana, kɔ yirȧ ka kȧta kədiɔ ka Kuru.

Mark 9:12

kɔ wosa ɔ pa ro ŋaŋ, Ka təteŋ Ilayaŋ tɛntɛnɛ ɔ ba kəmɔtha der, kȧmȧ ɔ lompəs mȧtȧy bɛ. Ɔwa to som a gbal ta ɔWan ka wuni kəpa ɔ ba kənakasi mȧtȧy məgbathi, ɔwa a ba kəsay kɔ-e?

Mark 9:24

Ka ɔlɛmp wati ɔkas ka ɔwath ɔ pa yi mantər, Mariki i lanɛ; mar kate lanɛ kȧmi.

Luk 17:5

Aŋsom aŋ pa ka ɔMarki, Bȧr kȧlanɛ kȧsu.

Luk 23:11

Ka Hɛrɔd yi aŋtim ŋɔŋ aŋ sai kɔ, aŋ sel kɔ, ka aŋ wɔns kɔ ruma rəkabanɛ, kaŋ kala kɔ ka Paylet.

Luk 24:26

ƆKrayst ɔ mar hɛ tə kənakasi mȧtȧy ame dɛ yi tə kəwɔŋ ka aŋyiki ŋɔŋ-i?

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 12:24

I kanɛ nu tɛntɛnɛ, Bepi ȧŋluka ŋa awit aŋ fumpɔ hɛ ka ȧŋthɔf rokor aŋ fi, aŋ tiyȧ ri son: kɛrɛ bepi aŋ fi ri, aŋ tə wur məkomi məgbathi.

Yɔn 12:32

Ɔwa minɛŋ, bepi a ŋata mi kəwur ka ȧŋthɔf i ti liŋ aŋfəm bɛ ro rɔmi.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 8:56

Ebraham-əŋ ɔkas ka nu, pə bɔnɛ kɔ tə kənəŋk ȧŋrey a mi, ɔwa ɔ nənk ŋi, ka pə bɔnɛ kɔ.

Mȧyɔs ma aŋsom 2:36

Tiyȧŋ ta ȧŋseth ŋa Isrɛl bɛ aŋ tȧrȧ tɛntɛnɛ kəpa, Yisɔs ɔwe gbeŋ, ɔwe nə po tȧŋ ka akənt kəpəŋkinɛ-e, Kuru ɔ po səki kɔ ɔMarki yi ɔKrayst.

Mȧyɔs ma aŋsom 3:15

Ka nə dif ɔTəpi wa aŋesəm, ɔwe Kuru ɔ po yokas kətɔŋ ka aŋfi, ta ȧtȧ sə yi məseri.

Mȧyɔs ma aŋsom 5:31

Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

1 AŋKɔrenth 1:18

kotȧy-e, ȧŋpa ŋa akənt kəpəŋkiyɛ aŋ yi gbo apənk ka aŋa mə dinɛ; kɛrɛ ka saŋ aŋkisi, aŋ yi aŋfɔsɔ ŋa Kuru Məsaba.

1 AŋKɔrenth 1:23

Kɛrɛ saŋ sə kawandi gbo Kraystȧŋ, ɔwe a tȧŋ ka akənt kəpəŋkinɛ; tə yi ka aŋYuda tȧy təpənthbəlȧ, ɔwa ka aŋKrik-e, tȧy təpənk.

AŋƐfisɔs 2:16

Kama ɔ yɔ aŋYuda dɛ yi tȧbona təlɔm saŋ ŋarəŋ sə kȧl manɛ dɛ yi Kurɔŋ mɔ adɛr ŋin asabu ŋa akənt kəpəŋkinɛ-e, ro pə yi magbɛŋanɛ mati mə poŋ.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

AŋFilipai 1:6

Ka i lanɛ ti ɔbaksər kəpa, kɔnɔ ɔwe po təp məpanth məfinɔ rokor ka nu-e, ɔ tə pons ma haŋ ka ȧŋrey ŋa Yisɔs Krayst.

AŋFilipai 3:20

Kɛrɛ radure ra su rə yi ro riyana, ka sə kəli sɔ ta ɔKisis ɔwe ba tə kəwur ri, pə yi mɔ-e ɔMarki Yisɔs Krayst,

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

AŋHibru 1:13

Kɛrɛ ta umȧleka ureke ɔ la thȧnkȧŋ pa hɔ; Yirȧ ka kȧdiyɔ kȧmi, haŋ i bot antheranɛ a mu Ka ȧtȧtək ta mu roratha-e?

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 10:14

kotȧy-e asabu ŋa sathka tin ɔ poŋ gbenthis ŋaŋ aŋa yi asəməs-e thȧnkȧŋ thəbana.

AŋHibru 10:33

Ka ȧŋgbȧp ŋin-e, a sambos nu ka ɔgbaif rə tənal dɛ yi ɛsɔmpanɛ; ka ȧŋgbȧp alɔm nə yi ayeranɛ dɛ yi ŋaŋ aŋa ba ɛsɔmpanɛ ɛwunɔŋ.

AŋHibru 11:36

Ɔwa a mɛmər alɔm rə məsel mələs, ka a sap ŋa yi rəkɛt, yao a tand ŋa rə tɔrɛntha ka ȧŋseth ȧtərənkȧ;

AŋHibru 12:3

kotȧy-e tȧmtȧmnɛ nu finɔ ta kɔn ɔwe muyu ɛpɛnsanɛ ya afəm ŋa ahakɛ kəŋamnɛ kɔ-e, kȧmȧ pə te lela nu haŋ nə thamrɔ rə ȧmerȧ.

AŋHibru 13:13

Tiyȧŋ maŋ tȧŋ kɔ nu ka aŋkobe rokaŋ, kȧmȧ sə sara mȧlap mɔŋ.

AŋHibru 5:9

ɔwa ma a po gbenthis kɔ-e, ɔ səkɛ ɔTəpi ka ŋaŋ bɛ aŋa mə sanɛ do rɔŋɔŋ.

AŋHibru 7:19

(kotȧy-e ȧŋthɔ aŋ səki hɛ koko rəgbenthis). Kɛrɛ ka ȧŋgbȧp alɔm a sɔŋ su kəgbak ȧmerȧ kəfisa, ɔwa kətȧŋȧnɛ kati sə gbəli fatər Kuru.

AŋHibru 8:1

Ɔwa aŋkolo ŋa mȧtȧy ama sə po fɔfȧnɛ, ŋi aŋe; sə ba ufode ubana ɔwe po yirȧ ka kȧdiyɔ ka kawaŋ ka rȧbȧy ra ɔKuru ka ayiki ro riyana.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

Yeməs 2:1

Aŋwɔnt a mi, te nu wop kȧlanɛ ka ɔMarki kȧsu Yisɔs Kraystȧŋ, ɔMarki ka ayiki, yi kəbot agbȧy kətɔŋ ka afəm.

1 Pitar 1:11

kaŋ thɛns ko wuni, thalɔm ko alɔkɔ ɔYina ka Krayst rokor ka ŋaŋ ɔ tɔri ma ɔ ŋaibi ɛsɔmpanɛ ya Krayst dɛ yi aŋyiki aŋa mə tanda.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.

Yud 1:21

bȧkər nu ka mabɔthər ma Kuru, nə kəlianɛ ȧŋney ŋa ɔMarki kȧsu Yisɔs Krayst aŋa mə sɔŋ su aŋesəm thəbana.

Kȧŋȧibinɛ 1:11

rǝ pa hɔ, Minɛ yi Alfa yi Omeka, ɔTɔtɔkɔ yi ɔLəpsɔ; gbal ȧtȧ mə nənk ka areka, ɔwa somra ŋi ka ɛchɔch tȧmthədɛrəŋ, ka ro Ɛfisɔs, ro Smayna, ro Pakamɔm, ro Thayatira, ro Sadis, ro Filadɛlfiya, dɛ yi ro La-odishiya.

Kȧŋȧibinɛ 1:17

Ma i nənk kɔ-e, i fumpɔ ka tatək tɔŋ mɔ i po fi. Kɔ reŋ kȧta kɔŋ kədiɔ ka rȧbomp ra mi, ɔ pa, Te nesa, minɛ yi ɔTɔtɔkɔ yi ɔLəpsɔ.

Kȧŋȧibinɛ 1:8

Minɛ yi Alfa yi Omeka, ɔMarki ɔ pa, ɔwe yi, dɛ yi ɔwe la yi, dɛ yi ɔwe yi tə kəder, ɔKuru ka afɔsɔ bɛ, kɔn kɔnɔnɛ.

Kȧŋȧibinɛ 2:8

Gbal ka ɔkəlianɛ ka aŋchɔch ŋa ro Smayna kəpa ye, Ȧsim ta ɔTɔtɔkɔ yi ɔLəpsɔ-e, kɔn ɔwe po fi kɛrɛ ɔ kȧl po ba aŋesəm, ti ȧte.