AŋHibru 12:14 - Ȧŋlemrȧnɛ Ȧfu

¹⁴ Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 12:14 ပူးပေါင်းရင်းမြစ်များ

Mark 9:50

Amɛr mə finɔ, kɛrɛ bepi mə rant-e, ko rəka rə mə bɔthəs ma-e? Nia gbeŋ nə ba kəyi mɛr ka ɛyɛthɛ nu, ɔwa yirȧ yi məthɔfəl ukin yi ulɔm.

Luk 1:75

Rə məsəm yi məlompi roder kɔŋ kədi ka mȧrey ma su bɛ.

AŋRomans 12:18

Bepi pə gbəli yi-e, mɔlɔ ma nə gbəli bɛ-e, yirȧ nu ka məthɔfəl yi afəm bɛ.

AŋRomans 14:19

Tiyȧŋ maŋ taŋanɛ nu mȧtȧy ama mə sɔŋ məthɔfəl, yi mȧtȧy ama mə tempəs ukin yi ulɔmȧŋ.

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

1 AŋKɔrenth 1:10

Ɔmari nu, awɔnt, ka ȧŋes ŋa ɔMarki kȧsu Yisɔs Kraystȧŋ, i nɛmthɛnɛ nu kȧmȧ nə ba rim din, dɛ yi kȧmȧ ɔgbaskɛ gbaskɛ ɔ te yi kətɔŋ ka nu, kɛrɛ ba nu ȧmerȧ ŋin yi məgbək min.

1 AŋKɔrenth 13:12

Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

2 AŋKɔrenth 6:17

Tiyȧŋ, Wur nu kətɔŋ ka ŋaŋ, ɔwa yi nu agbaskɛ, ɔMarki ɔ pa, Te gboŋ rəka o rəka rəyifa; Ɔwa i ti malanɛ nu,

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋKȧletia 3:21

Di kati-e, ȧŋthɔ aŋ tim ɛlahiri ya Kuru-i? Saki ti; kotȧy-e bepi a poŋ sɔŋ athɔ aŋa gbəli kəlis-e, tə tɛntɛnɛ məlompi mə tə yi ka ȧŋthɔ.

AŋƐfisɔs 5:5

kotȧy-e nə tȧrȧ ti tə tɛntɛnɛ kəpa wuni rəpi, thalɔm wuni nɔkɔ-e, thalɔm wuni ba ɛfɔr ɛyamari-e, ɔwe yi mɔ ubȧtho arɔŋ-e, ɔkati ɔ ba hɛ ani ka rȧbȧy ra Krayst yi Kurɔŋ.

AŋFilipai 3:12

Pə yi hɛ kəpa i po thɔŋ berɔkɔ-e, thalɔm i po thɔŋ yi ugbenthis-e, kɛrɛ i bȧsər kɔ kədi kȧmȧ i gbəli wop mabotəs mati ta ama Yisɔs ɔ kȧl wop mi.

1 AŋThɛsȧlonika 3:13

Kama ɔ bȧksər ɛmerȧ ɛ nu kəte ba məthɛkɛ ka rȧsəm rodi ka Kuru ɔKas kȧsu, ka kȧder ka ɔMarki kȧsu Yisɔs Krayst dɛ yi aŋfəm ŋɔŋ asəm bɛ.

1 AŋThɛsȧlonika 4:7

kotȧy-e Kuru ɔ tela hɛ su salata mənɔkɔ, kɛrɛ ta rəsəm.

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

1 Timɔthi 6:11

Kɛrɛ munɔ, mun wuni ka Kuru-e, gbukɛ mȧtȧy ame; tȧŋ məlompi dɛ yi məsəm ama yi təteŋ rodi ka Kurɔŋ, yi kəlanɛ, yi məbɔthər, yi kəmuyu, yi kəthoranɛ.

2 Timɔthi 2:22

Gbukɛ sɔ ɛfela ɛləs ya rȧfɛth, kɛrɛ tȧŋ məlompi, yi kəlanɛ, yi məbɔthər, yi məthɔfəl rɛ ŋaŋ aŋa tela ka ɔMarki rə ɛmerȧ ɛfera.

AŋHibru 12:10

kotȧy-e tɛntɛnɛ aŋ sirans su ka alɔkɔ agbut mɔ mə aŋ nənk ti ɔfinɔ; kɛrɛ Kurɔŋ ɔ yɔ ti tə kəmar su-e, kȧmȧ sə gbəli ba ȧgbȧp ka masəm mɔŋ.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

1 Pitar 3:11

Ta ɔ pɛnsa tələs, ta ɔ yɔ təfinɔ; Ta ɔ thɛns məthɔfəl kȧmȧ ɔ bȧkərȧ ma.

1 Pitar 3:13

Ɔwa kanɛ mə gbəli yɔ nu tələs bepi nə tȧŋ ȧtȧ yi təlompi-e?

2 Pitar 3:11

Ma sə nənk kəpa ɛyɛt ɛye bɛ ɛ tə dinɛ-e, ko afəm ŋaŋ nə yi naŋ tə kəyi ka məyi məsəm, dɛ yi ka ranes ra Kuru-e?

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.

3 Yɔn 1:11

Ɔbɔthər kȧmi, te tansanɛ mələs, kɛrɛ tansanɛ məfinɔ. Ɔwe mə yɔ ɔfinɔ ɔ yi ka Kuru: kɛrɛ ɔwe mə yɔ ɔləs ɔ tha nənk hɛ Kuru.