AŋHibru 11:37 - Ȧŋlemrȧnɛ Ȧfu

³⁷ a ləməs ŋa yi məsar, a sera ŋa ratɔŋ, a gbɔns ŋa, a difȧ ŋa yi ɛgbathɔ, aŋ thasəsnɛ gbo ka ȧŋthɔf ka ɛreka ya təlɔmɛ yi atir. Aŋ tiyȧ rə amɔnɛ, ka a bȧr sɔmpar ŋa tə kəyɔ ŋa ɔbaŋ.

AŋHibru 11:37 ပူးပေါင်းရင်းမြစ်များ

Mathiu 21:35

Ka aŋbȧf aŋ gbasi ɛbɔy yɔŋ aŋ sap ukin, aŋ dif ukin, aŋ lǝmǝs ulɔm mǝsar.

Mathiu 3:4

Yɔnȧŋ ɔ wɔŋ ruma ra aŋfon ŋa ȧyɔkmɛ, ɔwa ɔ senɛ ȧthɛbɛŋ ŋa areka. Ɛdi yɔŋ ɛ yi ɛlama yi rǝmai.

Mathiu 8:20

Ka Yisɔsȧŋ ɔ pa ro rɔŋɔŋ hɔ, Ɛgbogboro aŋ ba tǝyaŋka-e, ɛbȧmp ya aŋfena aŋ ba ɛseth. Kɛrɛ ɔWan ka wuni ɔ ba hɛ dɛr ro mǝ ɔ bot rȧbomp rɔŋ.

Luk 13:34

O Yerusalɛm, Yerusalɛm, munɔ ɔwe mə dif aŋnabi, ɔwe mə ləmər ŋa məsar aŋa a som ro rɔmu; ɛlɔkɔ ɛgbathi i yema naŋ thoŋkla aŋwuth a mu rɔkin, mɔ kȧbɛt mɔ thoŋkla aŋfɛth ŋɔŋ ka ɛkufna yɔŋ roratha, kɛrɛ nə selɔ hɛ.

Mȧyɔs ma aŋsom 14:19

Kɛrɛ aŋYuda alɔm aŋ der kəwur ro Antiɔk yi ro Ikoniɔm; ɔwa maŋ po pər aŋfəm-e, aŋ ləməs Pɔlȧŋ məsar, kaŋ liŋ kɔ aŋ wurɔ kɔ ro pet, aŋ nanɛ kəpa ɔ po fi.

Mȧyɔs ma aŋsom 7:52

Unabi ureke ɔ yi ɔwe aŋkas a nu aŋ te sɔmpa-e? Aŋ po difəth ŋa aŋa tɔri thəpaŋ ta kȧder ka ɔLompi ukin; ta ɔwe naŋ nə po səkɛ aŋsɔnd yi adif.

2 AŋKɔrenth 12:10

Tiyȧŋ i ba məbɔnɛ də rəyai-o, rə tənal-o, rə mɔnɛ-o, rə təsɔmpanɛ-o, dɛ yi rə məkɛthanɛ salata Kraystȧŋ, kotȧy-e ma i yi urant-e, ȧŋlɔkɔ ŋati i yi ubaki mədɛr.

AŋHibru 11:25

kɛrɛ ɔ thith tə kəsɔmpanɛ dɛ aŋfəm ŋa Kuru pəthas tə kəba mabɔnɛ məgbut ma ɛhakɛ.

AŋHibru 13:3

Kala nu ȧmerȧ ka ŋaŋ aŋa yi ka aseth ȧtərənkȧ, mɔ a tand nu dɛ yi ŋaŋ; nanɛ ŋa sɔ aŋa ba asɔmpanɛ kotȧy-e naŋ nə yi ras ka madɛr ma rawuni kəpet.

Kȧŋȧibinɛ 11:3

Ɔwa i ti sɔŋ afɔsɔ ka maseri ma mi ŋarəŋ, kȧmȧ aŋ nȧbi mərey awul ŋin tɛmɛ tərəŋ dɛ yi təgba təsas, dɛ yi aŋ tə lopra kotha kənɛthɛ.