AŋHibru 10:36 - Ȧŋlemrȧnɛ Ȧfu

³⁶ kotȧy-e nə ba tə kəmuyu, kȧmȧ ma nə po yɔ mȧselɔ ma Kuru-e, nə tə sɔthɔ aŋlahiri:

AŋHibru 10:36 ပူးပေါင်းရင်းမြစ်များ

Mathiu 10:22

Afǝm bɛ aŋ tǝ gbɛŋa nu salata ȧŋes a mi, kɛrɛ ɔwe mǝ muyu haŋ ka ɔthalnɛ-e, kɔnɔ kati ɔ tǝ kisi.

Mathiu 12:50

Ȧtesoma-e wuni o wuni ɔwe mǝ yɔ mȧselɔ ma ɔKas kȧmi ɔwe yi ro riana-e, kɔnɔ yi ɔwɔnt mi uruni yi ɔwɔnt mi ubɛra dɛ yi ɔkara kȧmi.

Mathiu 21:31

Ka ŋa ŋarǝŋ aŋe-e, kanɛ yɔ mȧselɔ ma ɔkas kɔŋ-e? kaŋ pa ro ŋɔŋ, Ɔtɔtɔkɔ. Ka Yisɔsȧŋ ɔ pa ro ŋaŋ, Tɛntɛnɛ i kanɛ nu kǝpa aŋthoŋkla ɛfȧk yi aŋbɛra arǝpi aŋ tǝ mɔtha nu wɔŋ ka rȧbȧy ra Kuru.

Mathiu 24:13

Kɛrɛ ɔwe mǝ muyu haŋ ka ɔthalnɛ, kɔnɔ kati ɔ tǝ kisi.

Mathiu 7:21

Pǝ yi hɛ wuni o wuni ɔwe mǝ pa ro mi, Pa, Pa, kɔnɔ mǝ wɔŋ ka rȧbȧy ra ro riyana, kɛrɛ ŋaŋ gbo son aŋa mǝ yɔ mȧselɔ ma ɔKas kȧmi ɔwe yi ro riyana.

Mark 3:35

Ȧtesoma-e wuni o wuni ɔwe mə yɔ mȧselɔ ma Kuru-e kɔnɔ yi ɔwɔnt mi runi, yi ɔwɔnt mi bɛra, yi ɔkara kȧmi.

Luk 21:19

Nə tə bɛnɛ ɛŋesəm ɛ nu ka kamuyu ka nu.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Mȧyɔs ma aŋsom 13:22

Ɔwa ma ɔ po wurɔ kɔ ka matəma mɔŋ-e, ɔ təmər Debid tə kəyi ɔbȧy ka ŋaŋ, ta ɔwe ɔ seri sɔ kəpa-e, I po fir Debid ɔwan ka Yɛsi, ɔwuni ɔwe i bɔthər, ɔwe mə yɔ mȧselɔ ma mi bɛ.

Mȧyɔs ma aŋsom 13:36

Ȧtesoma-e Debidȧŋ, ma ɔ po yɔ mȧselɔ ma Kuru ka ȧŋlɔkɔ ŋɔŋ-e, ɔ kɔ rə mərey, ka a bot kɔ yi aŋkas ŋɔŋ, kɔ thei.

AŋRomans 12:12

Ba nu məbɔnɛ ka kəgbȧk ȧmerȧ; muyu nu ka kəsɔmpanɛ, bȧsər nu ka kəramnɛ alɔkɔ bɛ.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

AŋRomans 8:25

Kɛrɛ bepi sə gbak ȧmerȧ ta ȧtȧ sə te tha nəŋka rəfɔr-e, sə tə kar ti rə kəmuyu.

1 AŋKɔrenth 13:7

Mȧbɔthər mə sara mȧtȧy bɛ, mə lanɛ mȧtȧy bɛ, mə gbak ȧmerȧ ta mȧtȧy bɛ, mə muyu mȧtȧy bɛ.

AŋKȧletia 6:9

Maŋ te nu gbɔgbətha rə kəyɔ ɔfinɔ, kotȧy-e ka alɔkɔ agbut sə tə rɔk bepi sə thamrɔ hɛ.

AŋƐfisɔs 6:6

Ta pə te yi rə kəyɔna gbo ro der ka ŋaŋ kəri, mɔ ŋaŋ aŋa mə yɔr tə kəbɔnɛs afəm. Kɛrɛ ta pə yi mɔ ɛbɔy ya Krayst aŋa mə yɔ mȧselɔ ma Kuru ka ɛmerȧ yaŋ.

AŋKɔlɔsi 1:11

Kaŋka a bȧksər nu rə afɔsɔ bɛ kətȧŋȧnɛ ka ɔninis wa aŋfɔsɔ ŋa aŋyiki ŋɔŋ, kəkɔ ka kȧmuyu kəlele rə məbɔnɛ.

AŋKɔlɔsi 3:24

Pəkasifɛ nə tȧrȧ kəyi nə tə sɔthɔ akɛŋ ro riyana, mɔ ȧrȧm kəwur ka ɔMarki; kotȧy-e nə yɔna ɔMarki Yisɔs.

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

AŋHibru 11:39

Kɛrɛ aŋfəm aŋe bɛ hali maŋ po sɔthɔ mes məfinɔ asabu ŋa kəlanɛ-e, aŋ nənk hɛ ɔlasər wa aŋlahiri gbeŋ.

AŋHibru 12:1

Tiyȧŋ ma ayama abana ŋa məseri aŋ kampər su yaŋ-e, maŋ gbapɛ nu koko ara mə bɛnt su, dɛ yi aŋhakɛ aŋa mə thiŋkər su katkat, ɔwa maŋ gbukɛ nu rə kəmuyu kȧgbȧkȧnɛ ȧke mə a bot rodi kȧsu.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

AŋHibru 6:12

Kama nə te yi ayay, kɛrɛ nə tansanɛ ŋaŋ aŋa sɔthɔ ɛlahiri asabu ŋa kȧlanɛ dɛ yi kamuyu ka ŋaŋ.

AŋHibru 6:15

Ɔwa ma Ebraham ɔ po muyu haŋ-e, ɔ sɔthɔ tɛn aŋlahiri.

AŋHibru 6:17

Tiyȧŋ ma Kuru ɔ yema tɔri ŋaŋ aŋa ba kəsɔthɔ aŋlahiri ŋɔŋ to mȧselɔ mɔŋ mə gbəli hɛ siŋkar-e, ɔ bȧksər ŋi yi agbiŋ,

AŋHibru 9:15

Te ba ti ɔ yi ukasa ka aŋlemranɛ afu, kȧbi ɔ po fi tə kəbani ɛhakɛ yaŋ aŋa la yi roratha ka aŋlemranɛ ȧtɔtɔkɔ, kȧmȧ ŋaŋ aŋa a po tela aŋ gbəli sɔthɔ aŋlahiri ŋa akɛŋ ka thəbana.

1 Pitar 1:9

kəsɔthɔ ɔtand wa aŋlanɛ a nu, ɔwe yi kakisi ka rafəm ra nu.

1 Yɔn 2:17

Raru rə tə thas yi mafela mati, kɛrɛ kɔn ɔwe mə yɔ mȧselɔ ma Kuru ɔ tə yi haŋ thȧnkȧŋ thəbana.

Kȧŋȧibinɛ 13:10

Ɔwe yema wɔŋȧ wuni rə kɛndɛbira-e, kɔnɔ ɔ tə wɔŋ rə kɛndɛbira. Ɔwe yema dif rə aŋgbathɔ-e, a tə dif kɔ rɛ aŋgbathɔ. Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu yi kȧlanɛ ka ŋaŋ.

Kȧŋȧibinɛ 14:12

Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu ka ŋaŋ, pə yi mɔ-e, ŋaŋ aŋa wop ɛyamari ya Kuru yi kȧlanɛ ka Yisɔs.