AŋHibru 10:34 - Ȧŋlemrȧnɛ Ȧfu

³⁴ Ȧtesoma-e nə ba ȧney ka atɛndɛbira, ɔwa nə kȧl selɔ rə məbɔnɛ ma a luk ɛyɛt ɛ nu, kȧbi nə tȧrȧ kəpa nə ba kɛŋ kəfisa ȧke ba kətia thȧnkȧŋ.

AŋHibru 10:34 ပူးပေါင်းရင်းမြစ်များ

Mathiu 19:21

Ka Yisɔsȧŋ ɔ pa ro ŋɔŋ, Bepi mǝ yema yi ugbenthis-e, kɔnɛ mǝ thila ara mǝ ba, ɔwa mǝ sɔŋ ȧŋmɔnɛ. Mǝ tǝ ba kɛŋ ro riyana, ɔwa der, mǝ tȧŋ mi.

Luk 10:42

Kɛrɛ tȧy tin gbo mə paŋ, ɔwa Meri ɔ po thith ȧte yi təfinɔ, ȧtȧ mə a te kɔ nɔy.

Luk 12:33

Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər.

Luk 9:25

Ko ŋani aŋ yi ta wuni bepi ɔ sɔthɔ ȧdȧru bɛ, ɔwa ɔ dim thalɔm ɔ sɔnd aŋesəm ŋɔŋ-e?

Mȧyɔs ma aŋsom 21:33

Ka ɔkaptin ubana ɔ wop kɔ, ɔ yamari kȧmȧ a tand kɔ yi tɔrɛntha tərəŋ; kɔ yif kɔn kanɛ-e, ɔwa ȧtȧ ɔ po yɔ-e?

Mȧyɔs ma aŋsom 28:20

Tiyȧŋ ta ȧtȧy ȧte i som kətela nu kȧmȧ sə nəŋkanɛ, ȧtesoma-e salata kagbak ȧmerȧ ka Isrɛl a kotər mi akɔrɛntha ake.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

2 AŋKɔrenth 5:1

kotȧy-e sə tȧrȧ kəpa bepi ȧŋseth ŋa madɛr ma su aŋ yɛksɛ-e, sə ba alɔm kəwur ka Kuru Məsaba-e, aseth aŋa mə a te bɛmpa yi məta thȧnkȧŋ thəbana ro riyana.

AŋƐfisɔs 3:1

Te ba ti-e, minɛ Pɔl, ɔkɛndɛbira ka Yisɔs Krayst salata naŋ təbona təlɔm-e,

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋƐfisɔs 6:20

Ɔwa ka ȧŋsabu aŋe i yi usom ka tɔrɛntha, kȧmȧ i gbəli fɔf rə kəmintha mɔ mə i yi tə kəfɔf.

AŋFilipai 1:7

I ba məmari tə kənanɛ ȧte ta ȧtȧ nu bɛ, kotȧy-e i ba nu ka ȧŋmerȧ a mi, ɔwa ma i yi ukɛndɛbira dɛ yi ma i təmȧ tə kəgbaki dɛ yi tə kəseri ta ȧkɛra kəfinɔ-e, naŋ bɛ nə yi ayeranɛ ka aboŋa ŋin ŋati yi minɛŋ.

AŋKɔlɔsi 1:5

asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

1 Timɔthi 6:19

Kama aŋ bɛnɛnɛ ɔtəmər ɔfinɔ ta ȧŋlɔkɔ aŋa mə derȧŋ, kȧmȧ aŋ wopnɛ aŋesəm thəbana.

2 Timɔthi 1:16

Kaŋka ɔMarki ɔ sɔŋ ȧney ka kabɔr ka Onisifɔrɔs, pəkasifɛ ɔ bȧkəs mi mədɛr katkat, kɔ lap hɛ ta akɔrɛntha kȧmi,

2 Timɔthi 2:9

Salata ȧkɛra ake-e, i nakasi, ɔwa a tand mi ka tɔrɛntha mɔ ukərəŋka. Kɛrɛ a gbəli hɛ tand ȧrim ra Kuru yi tɔrɛntha.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

AŋHibru 11:16

Kɛrɛ ka-ake aŋ fela athɔf afisa aŋa yi mɔ ro riyana; tiyȧŋ Kuru ɔ lap hɛ maŋ tela kɔ ɔKuru ka ŋaŋ, pəkasifɛ ɔ po bɛnɛnɛ kəpet ta ȧtȧ ŋaŋ.

AŋHibru 13:14

Pəkasifɛ anɔ sə ba hɛ kəpet kəthəbana, kɛrɛ sə thɛns kȧpet ȧke yi tə kəder.

AŋHibru 13:3

Kala nu ȧmerȧ ka ŋaŋ aŋa yi ka aseth ȧtərənkȧ, mɔ a tand nu dɛ yi ŋaŋ; nanɛ ŋa sɔ aŋa ba asɔmpanɛ kotȧy-e naŋ nə yi ras ka madɛr ma rawuni kəpet.

AŋHibru 9:15

Te ba ti ɔ yi ukasa ka aŋlemranɛ afu, kȧbi ɔ po fi tə kəbani ɛhakɛ yaŋ aŋa la yi roratha ka aŋlemranɛ ȧtɔtɔkɔ, kȧmȧ ŋaŋ aŋa a po tela aŋ gbəli sɔthɔ aŋlahiri ŋa akɛŋ ka thəbana.

Yeməs 1:2

Aŋwɔnt a mi, ba ti nu məbɔnɛ bepi ɛmɛm ɛgbanthɛ tətəp ɛ bəp nu,

1 Pitar 1:4

dɛ yi tə kəsɔthɔ kɛŋ kəthəbana, kəgbəraŋ ȧke mə te gbəŋkɛ, ȧke a bɛnɛ ro riyana ta ȧtȧ nu,

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.