AŋHibru 10:24 - Ȧŋlemrȧnɛ Ȧfu

²⁴ Maŋ gbonkthasnɛ nu ukin dɛ yi ulɔm kəkɔ ka mȧbɔthər yi mȧyɔs məfinɔ.

AŋHibru 10:24 ပူးပေါင်းရင်းမြစ်များ

Mȧyɔs ma aŋsom 11:29

Ka aŋkarande, ukin o kin mɔ kagbəli kɔŋ kə yi, aŋ botəs tə kəsomra kəmar ka aŋwɔnt aŋa yi ro Yudia.

AŋRomans 11:4

Kɛrɛ to Kuru ɔ gbaki kɔ-e? Ɔ pa, I po bɛnɛnɛ afəm aruni ɛwul tȧmthədɛrəŋ aŋa te tha sɔ tawu ka Bel.

AŋRomans 12:15

Sel nu məbɔnɛ yi ŋaŋ aŋa mə sel məbɔnɛ, ɔwa bok dɛ yi ŋaŋ aŋa mə bok.

1 AŋKɔrenth 10:33

Mɔ mȧ minɛ i yɔ kȧmȧ pə bɔnɛ afəm bɛ ka tȧy o tȧy, ɔwa i thɛns hɛ ȧtȧ yi təbȧrnɛ ta ȧtȧ mi gboŋ-e, kɛrɛ ȧtȧ yi təbarnɛ ta agbȧthi, kȧmȧ aŋ kisi.

1 AŋKɔrenth 9:22

Ka aŋyay i səkɛ uyay kȧmȧ i sɔthɔ aŋyay. I po səkɛ mȧtȧy bɛ salata afəm bɛ kȧmȧ rə roŋ o roŋ i gbəli kisis alɔm.

2 AŋKɔrenth 8:8

I fɔf hɛ ti mɔ ayamari, i fɔf gbo tə kəgbɛŋgbɛŋ ɔfera wa mabɔthər ma nu asabu ŋa mayasyas ma alɔm.

2 AŋKɔrenth 9:2

ȧtesoma-e i tȧrȧ kabɛnɛnɛ ka nu, ɔwa di kati i kolonɛ ta ȧtȧ nu ka aŋfəm ŋa ro Masidonia, kəpa ŋa ro Akaya aŋ yi thɔŋ abɛnɛnɛ kȧbi ka dendis. Ɔwa mayasyas ma nu mə poŋ gboŋkthis afəm agbȧthi.

AŋKȧletia 5:13

Ȧtesoma-e, awɔnt, a po tela nu rə rəwaŋkom, kɛrɛ te gbo kianɛ rȧwankom ra nu mɔ afɛrɛ tə kəlasər mafela ma madɛr, kɛrɛ kətȧŋȧnɛ ka məbɔthər-e, yɔnanɛ ukin dɛ yi ulɔm.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋKȧletia 6:1

Awɔnt, bepi nə pɔntnɛ wuni ka kayɔ ahakɛ-e, naŋ aŋa yi rə ɔYina nə yi tə kəkal təmsər ɔwuni kati rə ȧmerȧ athoranɛ; ɔwa bumnɛ, kȧmȧ naŋ sɔ nə te wɔŋ ka agbɔnsanɛ.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

1 AŋThɛsȧlonika 5:11

Tiyȧŋ maŋanɛ nu, ɔwa bȧkəsȧnɛ nu mɔ mə nə tɛntɛ kəyɔ.

2 AŋThɛsȧlonika 3:9

Pə yi hɛ kəpa sə ba hɛ mamari mati, kɛrɛ sə fela tə kəsɔŋ nu amɔl kȧmȧ nə tansanɛ su.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

Taytɔs 2:4

kȧmȧ aŋ gbəli sɔ thəksȧ ȧŋbɔrkɔ tə kəyi agbɛt, tə kəbɔthər aŋwos dɛ yi aŋwuth ŋaŋ;

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

AŋHibru 13:1

Bȧsər nu bɔthərȧnɛ mɔ awɔnt.

AŋHibru 13:3

Kala nu ȧmerȧ ka ŋaŋ aŋa yi ka aseth ȧtərənkȧ, mɔ a tand nu dɛ yi ŋaŋ; nanɛ ŋa sɔ aŋa ba asɔmpanɛ kotȧy-e naŋ nə yi ras ka madɛr ma rawuni kəpet.

AŋHibru 3:13

Kɛrɛ maŋanɛ nu alɔkɔ bɛ, ma pə yi ras thonɔŋ, kȧmȧ aŋyaŋfa ŋa ahakɛ aŋ te yɔ ɛmerȧ ɛ nu ɛ gbolŋa.

1 Yɔn 3:18

Awuth alɔl, maŋ te nu bɔthər ka sim, thalɔm ka məfɔf: kɛrɛ ka məyɔs yi ka tȧteŋ.