AŋHibru 10:20 - Ȧŋlemrȧnɛ Ȧfu

²⁰ ka aroŋ dəfu dɛ yi rəkəli ara ɔ po kanthɛ su, tə kəthas ka ȧŋkunkla, pə yi mɔ-e, kətaŋ ka ȧŋdɛr ŋɔŋ;

AŋHibru 10:20 ပူးပေါင်းရင်းမြစ်များ

Mathiu 27:51

Kǝla, ȧŋkunkla ŋa ȧŋseth ŋa Kuru aŋ pima kǝtǝp rokɔm haŋ kǝbek roratha. Aŋthɔf aŋ yɛr, ɔwa masar mǝ gbaya,

Mark 15:38

Ka ȧŋkunklanɛ ŋa ȧŋseth ŋa Kuru aŋ gbayanɛ ratɔŋ kətəp rokɔm haŋ roratha.

Luk 23:45

Aret rə biyȧ, ka ȧŋkunkla ŋa ȧŋseth ŋa Kuru aŋ gbaya ratɔŋ.

Yɔn 10:7

Ka Yisɔsȧŋ ɔ kȧl pa ro ŋaŋ, I kanɛ nu tɛntɛnɛ, Minɛ yi kadare ka talɔmɛ.

Yɔn 10:9

Minɛ yi kadare: bepi wuni o wuni ɔ wɔŋ ka kȧta ka mi-e, ɔ tə kisi, ɔwa ɔ tə wɔŋ, ɔ tə wur, ɔ tə bəp ɛwɔnth.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

AŋƐfisɔs 2:15

ma ɔ po nɔy ka ȧŋdɛr ŋɔŋ magbɛŋanɛ, pə yi mɔ-e ȧŋthɔ ŋa ɛyamari ɛyɛ a po gbal, kȧmȧ pə re yi rokor ka aŋyɛthɛ ŋɔŋ-e, afəm ŋarəŋ aŋe aŋ səkɛ wuni kin ufu, ɔwa yaŋ ɔ bɛmpa məthɔfəl.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

AŋHibru 6:19

Ɔwa sə ba kagbak ȧmerȧ ake, ȧke yi mɔ rǝka rəpələnɛ rəbaki mədɛr, pə yi mɔ kagbak ȧmerȧ ka tȧteŋ ȧke gbəli wɔŋ ka ɔdɛr ɔsəm thɔŋ bɛ rodarəŋ ka ȧŋkunkla.

AŋHibru 9:3

Ɔwa rodarəŋ ka ȧŋkunkla-e ȧŋkonko alɔm aŋ yi aŋa a tela ɔdɛr ɔsəm thɔ bɛ,

AŋHibru 9:8

Yaŋ ɔYina məsəm ɔ tɔri kəpa aroŋ da wɔŋ ka ɔdɛr ɔsəm thɔ bɛ-e rə tha tɔrinɛ hɛ ras, fanama ȧŋkonko ȧtɔtɔkɔ aŋ təmȧ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Yɔn 4:2

Ka ȧte sə tȧrȧ ɔYina ka Kuru: ayina o yina aŋa mə gbithanɛ kəpa Yisɔs Krayst ɔ po der ka madɛr aŋ yi ka Kuru:

2 Yɔn 1:7

kotȧy-e afəm ayaŋfa agbȧthi aŋ po wɔŋ ka ȧdȧru, hali ŋaŋ aŋa te gbithanɛ kəpa Yisɔs Krayst ɔ po der ka madɛr. Ɔwe ɔ yi uyaŋfa yi ukraist uyem.