AŋFilipai 4:9 - Ȧŋlemrȧnɛ Ȧfu

⁹ Ɔwa mȧtȧy ama minɛ i poŋ thəksa nu, dɛ yi ama nə poŋ təl dɛ yi nə po nənk do rɔmi, wop ma nu ɔbaksər. Ɔwa ɔKuru ka məthɔfəl ɔ tə yi yi naŋ.

AŋFilipai 4:9 ပူးပေါင်းရင်းမြစ်များ

Mathiu 1:23

Kǝla, ufanɛ ɔ tǝ gbasi kor, Ɔ tǝ kom wath uruni, Ɔwa a tǝ bont kɔ ŋes, Imanuɛl, (aŋa a tepa kǝpa Kuruȧŋ ɔ yi dɛ yi saŋ).

Mathiu 28:20

ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.

Mathiu 7:21

Pǝ yi hɛ wuni o wuni ɔwe mǝ pa ro mi, Pa, Pa, kɔnɔ mǝ wɔŋ ka rȧbȧy ra ro riyana, kɛrɛ ŋaŋ gbo son aŋa mǝ yɔ mȧselɔ ma ɔKas kȧmi ɔwe yi ro riyana.

Luk 6:46

To som nə bont mi, Pa, Pa, kədarəŋ ka nə yɔ hɛ ȧte i kanɛ nu-e?

Luk 8:21

kɔ lasi ɔ pa ro ŋaŋ, Ɔkara kȧmi yi aŋwɔnt mi aŋ yi aŋa mə təl ȧrim ra Kuru-e, ɔwa aŋ wop ri.

Yɔn 13:17

Bepi nə tȧrȧ mȧtȧy ame, nə ba aruba bepi nə yɔ ma.

Yɔn 15:14

Naŋ nə yi aŋyathki a mi, bepi nə yɔ ȧte i yamari nu.

Yɔn 2:5

Ɔkara kɔŋ ɔ pa ka ɛbɔy, Tȧy o tȧy bɛ ȧte ɔ kanɛ nu-e, yɔ ti nu.

Mȧyɔs ma aŋsom 9:6

Ɔwa rə kəyɛr yi kəkabanɛ ɔ pa, Mariki ko mə yema i yɔ-e? Ka ɔMarki ɔ pa, Yokanɛ, wɔŋ ro pet, ɔwa a tə tɔri mu ȧte mə ba kəyɔ.

AŋRomans 15:33

Ta ɔKuru ka məthɔfəl ɔ yi yi naŋ bɛ. Amina.

AŋRomans 16:20

Kaŋka ɔKuru ka məthɔfəl ɔ tə gbəmər Sethani ka tatək ta nu ratha thani. Ta ȧŋboŋa ŋa ɔMarki kȧsu Yisɔs Krayst aŋ yi yi naŋ.

1 AŋKɔrenth 10:31

Ȧŋsabu aŋ yi kəpa, bepi nə di-e, thalɔm nə mun-e, thalɔm nə yɔ tȧy o tai-e, yɔ ti nu bɛ salata aŋyiki ŋa Kuru.

1 AŋKɔrenth 14:33

Kuru ɔ yi hɛ ɔKuru ka məsɔkanɛ, kɛrɛ ka məthɔfəl, mɔ mə pə yi ka ɛgbanɛ bɛ ya aŋsəm ŋa Yisɔs.

1 AŋKɔrenth 4:16

Tiyȧŋ ɔmari nu, yi na ȧtȧnsȧnɛ mi.

2 AŋKɔrenth 13:11

Ka kaləpsɔ, awɔnt, maŋ dirȧ nu yɔ. Yi nu apons, yi nu abɛfəth, ba nu ȧmerȧ ŋin, yirȧ ka məthɔfəl; ɔwa ɔKuru ka məbɔthər dɛ yi məthɔfəl ɔ tə yi yi naŋ.

AŋFilipai 3:17

Awɔnt, yi nu ȧtȧnsȧnɛ mi, ɔwa lomar ŋaŋ aŋa kɔth kətȧŋȧnɛ ka ȧŋmɔl aŋa sə sɔŋ nu.

AŋFilipai 4:7

Ɔwa kaŋka mathɔfəl ma Kuru ama mə thas kəsɔthnɛ bɛ mə kɔtɛ ɛmerȧ yi ɛnanɛ ɛ nu rokor ka Yisɔs Kraystȧŋ.

1 AŋThɛsȧlonika 1:6

Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;

1 AŋThɛsȧlonika 2:14

kotȧy-e awɔnt, nə tansanɛ ɛchɔch ya Kuru aŋa yi ka Krayst Yisɔs ro Yuda; pəkasifɛ nə po sɔmpanɛ ka mȧta ma aŋfəm a nu, mɔlɔ min mɔ ŋaŋ aŋa po sɔmpanɛ ka aŋYuda;

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

2 AŋThɛsȧlonika 3:4

Sə ba kəpələnɛ ka ɔMarki ta ȧtȧ nu, kəpa ya nə po yɔ, ɔwa ya mə nə kɔ kəyɔ sɔ.

2 Timɔthi 4:22

Ta ɔMarki ɔ yi ka aŋyina a mu. Ta aboŋa aŋ yi ro rɔmu. Amina.

Yeməs 1:22

Kɛrɛ yi nu ayɔ ȧrim, pə yi hɛ atəl gbo son aŋa pəŋisnɛ.

2 Pitar 1:10

Tiyȧŋ, awɔnt, bȧsər nu tə kəyɔ kȧmȧ katela yi kathith ka nu kə yi tə tɛntɛnɛ. Kotȧy-e bepi nə yɔ mȧtȧy ame nə ba hɛ kəfumpɔ thȧnkȧŋ.

1 Yɔn 3:22

Ɔwa koko sə yif sə sɔthɔ ro ŋɔŋ, pəkasifɛ sə wop ɛyamari yɔŋ, ɔwa sə yɔ ȧtȧ mə thesanɛ kɔ.