AŋFilipai 4:8 - Ȧŋlemrȧnɛ Ȧfu

⁸ Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

AŋFilipai 4:8 ပူးပေါင်းရင်းမြစ်များ

Mathiu 22:16

kaŋ som aŋkarande ŋaŋ yi aŋHerodian ro ŋɔŋ, aŋ pa, Karmɔkɔ sǝ tȧrȧ kǝpa mǝ yi utǝteŋ, ɔwa mǝ thǝksa aroŋ da Kuru tǝteŋ. Mǝ ba hɛ agbȧy kotȧy-e mǝ kǝli hɛ ȧder ra wuni.

Mark 6:20

Ȧtesoma-e Hɛrɔd ɔ nesa Yɔnȧŋ, ma ɔ tȧrȧ kəpa ɔ yi wuni lompi, ɔwa usəm-e. Kɔ bɛnɛ kɔ. Ma ɔ təlȧ kɔ-e, pə kɛtha kɔ rə ȧmerȧ, kɛrɛ pə bɔnɛ kɔ tə kətəla kɔ.

Luk 16:15

kɔ pa ro ŋaŋ, Naŋ nə yema yɔ kȧmȧ afəm aŋ nənk nu alompi kɛrɛ Kuru ɔ tȧrȧ ɛmerȧ ɛ nu, kotȧy-e ȧte aŋfəm mə aŋ wop mɔ tȧy təbana tə yi təfarkɛ rodi ka Kuru.

Luk 2:25

Ɔwa, kəla, wuni ɔ yi ro Yerusalɛm, ȧŋes ŋɔŋ ŋə yi Simiyɔn; wuni ɔwe yi ulompi, ɔ nesa Kuru, ɔ kar kȧbɛfəth ka Isrɛl. Ɔwa ɔYina məsəm ɔ rensa kɔ.

Luk 23:50

Ɔwa kəla, ulaŋgba a bont Yosɛf-əŋ, ukin ka aŋgbonli, wuni finɔ wɔŋ, ɔwa ulompi,

Yɔn 7:18

Wuni ɔwe mə fɔf ka ȧŋmerȧ ŋɔŋ-e, ɔ thɛns gbo aŋyiki ŋɔŋ: kɛrɛ kɔnɔŋ ɔwe mə thɛns aŋyiki ŋa ɔwe po som kɔ-e, kɔnɔ kati ɔ yi təteŋ, ɔwa ɔ ba hɛ məkənə.

Mȧyɔs ma aŋsom 10:22

kaŋ pa, Kɔrniliɔs ɔkaptin, wuni wɔŋ ɔwe nesa Kuru, ɔwe ba sɔ ŋes afinɔ kətɔŋ ka ȧŋbona ŋa aŋ Yuda bɛ, umaleka usəm ɔ maŋ kɔ tə kəsom ro rɔmu kȧmȧ mə kɔ ro seth kɔŋ, kȧmȧ ɔ təl ȧsim ȧte mə ba tə kətɔri kɔ.

Mȧyɔs ma aŋsom 22:12

Ka ulangba ɔwe ba ȧŋes ŋa Ananayas, ɔwe nesa Kuru ka makur ma ȧŋthɔ, ɔ ba ŋes afinɔ kətɔŋ ka aŋYuda bɛ aŋa yirȧ ri,

Mȧyɔs ma aŋsom 6:3

Tiyȧŋ awɔnt, thith nu kətɔŋ ka nu afəm aruni tȧmthədɛrəŋ aŋa ba mes məfinɔ, aŋa la ɔYina məsəm yi kətemp, kȧmȧ sə bot ŋa ka mapanth ame.

AŋRomans 13:13

Maŋ kɔth nu ɔlompi mɔ mȧkɔth ma rəyaŋ, ta pə te yi rə məyi mələs yi kətis, thalɔm rə kərəp yi kətayanɛ, thalɔm rə kəgbal yi kətut.

AŋRomans 13:3

kotȧy-e aŋgbəka aŋ yi hɛ aləs ta ŋaŋ aŋa mə yɔ ɔfinɔ, pə thas gbo ta ŋaŋ aŋa mə yɔ ɔləs. Mə yema kȧmȧ mə te nesa ugbəka-i? Ɔwa yɔ ȧtȧ yi təfinɔ, mə tə sɔthɔ ayiki ta ti,

AŋRomans 14:18

Pəkasifɛ kɔn ɔwe mə bȧtho Krayst yaŋ-e, ɔ thesis ȧŋmerȧ ŋa Kuru, dɛ yi afəm sɔ.

AŋRomans 2:29

kɛrɛ ɔ yi uYuda tɛntɛnɛ ɔwe yi uYuda rə ȧmerȧ, yi kəbirons tɛntɛnɛ kə yi ka ȧŋmerȧ dɛ yi ka aŋyina, pə yi hɛ gbo ka mȧgbal son. Kakolo ka wuni wunɔ kə yi hɛ ka afəm, kɛrɛ kə wur ka Kuru.

1 AŋKɔrenth 4:5

Tiyȧŋ te nu thonkas yeŋka ȧŋlɔkɔ aŋ bek, kɛrɛ kar haŋ ɔMarki ɔ der ɔwe ba kəwura gbafəth mȧtȧy məmaŋknɛ ma ȧŋsum dɛ yi kətɔri sɔ ɛnanɛ ya ɛmerȧ. Ka ȧŋlɔkɔ ŋati wuni o wuni ɔ tə sɔthɔ aŋkori kori ŋɔŋ ka Kuru.

2 AŋKɔrenth 13:7

Ka sə ramnɛ Kuru kȧmȧ nə te yɔ tȧy o tȧy tələs; pə yi hɛ tə kətɔri hɔ sə yi afəm aŋa yi təteŋ, kɛrɛ kȧmȧ naŋ nə yɔ ȧtȧ yi təlompi, hali pə re bȧlȧnɛ mɔ saŋ sə yi hɛ təteŋ.

2 AŋKɔrenth 6:8

ka ayiki dɛ yi məlap, ka ŋes aləs yi ka ŋes afinɔ; mɔ afəm atɔns tȧy, halisa sə yi təteŋ;

2 AŋKɔrenth 8:18

Ka sə somra yi kɔn ɔwɔnt ɔwe ɛchɔch bɛ ɛ kolo salata mayasyas mɔŋ ka kataməs ȧkɛra kəfinɔ ka Kuru.

2 AŋKɔrenth 8:21

kotȧy-e sə thɛns mȧtȧy məmari, pə yi hɛ gbo ka kakəli ka Kuru, kɛrɛ ka kakəli ka afəm a kəpet sɔ.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋƐfisɔs 4:25

Tiyȧŋ gbapɛ nu rəyem, ɔwa ta wuni o wuni ɔ fɔf tȧteŋ ka ɔfatanɛ kɔŋ; ȧtesoma-e sə yi məlaŋktha ukin ka ulɔm.

AŋƐfisɔs 5:9

ȧtesoma-e mȧkomi ma ɔYina mə yi ka məthɔth bɛ yi məlompi yi təteŋ.

AŋƐfisɔs 6:14

Tiyȧŋ, təmȧ nu, ma nə po senɛ ɛfi ɛ nu rə təteŋ, dɛ yi nə po wɔŋ rafat ra aŋkəpət ra mȧlompi.

AŋFilipai 3:1

Ɔwa aŋwɔnt a mi, ba nu məbɔnɛ ka ɔMarki. Pə bȧk hɛ mi mədɛr tə kəgbalər nu mȧtȧy ame, ɔwa pə yi sɔ ɔfinɔ ta ȧtȧ nu.

AŋKɔlɔsi 4:5

Kɔth nu rə kətemp rodi ka ŋaŋ aŋa te lanɛ, ɔwa botnɛ nu to mə nə kianɛ ȧŋlɔkɔ.

1 AŋThɛsȧlonika 4:12

kȧmȧ nə gbəli kɔth ɔlompi kətɔŋ ka ŋaŋ aŋa te lanɛ, kȧmȧ pə re yi nə te paŋ rəka o rəka.

1 Timɔthi 2:2

ta abȧy, yi ta ȧtȧ ŋaŋ bɛ aŋa ba afɔsɔ, kȧmȧ sə gbəli yirȧ rȧ məthɔfəl bɛm rə kənesa Kuru Məsaba ka tȧteŋ bɛ.

1 Timɔthi 3:11

Arani ŋaŋ sɔ aŋ tə yi atempi, aŋa mə te ləsər ŋes ŋa wuni, aŋ bɔthər hɛ kəyɔ məgbati, ka aŋ yi abɔthi lanɛ ta tȧy o tȧy.

1 Timɔthi 3:4

ɔwe mə gbəka kabɔr kɔŋ gbeŋ ɔlompi, kɔ rusəm rȧkomra rɔŋ finɔ.

1 Timɔthi 4:12

Te yɔ kȧmȧ afəm aŋ farki rafɛth ra mu; kɛrɛ yi amɔl ta aŋlanɛ salata kȧfɔf, yi mȧyɔs, yi mȧbɔthər, yi kȧlanɛ, yi kȧba ȧmerȧ ȧferȧ.

1 Timɔthi 5:10

ɔwe ba ŋes afinɔ ta mȧyɔs mɔŋ məfinɔ, bepi ɔ po rusəm awuth-e, bepi ɔ po fantha atik-e, bepi ɔ po yak ȧtȧtək ta aŋfəm ŋa Kuru-e, bepi ɔ po mar ȧŋmɔnɛ-e, bepi ɔ po pantnɛ rȧ məpanth o məpanth ama yi məfinɔ.

1 Timɔthi 5:2

Aŋfəm abom abȧki mɔ akara, dɛ yi abɔrkɔ mɔ awɔnt afɛth rə ȧmerȧ ȧferȧ bɛ.

Taytɔs 1:8

Kɛrɛ ta ɔ yi wuni fantha afəm, ta ɔ bɔthər təfinɔ, ta ɔ yi utempi, ubotnɛ rə ȧmerȧ, ulompi, usəm dɛ yi ubeki gbɛt.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

Taytɔs 2:2

Yɔ kȧmȧ mȧthem aŋ yi agbɛt, atempi, akəthɛgbɛ rə ȧmerȧ, abȧki mədɛr ka kȧlanɛ yi ka mȧbɔthər dɛ yi ka kȧmuyu.

Taytɔs 2:7

Rə tȧy o tȧy tɔri amɔl ŋa məyɔs məfinɔ; thəksa rə ȧmerȧ ȧferȧ yi rim rəsɔbɛ, dɛ yi tȧteŋ,

Taytɔs 3:14

Ɔwa yɔ kȧmȧ aŋfəm a su aŋ thəkəs tə kəyɔ məpanth məfinɔ ta ɛgbɛthɛŋ yaŋ kȧmȧ aŋ te yi akoŋfereŋ.

AŋHibru 11:2

Kətaŋanɛ kati aŋbȧki thəpaŋ aŋ sɔthɔ mes məfinɔ.

AŋHibru 13:18

Ramnɛ nu ta ȧtȧ su; kotȧy-e sə tȧrȧ kəpa sə ba ȧmerȧ ȧferȧ, ɔwa sə fela tə kəyɔ ɔlompi rə tȧy o tȧy.

Yeməs 1:27

Kakɔth ka aroŋ da Kuru kətəteŋ ȧke te ba apora ro der kəri ka ɔKuru dɛ yi ɔKas kȧsu ki ake, tə kənanɛ ante ba kas yi ȧŋbora ka ȧŋsɔmpanɛ a ŋaŋ, yi tə kəbɛnɛ ȧŋmerȧ ŋɔŋ kəte ba apora ka ȧdȧru.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 4:8

Ɔwa pəthas koko bɛ bɔthərȧnɛ nu kiriŋkiriŋ, kotȧy-e məbɔthər mə tə gbəpsər ɛhakɛ ɛlai.

2 Pitar 3:1

Ȧŋreka aŋa bekȧ yɛrəŋ ŋi aŋe abɔthər, ɔwa i gbalər yɛ yɛrəŋ kȧmȧ i gbukthis nu tə kəkal tȧmtȧmnɛ.

1 Yɔn 3:18

Awuth alɔl, maŋ te nu bɔthər ka sim, thalɔm ka məfɔf: kɛrɛ ka məyɔs yi ka tȧteŋ.

1 Yɔn 3:3

Ɔwa wuni o wuni ɔwe ba kabot ȧmerȧ ake ɔ tə gbəransnɛ, mɔ mə Krayst ɔ yi ugbəraŋ.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.