AŋFilipai 4:6 - Ȧŋlemrȧnɛ Ȧfu

⁶ Te nu ba asoli ta koko, kɛrɛ rə tȧy o tȧy-e, kətȧŋȧnɛ ka kəramnɛ yi kənɛmthɛnɛ dɛ yi kəmuti mɔmɔ-e, yɔ kȧmȧ Kuru Məsaba ɔ tȧrȧ mȧyif ma nu.

AŋFilipai 4:6 ပူးပေါင်းရင်းမြစ်များ

Mathiu 10:19

Kɛrɛ ma a lȧnki nu-e, te nu soli ta ȧte mǝ nǝ fɔf, kotȧy-e ka ȧŋlɔkɔ ŋati a tǝ sɔŋ nu ȧte mǝ nǝ fɔf.

Mathiu 13:22

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Mathiu 6:34

Tiyȧŋ te nu ba asoli ta ninaŋ, ȧtesoma-e rasɔk ra ninaŋ rǝ tǝ ba aŋsoli ŋati. Mȧlǝs ma ȧŋrey mǝ beki ta ȧŋrey ŋati.

Mathiu 6:8

Tiyȧŋ te nu yi mɔ ŋaŋ, ȧtesoma-e ɔKas ka nu ɔ tȧrȧ ɛyɛt ɛyɛ nǝ yema yeŋka nǝ yif kɔ.

Luk 10:41

Ka Yisɔsȧŋ ɔ pa ro ŋɔŋ, Matha, Matha mə soli, ɔwa ȧŋmerȧ a mu aŋ sɔmpanɛ ta mȧtȧy məgbathi.

Luk 12:22

kɔ pa ka aŋkarande ŋɔŋ, I kanɛ nu, te nu ba asoli ta ɛŋesəm ɛ nu, ta ɛyɛ mə nə di, yi ta madɛr ma nu ta ɛyɛ mə nə wɔŋ.

Luk 12:29

Te nu thɛns ara mə nə di, yi ara mə nə mun, ɔwa te sikɛ ka ɛmerȧ ɛ nu,

Luk 18:1

kɔ fɔf rə alomɔ ka aŋkarande ŋɔŋ kȧmȧ aŋ tȧrȧ kəpa aŋ yi tə kəramnɛ lɔkɔ o lɔkɔ, ɔwa kȧmȧ pə te bȧk ŋa.

Luk 18:7

Ɔwa Kuru mɔ thonkas hɛ aŋthith ŋɔŋ aŋa mə kulir kɔ pali gbɛs hali ɔ muyu ŋa haŋ-i?

1 AŋKɔrenth 7:21

Bepi-e, ka ȧŋlɔkɔ ma a muti mu mə yi utar-e, te soli ti, kɛrɛ bepi mə gbəli sɔthɔ rəwankom-e, yɔ ti.

1 AŋKɔrenth 7:32

I yema kȧmȧ nə te ba ɛyagba ya ȧdȧru. Ɔte nȧntȧ ama ɔte balȧ-e, ɔ botər ȧmerȧ ta mȧtȧy ma ɔMarki, to ɔ gbəli yɔ kȧmȧ ɔ bɔnɛs ɔMarki;

2 AŋKɔrenth 1:11

Naŋ sɔ, ta nə mar rɛ kanɛmthɛnɛ ka nu ta ȧtȧ su kȧmȧ afəm agbathi aŋ tə sɔŋ ȧmɔmɔ ta ȧtȧ su salata ȧŋboya aŋa sə po sɔthɔ asabu ŋa tȧramnɛ təgbȧthi.

AŋƐfisɔs 5:20

Sɔŋ Kuru ɔKas mɔmɔ alɔkɔ bɛ ta tȧy o tȧy ka ȧŋes ŋa ɔMarki kȧsu Yisɔs Kraystȧŋ.

AŋƐfisɔs 6:18

Lɔkɔ o lɔkɔ ramnɛ nu rə kənɛmthɛnɛ bɛ ro Yina, ɔwa bum nu rə kəmuyu bɛ dɛ yi təramnɛ salata aŋfəm asəm bɛ.

AŋKɔlɔsi 3:15

Yɔ nu kȧmȧ mathɔfəl ma Kuru mə gbəka ka ɛmerȧ ɛ nu, ta ama a po tela nu rokor ka ȧŋdɛr ŋɔŋ; ɔwa sɔŋ nu mɔmɔ.

AŋKɔlɔsi 3:17

Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

AŋKɔlɔsi 4:2

Bȧsər nu ka kəramnɛ, ɔwa bumnɛ nu rə kəmuti mɔmɔ.

1 Timɔthi 2:1

Tiyȧŋ kə tɔtɔkɔ bɛ, i maŋ kȧmȧ kənɛmthɛnɛ, yi təramnɛ, yi təmuti mɔmɔ ɛ gbəli yi ta wuni o wuni;

1 Timɔthi 5:5

Ma pə yi-e ubora tə tɛntɛnɛ ɔwe tiyȧ fu, ɔ gbak ȧmerȧ ka Kuru, kɔ bȧsər nɛmthɛnɛ yi kəramnɛ gbɛs pali-əŋ,

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

1 Pitar 5:7

Lȧnkli ɛsoli ɛ nu bɛ ro rɔŋɔŋ, pəkasifɛ kɔn kɔnɔnɛ ɔ kəlianɛ nu.