AŋFilipai 4:3 - Ȧŋlemrȧnɛ Ȧfu

³ I nɛmthɛnɛ mu sɔ, ɔmar kȧmi ubɔthi lanɛ, kȧmȧ mə mar afəm abom aŋa po mar mi ka ȧkɛra kəfinɔ ka Kuru-e, yi Klɛmɛnt sɔ, dɛ yi aŋmar a mi alɔm aŋa ba ames maŋ ka ȧkȧfȧ ka aŋesəm.

AŋFilipai 4:3 ပူးပေါင်းရင်းမြစ်များ

Luk 10:20

Kɛrɛ te ti ba məbɔnɛ ta ma nə po tham aŋkərəfi, kɛrɛ ta pə bɔnɛ nu pəkasifɛ a po gbal ames ma nu ro riyana.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 16:12

Kori Traifina yi Traifosa aŋa mə yɔ məpanth salata ɔMarki. Kori Persis ubɔthər, ɔ yɔ məpanth məgbathi ta ɔMarki.

AŋRomans 16:9

Kori Urbenɔs umar kȧsu ka Krayst, yi Stakis ɔbɔthər kȧmi.

AŋFilipai 1:12

Kɛrɛ awɔnt, i yema kȧmȧ nə tȧrȧ kəpa mȧtȧy ama po sɔmpa mi mə po səkɛ kəmar kȧmȧ ȧkɛra kəfinɔ ka Kuru kə bȧsər kɔ rodi,

AŋFilipai 1:16

Ukin ɔ kawandi Krayst kəwur ka məputhanɛ, pə yi hɛ ka təteŋ, kȧbi ɔ nanɛ tə kəbar ka ȧŋsɔmpanɛŋ a mi;

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 1:5

salata mamanɛ ma nu ka ȧkɛra kəfinɔ ka Kuru kȧbi ȧŋrey ȧtɔtɔkɔ haŋ mɔ yaŋ.

AŋFilipai 1:7

I ba məmari tə kənanɛ ȧte ta ȧtȧ nu bɛ, kotȧy-e i ba nu ka ȧŋmerȧ a mi, ɔwa ma i yi ukɛndɛbira dɛ yi ma i təmȧ tə kəgbaki dɛ yi tə kəseri ta ȧkɛra kəfinɔ-e, naŋ bɛ nə yi ayeranɛ ka aboŋa ŋin ŋati yi minɛŋ.

AŋFilipai 4:2

I nɛmthɛnɛ Iyodiya yi Sintiki kȧmȧ aŋ ba ȧmerȧ ŋin ka ɔMarki.

AŋKɔlɔsi 1:7

mɔ mȧ nə po thəkəs ka Ɛpafras, ȧbɔy ukos a su ubɔthər. Kɔnɔ yi uyɔ məpanth ubɔthi lanɛ ka ɔMarki ta ȧtȧ su.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.

Kȧŋȧibinɛ 20:12

Ka i nənk aŋfi alɔl dɛ yi abana, aŋ təmȧ rodi ka Kuru-e, ka a kanthi tafa; ka a kanthi sɔ kafa kəlɔm ȧke yi ȧkȧfȧ ka aŋesəm. Ɔwa a thonkas aŋfi kətȧŋȧnɛ ka mȧtȧy ama a po gbal ka ȧtȧfȧ, mɔlɔ ma mȧyɔs maŋ mə yi.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 21:27

Kɛrɛ tȧy tələs tə gbəli hɛ wɔŋ di thəbana, thalɔm ɔwe yi unɔkɔ, thalɔm uyem; kɛrɛ ŋaŋ gbo son aŋa ba ames maŋ ka ȧkȧfȧ ka aŋesəm ka kaLɔmɛ kəfɛth.

Kȧŋȧibinɛ 3:5

Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.