AŋFilipai 3:6 - Ȧŋlemrȧnɛ Ȧfu

⁶ ka ȧŋgbȧp ŋa kəyi uyasyas-e, i tim tə kələsər aŋgbanɛ ŋa Yisɔs; ka mȧlompi ama yi ka anthɔ-e, a fir mi upaŋi tȧy.

AŋFilipai 3:6 ပူးပေါင်းရင်းမြစ်များ

Mathiu 23:25

Mɔnɛ ro nu, naŋ akarmɔkɔ yi aFaresi, amunafaki! kotȧy-e nǝ yak ampɔthi yi ȧŋbɔl romuth, kɛrɛ rokor ɛ la yɛt ɛnɔy rȧ ȧfɔsɔ yi mǝfela mǝlǝs.

Mathiu 5:20

Tiyȧŋ i pa ro rɔnu, Thambe mȧlompi ma nu mǝ thas mȧlompi ma aŋkarmɔkɔ yi aŋFarisi-e, rǝ roŋ o roŋ nǝ gbǝli hɛ wɔŋ ka rȧbȧy ra ro riyana.

Luk 1:6

Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ.

Mȧyɔs ma aŋsom 21:20

Maŋ təl ȧte-e, aŋ thɔkəs Kuru, aŋ kanɛ Pɔlȧŋ, Wɔnt su, mə nənk ma aŋYuda ɛwul ɛwul aŋ lanɛ. Ɔwa ŋaŋ bɛ aŋ ba afela tə kəwop ȧŋthɔ.

Mȧyɔs ma aŋsom 22:5

Hali sɔ ɔfode ubana ɔ tə seri ta ȧtȧ mi, dɛ yi aŋbȧki sɔ; kəwur ro rɔŋaŋ sɔ i sɔthɔ ɛreka ta aŋwɔnt, ka i kɔnɛ ro Damaskɔs tə kəkara ŋaŋ aŋa yi ri ro Yerusalɛm asekəth, kȧmȧ a thalər ŋa.

Mȧyɔs ma aŋsom 26:5

Maŋ tȧrȧ mi kȧbi ka katəp-e, bepi aŋ selɔ tə kəseri ti-e, kəpa i yi uFarisi, i taŋanɛ kagbanth ȧke tha lomp ka andina a su.

Mȧyɔs ma aŋsom 8:3

Kɛrɛ Sɔl-əŋ ɔ thalər aŋchɔch, ɔ wɔŋ rə aseth o seth, ɔ lins aŋfəm aruni yi aŋfəm abɛra, kɔ wɔŋȧ ŋa ka ȧŋseth ŋa tərəŋka.

AŋRomans 7:9

Ka ȧŋlɔkɔ ma i te tha tȧrȧ anthɔ-e i yi ukəli, kɛrɛ ma aŋyamari ŋa ȧŋthɔ aŋ bek-e, ka ahakɛ aŋ thəmɛ, ka minɛŋ i fi tɛnɛ.

1 AŋKɔrenth 10:32

Te nu sɔŋ kəthɛn o kəthɛn, pə yi ka aŋYuda-o, thalɔm aŋKrik-o, thalɔm ka aŋchɔch.

1 AŋKɔrenth 15:9

Minɛ-aŋ i tha yi ulɔl bɛ ka aŋsom, ɔwa i bek hɛ a tela mi usom pəkasifɛ i la sɔmpa aŋchɔch.

AŋFilipai 2:15

kȧmȧ nə gbəli yi apaŋi tȧy, kəte ba məthɛkɛ, mɔ aŋwuth ŋa Kuru aŋa te ba apora kətɔŋ ka rəkomra rəgbərəfanɛ dɛ yi rəkənɛ-e, ɔwa nə yi tə kəgbɛntha kətɔŋ ka ŋaŋ mɔ ɛmothȧ nɔru.

AŋFilipai 3:9

yi kȧmȧ i gbəli yi do rɔŋɔŋ, pə yi hɛ ka mȧlompi ama mi, ama təmȧ ka ȧŋthɔ, kɛrɛ mȧlompi ama yi ka kȧlanɛ ka Krayst, pə yi kəpa ye, mȧlompi ama wur ka Kuru kətȧŋȧnɛ ka kəlanɛ.

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.