AŋFilipai 3:12 - Ȧŋlemrȧnɛ Ȧfu

¹² Pə yi hɛ kəpa i po thɔŋ berɔkɔ-e, thalɔm i po thɔŋ yi ugbenthis-e, kɛrɛ i bȧsər kɔ kədi kȧmȧ i gbəli wop mabotəs mati ta ama Yisɔs ɔ kȧl wop mi.

AŋFilipai 3:12 ပူးပေါင်းရင်းမြစ်များ

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Mȧyɔs ma aŋsom 9:15

Kɛrɛ ɔMarki ɔ pa ro ŋɔŋ, Kɔnɛ, kotȧy-e ɔ yi rəka rəthith ta ȧtȧ mi, tə kəkera ȧŋes a mi rodi ka tȧbona təlɔm, yi abȧy, yi aŋwuth ŋa Isrɛl.

AŋRomans 8:39

kəsaŋa-o, ɔbɔlɔŋ-o, thalɔm rəka o rəka ɛbɛmpa ɛ gbəli hɛ gbaski su ka mabɔthər ma Kuru ama yi ka Yisɔs Krayst ɔMarki kȧsu.

1 AŋKɔrenth 13:10

Kɛrɛ ma ȧtȧy ȧtȧ po gbenthis tə bek-e, ȧtȧ te sa yi təgbenthis tə tə thas.

1 AŋKɔrenth 13:12

Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

1 AŋKɔrenth 9:24

Nə tɛ hɛ kəpa aŋa mə gbukɛ rȧ ȧgbȧkȧnɛ aŋ gbukɛ bɛ-i, kɛrɛ ukin gbo kɔnɔ mə sɔthɔ amɔlɔ-i? Ɔwa gbukɛ nu yaŋ kȧmȧ nə sɔthɔ.

2 AŋKɔrenth 13:9

Ȧtesoma-e sə ba məbɔnɛ ma sə yi arȧnt, dɛ yi naŋ nə abȧki mədɛr; ta ȧte tə mə sə ramnɛ sɔ, pə yi mɔ ta kagbenthis ka kȧlanɛ ka nu.

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋKȧletia 5:17

Ȧtesoma-e madɛr mə tim ɔYina, dɛ yi ɔYina ɔ tim madɛr; pəkasifɛ aŋ manɛ hɛ hali; tiyȧŋ nə gbəli hɛ yɔ ȧtȧ nə yema yɔ.

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋƐfisɔs 4:12

salata kagbenthis ka aŋsəm, ta mapanth ma kəbatho dɛ yi tə kəbaksər ȧŋdɛr ŋa Krayst.

AŋFilipai 1:1

Pɔl yi Timɔthi-əŋ, ɛbɔy ya Yisɔs Krayst, ka aŋsəm bɛ aŋa yi ka Krayst Yisɔs ro Filipay, yi aŋgbəka dɛ yi aŋkəlia.

AŋFilipai 3:16

Kɛrɛ ta mȧtȧy ama sə po thɔŋ sɔthɔ-e, maŋ bȧsər nu kəyi abɔthi lanɛ.

AŋFilipai 3:3

kotȧy-e saŋ sə yi ȧŋbirons tə tɛntɛnɛ, aŋa yikis Kuru rə ȧmerȧ, ka sə sɛlinɛ ka Yisɔs Krayst, ɔwa sə pələnɛ hɛ ka madɛr hali.

AŋFilipai 3:8

Ya pə yi, i dim koko bɛ salata ɔfinɔ ɔbaki mɔlɔ wa kətara Yisɔs Krayst ɔMarki kȧmi; ɔwa ta atɔŋ i poŋ dim mȧtȧy bɛ, ka i nənk ma mɔ ɛka ya amuruŋ kȧmȧ i gbəli sɔthɔ Krayst,

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

2 AŋThɛsȧlonika 2:13

Kɛrɛ saŋ sə yi kəsɔŋ mɔmɔ lɔkɔ o lɔkɔ ka Kuru ta ȧtȧ nu, awɔnt abɔthər ŋa ɔMarki, pəkasifɛ Kuru ɔ po thith nu kȧbi ɔtəpɛr tə kəsɔthɔ kəkisi rə kəsəməs kɔ Yina məsəm dɛ yi kȧlanɛ ka tȧteŋ.

1 Timɔthi 5:10

ɔwe ba ŋes afinɔ ta mȧyɔs mɔŋ məfinɔ, bepi ɔ po rusəm awuth-e, bepi ɔ po fantha atik-e, bepi ɔ po yak ȧtȧtək ta aŋfəm ŋa Kuru-e, bepi ɔ po mar ȧŋmɔnɛ-e, bepi ɔ po pantnɛ rȧ məpanth o məpanth ama yi məfinɔ.

1 Timɔthi 6:19

Kama aŋ bɛnɛnɛ ɔtəmər ɔfinɔ ta ȧŋlɔkɔ aŋa mə derȧŋ, kȧmȧ aŋ wopnɛ aŋesəm thəbana.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 12:23

dɛ yi ka aŋgbanɛ ŋa aŋchɔch, pə yi mɔ aŋwuth ȧtɔtɔkɔ ŋa Krayst aŋa ba mes məgbal ro riyana, dɛ yi ka Kuru ɔthoŋkas kȧsu bɛ, dɛ yi sɔ aŋyina ŋa aŋlompi aŋa poŋ yi agbenthis;

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

Yeməs 3:2

kotȧy-e rə mȧtȧy mǝgbathi saŋ bɛ sə pənthbəla. Kɔnɔ ɔwe te pənthbəla ka ȧsim tɔŋ, ɔkin kati, wuni gbenthis wɔŋ, ɔwa ɔ gbəli wop mafela ma ȧŋdɛr bɛ.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.