AŋFilipai 3:10 - Ȧŋlemrȧnɛ Ȧfu

¹⁰ Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

AŋFilipai 3:10 ပူးပေါင်းရင်းမြစ်များ

Mathiu 20:23

kɔ pa ro ŋaŋ, Tɛntɛnɛ nǝ tǝ mun ka ampɔthi a mi, ɔwa a tǝ baftays nu yi ȧŋbaftisəm aŋa a baftays mi. Kɛrɛ tǝ kǝyira ka kȧdiyɔ kȧmi yi ka kȧmɛrɔ ka mi-e, tȧy ta mi tǝ kǝsɔŋ thahɔ, kɛrɛ a tǝ sɔŋ ti ka ŋaŋ ta aŋa ɔKas kȧmi ɔ bɛnɛ ti.

Yɔn 10:18

Wuni o wuni ɔ nɔy hɛ mi ŋi, kɛrɛ min minɛnɛ i sɔndnɛ. I ba afɔsɔ tə kəsɔnd ŋi, ka i ba afɔsɔ tə kəkal gbasi ŋi. Aŋyamari aŋe i sɔthɔ kəwur ka ɔKas kȧmi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

AŋRomans 8:17

Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

AŋRomans 8:36

Mɔ mə a gbal kəpa, Salata mu a difəth su pali A nənk su mɔ təlɔmɛ aŋa mə a fai.

2 AŋKɔrenth 1:10

Kɔnɔ yi ɔwe tafi su ka rafi rəbana rati, kɔ yi tə kətafi su sɔ; ka sə gbak ɛmerȧ ɛ su kəpa ɔ tə bȧsər tafi su.

2 AŋKɔrenth 1:5

kotȧy-e mɔ mə ɛnakasi ya Kraystȧŋ ɛ la do rɔsu-e, yaŋ sɔ kȧbɛfəth kȧsu kə la asabu ŋa Kraystȧŋ.

2 AŋKɔrenth 13:4

Hali ma a tȧŋ kɔ ka akənt kəpəŋkinɛ ka rəyai-e, ka-ake ɔ yi ukəli ka aŋfɔsɔ ŋa Kuru. Kotȧy-e saŋ sɔ sə yi ayay yi kɔn, kɛrɛ sə tə la rɛ yi aŋesəm yi kɔn do rɔnu ka aŋfɔsɔ ŋa Kuru.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋKȧletia 6:17

Kətəp ka-ake ta wuni o wuni ɔ te mi sɔmpar, ȧtesoma-e i ba tȧbur ka ȧŋdɛr a mi ta ɔMarki Yisɔs.

AŋƐfisɔs 4:13

Haŋ saŋ bɛ sə sɔthɔsnɛ ȧŋmerȧ ŋin ŋa kȧlanɛ dɛ yi kȧtȧrȧ ka ɔWan ka Kuru, pə yi mɔ sə bek ka rawuni rəgbenthis, ka katɛŋa ka ɔlasər wa Krayst.

AŋFilipai 3:8

Ya pə yi, i dim koko bɛ salata ɔfinɔ ɔbaki mɔlɔ wa kətara Yisɔs Krayst ɔMarki kȧmi; ɔwa ta atɔŋ i poŋ dim mȧtȧy bɛ, ka i nənk ma mɔ ɛka ya amuruŋ kȧmȧ i gbəli sɔthɔ Krayst,

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

AŋKɔlɔsi 2:13

Ɔwa naŋ, ma nə yi ras afi asabu ŋa ɛhakɛ ɛ nu dɛ yi kate birons ka madɛr ma nu-e, a po kəlis nu, (i kȧl pa ti), yi Kraystȧŋ, kɔ tera su makənȧ ma su bɛ.

AŋKɔlɔsi 3:1

Tiyȧŋ bepi a po yokas nu yi Kraystȧŋ, thɛns mȧtȧy ama yi rokɔm, ro Krayst ɔ yirȧ ka kȧdiyɔ ka Kuru.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

2 Pitar 1:13

Yao i nanɛ ti ɔlompi fani mɔ Kuru ɔ yep mi ras aŋesəm-e, tə kəgbukthis nu ta ȧte, kȧmȧ nə kȧl tȧmtȧmnɛ ti.

1 Yɔn 2:3

Ka ȧte sə tȧrȧ kəpa sə tȧrȧ kɔ, bepi sə wop ɛyamari yɔŋ.

1 Yɔn 2:5

Kɛrɛ ɔwe mə wop ȧrim rɔŋ-e, tɛntɛnɛ mabɔthər ma Kuru mə po gbenthis ro ŋɔŋ: ka ȧte sə tȧrȧ kəpa sə yi ro ŋɔŋ.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.