AŋFilipai 2:9 - Ȧŋlemrȧnɛ Ȧfu

⁹ Te ba ti Kuru ɔ kȧl ŋata kɔ ɔbɔli rəkɔm, kɔ sɔŋ kɔ ŋes aŋa yi rokɔm ka ŋes o ŋes;

AŋFilipai 2:9 ပူးပေါင်းရင်းမြစ်များ

Mathiu 11:27

ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ.

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

Luk 10:22

ƆKas kȧmi ɔ po maŋkər mi mȧtȧy bɛ, ɔwa wuni o wuni ɔ tȧrȧ hɛ ɔWan thambe ɔKas; yi ɔ tȧrȧ hɛ ɔKas thambe ɔWan yi kɔnɔ ka ɔwe ɔWan mɔ ŋaibia kɔ.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 17:11

Ɔwa ka-ake i yi hɛ sɔ nɔru, kɛrɛ aŋe aŋ yi nɔru, ka minɛ i der ro mu. ƆKas usəm, bɛnɛ ŋa ka ȧŋes a mu, aŋa mə po sɔŋ mi, kȧmȧ aŋ ba ȧmerȧ ŋin mɔ mə saŋ sə ba.

Yɔn 17:12

Ma i yi yi ŋaŋ ka ȧdȧru, minɛ bɛnɛ ŋa ka ȧŋes a mu, aŋa mə po sɔŋ mi: ɔwa i bumər ŋa, ukin ka ŋaŋ ɔ dinɛ hɛ, thambe ɔwan ka kədinɛ; kȧmȧ mȧgbal mə lasər.

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Mȧyɔs ma aŋsom 5:31

Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ.

AŋƐfisɔs 1:10

Kȧmȧ pəyi, mȧ ȧŋlɔkɔ aŋ lasər-e, ɔ gbəli thonkla mȧtȧy bɛ rɔkin rokor ka Krayst, pə yi mȧtȧy ama yi ro riana-e, dɛ yi ama yi ka raru-e.

AŋKɔlɔsi 1:18

Kɔnɔ yi rȧbomp ra ȧŋdɛr, pə yi mɔ aŋchɔch. Kɔnɔ yi ɔtəpɛr sɔ, dɛ yi ɔWan utɔtɔkɔ kəwur kətɔŋ ka aŋfi, kȧmȧ pə gbəli yi rə tȧy o tȧy ɔ ba matəma mətɔtɔkɔ.

2 AŋThɛsȧlonika 1:12

kȧmȧ ȧŋes ŋa ɔMarki kȧsu Yisɔs Krayst aŋ sɔthɔ yiki do rɔnu, yi naŋ sɔ do rɔŋɔŋ, kətȧŋȧnɛ ka ȧŋboŋa ŋa ɔKuru kȧsu yi ɔMarki Yisɔs Kraystȧŋ.

AŋHibru 1:4

Ya pə re yi ɔ thasi aŋmȧleka mȧrəŋ mȧrəŋ, mɔ mɔ po sɔthɔ ȧŋes sɔ aŋa thasi ŋa bɛ.

AŋHibru 1:9

Mə bɔthər məlompi, ɔwa mə gbɛŋa mələs, Tiyȧŋ Kuru, hali ɔKuru ka mu, ɔ po sop mu ȧmȧro ma məbɔnɛ pəthasi aŋkos mu.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 2:9

Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.

2 Pitar 1:17

kotȧy-e ɔ sɔthɔ afɔsɔ yi ayiki ka Kuru ɔKas, ma ȧrim rə derər kɔ kəwur ka aŋyiki ŋa ȧriyana, rə pa hɔ, Munɔ mə yi ɔWan kȧmi ubɔthər, ɔwe mə thesis ȧŋmerȧ a mi.

3 Yɔn 1:7

Pəkasifɛ aŋ po kɔnɛ salata ȧŋes ŋɔŋ, kəte nɔy koko ka tȧbona təlɔm.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 11:15

Ɔmaleka ɔwe bekȧ tȧmthədɛrəŋ ɔ fɛŋ, ka sim təbana tə yi ro riyana ȧtȧ pa, Tabȧy ta ȧdȧru are tə po səkɛ rȧbȧy ra ɔMarki kȧsu, dɛ yi ɔKrayst kɔŋ. Ɔwa kɔnɔ ba kəgbəka thȧnkȧŋ o thȧnkȧŋ.

Kȧŋȧibinɛ 19:16

Ɔwa ka ɛlopra yɔŋ dɛ yi ka aŋlənk ŋɔŋ a gbal ȧŋes aŋe, ƆBȦY KA AŊBȦY, YI ƆMARKI KA AŊMARKI.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.

Kȧŋȧibinɛ 5:12

kaŋ pa rə rim rəbana, KaLɔmɛ kəfɛth ɔwe a fay sathka ɔ yi ubeki tə kəsɔthɔ afɔsɔ, yi rəyola, yi kətemp, yi kətham, yi ayiki, yi kəthɔkəs, dɛ yi aruba.