AŋFilipai 2:3 - Ȧŋlemrȧnɛ Ȧfu

³ Te yɔ koko rə kəkolonɛ, kɛrɛ rə ȧmerȧ athoranɛ, yɔ nu kȧmȧ ukin ɔ nanɛ ulɔm tə kəyi ufisa pəthas kɔn kɔnɔnɛ.

AŋFilipai 2:3 ပူးပေါင်းရင်းမြစ်များ

Luk 18:14

I kanɛ nu ɔwuni ɔwe ɔ kɔ ka ȧŋseth ŋɔŋ, ɔ po sɔthɔ məmari pəthasi ɔlɔm; kotȧy-e wuni o wuni ɔwe ŋatanɛ a tə thora kɔ, kɛrɛ ɔwe thoranɛ, a tə ŋata kɔ.

AŋRomans 12:10

Bɔthərȧnɛ rə mabɔthər ma rəwɔnt. Ta ukin ɔ yikis ulɔm pəthasi kɔn kɔnɔnɛ.

AŋRomans 13:13

Maŋ kɔth nu ɔlompi mɔ mȧkɔth ma rəyaŋ, ta pə te yi rə məyi mələs yi kətis, thalɔm rə kərəp yi kətayanɛ, thalɔm rə kəgbal yi kətut.

AŋRomans 2:8

kɛrɛ ka ŋaŋ aŋa ba kəgbal-e, aŋa te sanɛ ka tateŋ-e, aŋa mə wop gbo mȧkənȧ-e, asɔmpanɛ yi rəbaŋ,

1 AŋKɔrenth 15:9

Minɛ-aŋ i tha yi ulɔl bɛ ka aŋsom, ɔwa i bek hɛ a tela mi usom pəkasifɛ i la sɔmpa aŋchɔch.

1 AŋKɔrenth 3:3

kotȧy-e nə yi ras ka mafela mələs ma madɛr. Fani kətut, yi kəgbal, yi kəpeskɛnɛ kə yi kətɔŋ kȧ nu, pə yi hɛ kəpa nə kɔth ka madɛr mɔ mə matanɛ ma afəm a kəpet mə yi-i?

2 AŋKɔrenth 12:20

Ȧtesoma-e i soli ta thani bepi i der-e, i ti bəp nu mɔ mə i te yema, ɔwa naŋ sɔ nə tə fir mi mɔ mə nə te yema, ta thani pə tə yi ɛgbal-o, kȧtut-o, mȧbaŋ-o, ɛpeskɛnɛ-o, kȧforthanɛ-o, kȧfɔflanɛ-o, kȧbondəsnɛ-o, dɛ yi ɛtotok;

AŋKȧletia 5:15

Bepi nə ŋansanɛ dɛ yi nə sɔməthanɛ-e, bumnɛ nu ȧmerȧ kȧmȧ nə te dimsanɛ.

AŋKȧletia 5:26

Maŋ te nu fela ayiki afu fa fu, tə kəyɔ mȧtȧy ama mə kȧrȧ kələsəranɛ ɛmerȧ yi kətut.

AŋƐfisɔs 4:2

rə ɛmerȧ ɛthoranɛ dɛ yi məthɔfəl bɛ, yi kəmuyu tȧy, ɔwa sɔ-e, muyusanɛ nu rə məbɔthər.

AŋƐfisɔs 5:21

Sanɛ nu ɔkin ka ulɔm rə kənesa Kuru.

AŋFilipai 2:14

Yɔ nu tȧy o tȧy yi kəte fɔfəthanɛ dɛ yi kəte pɛnsanɛ;

AŋKɔlɔsi 3:12

Te ba ti, mɔ anthith ŋa Kuru, asəm dɛ yi abɔthər-e, wɔŋ nu ȧŋmerȧ ŋa ȧney, məthɔth, ȧmerȧ athoranɛ, athɔfəl, dɛ yi kəmuyu kəwoni.

AŋKɔlɔsi 3:8

kɛrɛ ka-ake gbapɛ nu mȧyɔs ame bɛ; rȧbaŋ-o, kȧbansa-o, ɛnanɛ ɛləs-o, kȧfɔf ȧŋes ŋa Kuru yȧ yay-o, yi ɛfɔf ɛnɔkɔ kəwur ka tasəŋ ta nu.

1 Timɔthi 6:4

Ɔkati ɔ yi ubonɛ tȧy, ɔ tɛ hɛ koko, ɔ nanɛ gbo tə kəthoŋka thoŋka ȧke kȧrȧ məputhanɛ, yi kəgbal, kətut, kənal dɛ yi ananɛ aləs, dɛ yi

1 Pitar 3:8

Tiyȧŋ ba nu ȧmerȧ ŋin, ba nu ȧney, bɔthərȧnɛ nu mɔ awɔnt, tɔri ȧmerȧ athoranɛ.

1 Pitar 5:5

Yaŋ sɔ na afɛth, sanɛ ka aŋbȧki. Yao, na bɛ nə yi tə kəsanɛ ukin ka ulɔm, ɔwa ba nu sɔ ȧmerȧ athoranɛ; kotȧy-e Kuru ɔ tə pɛnsa aŋbonɛ tȧy, kɛrɛ ɔ sɔŋ aboŋa ka anthoranɛ.