AŋFilipai 2:2 - Ȧŋlemrȧnɛ Ȧfu

² lasər nu mabɔnɛ ma mi rə kəba ȧmerȧ ŋin yi məbɔthər min dɛ yi rim din.

AŋFilipai 2:2 ပူးပေါင်းရင်းမြစ်များ

Yɔn 3:29

Kɔnɔ ɔwe ba ɔbɛra ufath-e kɔnɔ yi ɔruni ufath: kɛrɛ ɔyathki ka ɔruni ufath, ɔwe təmȧ kɔ rayɛr ɔwa ɔ təlȧ kɔ-e, ɔ ba məbɔnɛ məbana ta kətəl ȧrim ra ɔruni ufath: tiyȧŋ mabɔnɛ ma mi ame mə gbenthis.

Mȧyɔs ma aŋsom 1:14

Aŋe bɛ rə ȧmerȧ ŋin aŋ bȧsər kəramnɛ thuŋ, yi aŋfəm abom, yi Merɛŋ ɔkara ka Yisɔsȧŋ yi aŋwɔnt ŋɔŋ aruni.

Mȧyɔs ma aŋsom 2:1

Ɔwa ma ȧŋrey ŋa ȧŋPɛntikɔst aŋ bek-e, aŋkarande bɛ aŋ yi rə dim din dɛr rɔkin.

Mȧyɔs ma aŋsom 2:46

kaŋ bȧsər kəyi ka ȧŋseth ŋa Kuru rə ȧmerȧ ŋin ȧrey o rey, aŋ siməth təbo ka ɛseth yaŋ, ɔwa aŋ di yi məbɔnɛ yi rə ȧmerȧ ȧferȧ,

Mȧyɔs ma aŋsom 5:12

Ka ɛmisali ɛgbathi yi mȧtȧy məkabanɛ mə yɔnɛ kətɔŋ ka aŋfəm ka mȧta ma aŋsom; ɔwa ŋa bɛ aŋ yi rə ȧmerȧ ŋin ka aŋgbənthəŋ ŋa Sɔlɔmɔn.

AŋRomans 12:16

Ba nu dim din ukin yi ulɔm, ɔwa te nu nanɛ mȧtȧy məbana gbo gbɛt, kɛrɛ nanɛ sɔ mȧtȧy məlɔl. Te nu yi abonɛ tȧy rə ȧmerȧ.

1 AŋKɔrenth 1:10

Ɔmari nu, awɔnt, ka ȧŋes ŋa ɔMarki kȧsu Yisɔs Kraystȧŋ, i nɛmthɛnɛ nu kȧmȧ nə ba rim din, dɛ yi kȧmȧ ɔgbaskɛ gbaskɛ ɔ te yi kətɔŋ ka nu, kɛrɛ ba nu ȧmerȧ ŋin yi məgbək min.

2 AŋKɔrenth 13:11

Ka kaləpsɔ, awɔnt, maŋ dirȧ nu yɔ. Yi nu apons, yi nu abɛfəth, ba nu ȧmerȧ ŋin, yirȧ ka məthɔfəl; ɔwa ɔKuru ka məbɔthər dɛ yi məthɔfəl ɔ tə yi yi naŋ.

2 AŋKɔrenth 2:3

Ɔwa i po gbal ȧte gbeŋ ta thani ma i der-e, i ti ba ɔnɔsinɛ salata ŋaŋ aŋa yi naŋ tə kəbɔnɛs mi; kotȧy-e i po gbak ȧmerȧ a mi yathi kəpa mabɔnɛ ma mi mə yi mabɔnɛ ma nu bɛ sɔ.

2 AŋKɔrenth 7:7

Pə yi hɛ ka kȧder kɔŋ son-e, pə yi sɔ ka kȧbɛfəth ȧke nə sɔŋ kɔ, ma ɔ tɔri su kabosinɛ ka nu, kȧbok ka nu, yi ɛmerȧ ɛ nu ɛyasyas ta ȧtȧ mi. Tiyȧŋ i bȧr sɔthɔ məbɔnɛ.

AŋFilipai 1:4

ɔwa ka taramnɛ ta mi bɛ i thola ta ȧtȧ nu bɛ yi məbɔnɛ,

AŋFilipai 2:16

Wop nu ȧsim ta aŋesəm gbaŋ, kȧmȧ i gbəli ba tȧy təkolonɛ ka ȧŋrey ŋa Krayst kəpa ye, i la hɛ gbukɛ kətiŋ, thalɔm i la hɛ yɔ məpanth fu fa fu.

AŋFilipai 2:20

Ȧtesoma-e i ba hɛ wuni lɔm ɔwe ba ȧmerȧ awunɔŋ mɔ kɔnɔ, ɔwe ba sɔ asoli ta ȧtȧ nu.

AŋFilipai 4:2

I nɛmthɛnɛ Iyodiya yi Sintiki kȧmȧ aŋ ba ȧmerȧ ŋin ka ɔMarki.

AŋKɔlɔsi 2:5

kotȧy-e hali ma i te bəpər ka madɛr-e, i yi dɛ yi naŋ ka ȧŋmerȧ a mi, ka pə bɔnɛ mi ma i nənk mabotəs dɛ yi kabotərnɛ ka nu ȧmerȧ ka kȧlanɛ ka Krayst.

2 AŋThɛsȧlonika 2:13

Kɛrɛ saŋ sə yi kəsɔŋ mɔmɔ lɔkɔ o lɔkɔ ka Kuru ta ȧtȧ nu, awɔnt abɔthər ŋa ɔMarki, pəkasifɛ Kuru ɔ po thith nu kȧbi ɔtəpɛr tə kəsɔthɔ kəkisi rə kəsəməs kɔ Yina məsəm dɛ yi kȧlanɛ ka tȧteŋ.

2 Timɔthi 1:4

I fela tə kənəŋk mu, ma i nanɛ ȧmȧntər a mu, kȧmȧ mabɔnɛ ma mi mə la.

Faylimɔn 1:20

Yao, ɔwɔnt yɔna mi kamar ake kȧmȧ i ba məbɔnɛ ka ɔMarki; bȧkəs kabuth kȧmi ka Kraystȧŋ.

2 Yɔn 1:4

I ba məbɔnɛ məbana ma i fir kəpa awuth a mu alɔm aŋ kɔth ka tȧteŋ, mɔ mə sə po sɔthɔ ayamari kəwur ka ɔKas.

3 Yɔn 1:4

I ba hɛ məbɔnɛ ama mə thas ame tə kətəl kəpa aŋwuth a mi aŋ kɔth ka tȧteŋ.