AŋFilipai 2:17 - Ȧŋlemrȧnɛ Ȧfu

¹⁷ Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

AŋFilipai 2:17 ပူးပေါင်းရင်းမြစ်များ

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

Mȧyɔs ma aŋsom 21:13

Ka Pɔlȧŋ ɔ pa, kɔyɛŋ mə nə bok-e, ɔwa nə rantəs ȧŋmerȧ a mi-e? Min bɛnɛnɛ thɔŋ, pə yi hɛ gbo kȧmȧ a sek mi, kɛrɛ tə kəfi sɔ ro Yerusalɛm ta ȧŋes ŋa ɔMarki Yisɔs.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

2 AŋKɔrenth 12:15

Minɛ i ti ləsər ɛyɛt ɛ mi bɛ rə məbɔnɛ məbana, ɔwa i ti sɔndnɛ ta ȧtȧ nu; bepi i bȧr bɔthər nu-e, naŋ nə tə gbəŋki mabɔthər ma nu-i?

2 AŋKɔrenth 4:12

Tiyȧŋ rəfi rə yɔ məpanth do rɔsu, kɛrɛ ŋesəm do rɔnu.

2 AŋKɔrenth 6:10

mɔ mə sə saŋ ɛmɔl-e, kɛrɛ sə sel məbɔnɛ; mɔ amɔnɛ, kɛrɛ sə naŋfas afəm agbȧthi; mɔ mə sə te ba koko-e, kɛrɛ sə sɔthɔ mȧtȧy bɛ.

2 AŋKɔrenth 7:4

I fɔfȧnɛ nu rə kəmintha kəbana, i kolonɛ ɔgbȧthi salata nu; i la rə kəbɛfəth kətɔŋ ka ɛsɔmpanɛ ɛ su bɛ, ɔwa i yasanɛ rɛ yi məbɔnɛ.

AŋFilipai 1:20

kətȧŋȧnɛ ka ȧŋmerȧ ȧpələnɛ dɛ yi kagbak ȧmerȧ kȧmi; kȧmȧ i te lap rə tȧy o tȧy, kɛrɛ rə kəmintha bɛ, Krayst ɔ tə sɔthɔ ayiki ka ȧŋdɛr a mi ka-ake, dɛ yi alɔkɔ bɛ, pə yi ka ŋesəm-o, thalɔm ka rəfi.

AŋFilipai 2:18

Yaŋ sɔ sel nu məbɔnɛ, ɔwa ba nu məyanthənɛ dɛ yi minɛŋ.

AŋFilipai 2:30

pəkasifɛ ta salata mȧpanth ma Krayst ɔ bun fi, kɔ sikɛ hɛ ta aŋesəm ŋɔŋ, tə kəgbenthis kayɔna ka nu do rɔmi.

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

1 AŋThɛsȧlonika 2:8

Tiyȧŋ, pəkasifɛ sə bɔthər nu haŋ-e, pə bɔnɛ su finɔ tə kəsɔŋ nu, pə yi hɛ gbo ȧkɛra kəfinɔ ka Kuru-e, kɛrɛ hali ɛmerȧ ɛ su sɔ, ma pə yi ti nə po səkɛ aŋwuth a su abɔthər.

2 Timɔthi 4:6

kotȧy-e minɛ i təmȧ mɔ sathka təfak, ɔwa ȧŋlɔkɔ ŋa kakɔnɛ kȧmi aŋ po fat.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Yɔn 3:16

Ka ȧte sə tȧrȧ mabɔthər, kəpa kɔnɔ ɔ sɔnd aŋesəm ŋɔŋ ta ȧtȧ su: ɔwa saŋ sə yi tə kəsɔndnɛ ta aŋwɔnt.