AŋFilipai 2:14 - Ȧŋlemrȧnɛ Ȧfu

¹⁴ Yɔ nu tȧy o tȧy yi kəte fɔfəthanɛ dɛ yi kəte pɛnsanɛ;

AŋFilipai 2:14 ပူးပေါင်းရင်းမြစ်များ

Mathiu 20:11

Maŋ wop ŋi-e, aŋ fɔfthənɛ ta ɔwe yamɔ ŋa,

Mark 14:5

kotȧy-e a gbəli naŋ thila ȧmȧro ame ta akala athasi ɛsiliŋ tɛmɛ təsas, a sɔŋ ma ka ȧŋmɔnɛ. Kaŋ bansər ɔbɔrkɔ.

Mark 9:14

Ma ɔ der ka aŋkarande ŋɔŋ-e, ɔ nənk ȧruniya rəbana rə gbətɔr ŋa, ɔwa aŋkarmɔkɔ aŋ thoŋkanɛ ŋa.

Luk 5:30

Kɛrɛ aŋFarisi yi aŋkarmɔkɔ aŋa yi yi ŋaŋ aŋ fɔfəthanɛ ka aŋkarande ŋɔŋ, aŋ pa, To som mə nə di, ɔwa nə mun yi aŋthoŋkla ɛfȧk-e, yi aŋfəm ŋa ɛhakɛ-e?

Mȧyɔs ma aŋsom 15:2

Ɔwa ma Pɔlȧŋ yi Banabasȧŋ aŋ ba məputhanɛ məbana yi kəthoŋka dɛ yi aŋfəm aŋe-e, a botəs kəpa, Pɔl yi Barnabas dɛ yi ŋaŋ alɔm, aŋ yi tə kəkɔ ro Yerusalɛm ka aŋsom yi aŋbȧki ta ȧŋpa aŋe.

Mȧyɔs ma aŋsom 15:39

Ka məputhanɛ mə wɔŋ kətɔŋ ka ŋaŋ, haŋ aŋ sakanɛ. Ɔwa Banabasȧŋ ɔ ba Mark-əŋ, kɔ bȧkȧ ka abil, ɔ kɔnɛ ro Saiprɔs.

Mȧyɔs ma aŋsom 15:7

Ɔwa maŋ po ba ɛpɛnsanɛ ɛbana-e, Pitaŋ ɔ yokanɛ, ɔ pa ro rɔŋaŋ, Aŋwɔnt a mi, nə tȧrȧ kəpa ka ɔwoni Kuru ɔ thith kətɔŋ kȧsu kȧmȧ ka kȧsəŋ kȧmi tȧbona təlɔm tə ba kətəl ȧrim ra ȧkɛra kəfinɔ kȧmȧ aŋ lanɛ.

Mȧyɔs ma aŋsom 6:1

Ɔwa ka marey mati, ma aŋyirka ŋa aŋkarande aŋ bȧrnɛ-e, aŋYuda aŋa a kom ro Kris aŋ fɔfəthanɛ salata aŋHibru, pəkasifɛ a pəl ȧŋbora ŋaŋ ka mapanth ma kəyerəs ȧrey o rei.

AŋRomans 12:18

Bepi pə gbəli yi-e, mɔlɔ ma nə gbəli bɛ-e, yirȧ nu ka məthɔfəl yi afəm bɛ.

AŋRomans 14:1

Malanɛ nu ɔwɔnt ɔwe ba gbo kəlanɛ kəthan, te thoŋka thoŋka yi kɔn.

AŋRomans 16:17

Ɔwa i nɛmthɛnɛ nu, awɔnt, lomar nu ŋaŋ aŋa mə yɔ məputhanɛ yi aŋa mə wɔŋȧ mȧtȧy ma kȧpəth kəŋamnɛ kȧthəksȧ kətəteŋ ȧke nə po thəkəs. Thȧnka ŋa.

1 AŋKɔrenth 10:10

Ta a pa ras nə fɔfəthanɛ, mɔ mə alɔm kətɔŋ ka ŋaŋ aŋ po yɔ, ɔwa ɔDim ɔ dim ŋa.

2 AŋKɔrenth 12:20

Ȧtesoma-e i soli ta thani bepi i der-e, i ti bəp nu mɔ mə i te yema, ɔwa naŋ sɔ nə tə fir mi mɔ mə nə te yema, ta thani pə tə yi ɛgbal-o, kȧtut-o, mȧbaŋ-o, ɛpeskɛnɛ-o, kȧforthanɛ-o, kȧfɔflanɛ-o, kȧbondəsnɛ-o, dɛ yi ɛtotok;

AŋKȧletia 5:15

Bepi nə ŋansanɛ dɛ yi nə sɔməthanɛ-e, bumnɛ nu ȧmerȧ kȧmȧ nə te dimsanɛ.

AŋKȧletia 5:26

Maŋ te nu fela ayiki afu fa fu, tə kəyɔ mȧtȧy ama mə kȧrȧ kələsəranɛ ɛmerȧ yi kətut.

AŋFilipai 2:3

Te yɔ koko rə kəkolonɛ, kɛrɛ rə ȧmerȧ athoranɛ, yɔ nu kȧmȧ ukin ɔ nanɛ ulɔm tə kəyi ufisa pəthas kɔn kɔnɔnɛ.

1 AŋThɛsȧlonika 5:13

Ɔwa nə yi tə kəlambe ŋa finɔ ka məbɔthər salata mapanth maŋ. Kal ba nu məthɔfəl kətɔŋ ka nu.

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

Yeməs 1:20

kotȧy-e rabaŋ da wuni kəpet rə yɔ hɛ mȧlompi ma Kuru Məsaba.

Yeməs 3:14

Kɛrɛ bepi nə ba kətut kəroŋkəth yi kəgbal ka ɛmerȧ ɛ nu-e, te kolonɛ, ɔwa te yemsa tȧteŋ.

Yeməs 5:9

Awɔnt, te nu fɔfəthanɛ ukin dɛ yi ulɔm, ta thani naŋ sɔ nə sɔthɔ mətheri. Kəla ɔThoŋkas ɔ təmȧ ka kadare.

1 Pitar 3:11

Ta ɔ pɛnsa tələs, ta ɔ yɔ təfinɔ; Ta ɔ thɛns məthɔfəl kȧmȧ ɔ bȧkərȧ ma.

1 Pitar 4:9

Fantha nu aŋkos a nu, kəte ba ȧmerȧ aləs;

Yud 1:16

Aŋe ŋə yi aŋfɔfəthanɛ, antompnɛ, aŋ kɔth ka mafela ma ɛmerȧ yaŋ: tasəŋ taŋ tə gbək ɛyoŋka, aŋ yikis afəm kȧmȧ aŋ ba kəsɔthɔ.