AŋFilipai 2:13 - Ȧŋlemrȧnɛ Ȧfu

¹³ kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

AŋFilipai 2:13 ပူးပေါင်းရင်းမြစ်များ

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

Luk 2:14

Ta Kuru ɔwe yi rokɔm ɔ ba ayiki, Ta məthɔfəl mə yi nɔru ka aŋfəm aŋa mə thesis kɔ.

Yɔn 3:27

Yɔnȧŋ ɔ wosa, ɔ pa, Wuni ɔ gbəli hɛ sɔthɔ koko thambe ɔ sɔthɔ ri kəwur ro riyana.

Yɔn 6:45

A po gbal ka mȧgbal ma Aŋnȧbi kəpa, Kurɔŋ ɔ tə thəksa ŋa bɛ. Wuni o wuni ɔwe po təlȧ ɔKas, ɔwa ɔ thəkəs ro ŋɔŋ, ɔ tə der ro mi.

Yɔn 6:65

kɔ pa, Ta ȧte i po kanɛ nu, wuni o wuni ɔ gbəli hɛ der ro mi, thambe ɔKas ɔ lemnɛ ti.

Mȧyɔs ma aŋsom 11:21

Ka kȧta ka ɔMarki kə yi yi ŋaŋ, ka afəm agbȧthi aŋ lanɛ aŋ lafthɛ ka ɔMarki.

AŋRomans 12:3

kotȧy-e, salata ȧŋboŋa aŋa a sɔŋ mi-e, i pa ka wuni o wuni ɔwe yi kətɔŋ ka nu, ta ɔ te nanɛnɛ pəthas ȧtȧ ɔ yi tə kənanɛ; ta ɔ nanɛ gbo rə ȧmerȧ akəthɛgbɛ, ukin o kin mɔ mȧ Kuru ɔ poŋ thuntha kɔ kȧlanɛ.

AŋRomans 9:11

hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

AŋRomans 9:16

Tiyȧŋ pə yi hɛ ka mȧselɔ ma wuni kəpet, thalɔm ka mȧyɔs mɔŋ, kɛrɛ pə yi ka ȧŋney ŋa Kuru Məsaba.

1 AŋKɔrenth 12:6

Ɔwa kəyɔ məpanth kəgbanthɛ tətəp kə yi, kɛrɛ pə yi ɔKuru ukin ɔwe mə yɔna mȧtȧy bɛ ka afəm bɛ.

1 AŋKɔrenth 15:10

Kɛrɛ asabu ŋa ȧŋboŋa ŋa Kuru i yi ȧtȧ i yi; yi ȧŋboŋa ŋɔŋ aŋa ɔ sɔŋ mi aŋ yi hɛ kətiŋ, ka ɔpeskianɛ wati i bora kəyɔ məpanth məgbathi pəthasi ŋa bɛ; kɛrɛ min thahɔ, ȧŋboŋa ŋa Kuru aŋa yi yi minɛ, ŋiəŋ.

2 AŋKɔrenth 3:5

Pə yi hɛ kəpa sə yi abeki tə kəgbək koko ka ɛyɛthɛ ɛ su, kɛrɛ mȧbeki ma su mə wur ka Kuru;

AŋƐfisɔs 1:11

Rokor kɔŋ sɔ-e sə po sɔthɔ akɛŋ, ma a thith su thəpaŋ kətȧŋȧnɛ ka kathithəs ka ɔwe mə yɔ mȧtȧy bɛ mɔ mə ȧŋnanɛ ŋa mȧselɔ mɔŋ aŋ yi.

AŋƐfisɔs 1:5

kotȧy-e ɔ bot su thəpaŋ tə kəsɔthɔ matəma gbeŋ ma awuth asabu ŋa Yisɔs Krayst, mɔ mə mȧthesȧ ma mȧselɔ mɔŋ mə yi

AŋƐfisɔs 1:9

ma ɔ poŋ tɔri su aŋgbundu ŋa mȧselɔ mɔŋ, mɔ mə mȧselɔ mɔŋ məfinɔ mə yi ama ɔ ba ka aŋyɛthɛ ŋɔŋ.

AŋƐfisɔs 2:8

kotȧy-e rȧ aboŋa a kisis nu asabu ŋa kəlanɛ; pə yi hɛ ka aŋfɔsɔ a nu, pə yi ȧŋboya ŋa Kuru Məsaba.

2 AŋThɛsȧlonika 1:11

Tiyȧŋ saŋ sɔ sə ramnɛ ta ȧtȧ nu katkat, kȧmȧ ɔKuru kȧsu ɔ gbəli nənk nu kəyi abeki ta katela ka nu, ɔwa kȧmȧ ɔ kȧl gbenthis rə afɔsɔ məfela o məfela məfinɔ, dɛ yi məpanth o məpanth ma kəlanɛ,

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,