AŋFilipai 1:6 - Ȧŋlemrȧnɛ Ȧfu

⁶ Ka i lanɛ ti ɔbaksər kəpa, kɔnɔ ɔwe po təp məpanth məfinɔ rokor ka nu-e, ɔ tə pons ma haŋ ka ȧŋrey ŋa Yisɔs Krayst.

AŋFilipai 1:6 ပူးပေါင်းရင်းမြစ်များ

Yɔn 6:29

Yisɔsȧŋ ɔ pa ro ŋaŋ, Ȧŋpanth ŋa Kuru ŋi aŋe, kȧmȧ nə lanɛ kɔ ɔwe ɔ po som.

Mȧyɔs ma aŋsom 11:18

Maŋ təl mȧtȧy ame-e, aŋ taŋk, kaŋ yikis Kuru, aŋ pa, Ɔwa Kuru ɔ po sɔŋ tȧbona təlɔm sɔ kathupi ka aŋesəm.

Mȧyɔs ma aŋsom 16:14

Ka ubɛra ulɔm, ȧŋes ŋɔŋ ŋȧ yi Lidya, uthila totha təyim-e, ɔ yi ka kȧpet ȧke a bont Thiatira, ɔwe bȧtho Kurɔŋ; kɔnɔ təlȧ su. Ɔwa ɔMarki ɔ kanthi ȧŋmerȧ ŋɔŋ kȧmȧ ɔ botər ȧmerȧ ta mȧtȧy ama Pɔlȧŋ ɔ fɔf.

1 AŋKɔrenth 1:8

ɔwe yi tə kəbaksər nu sɔ haŋ ka ɔthalnɛ. Kama nə te ba məthɛkɛ ka ȧŋrey ŋa ɔMarki kȧsu Yisɔs Krayst.

2 AŋKɔrenth 1:15

Asabu ŋa kagbak ȧmerȧ ake-e, i la nanɛ tə kəder ro rɔnu, kȧmȧ nə bȧr sɔthɔ kəmar mȧrəŋ.

2 AŋKɔrenth 2:3

Ɔwa i po gbal ȧte gbeŋ ta thani ma i der-e, i ti ba ɔnɔsinɛ salata ŋaŋ aŋa yi naŋ tə kəbɔnɛs mi; kotȧy-e i po gbak ȧmerȧ a mi yathi kəpa mabɔnɛ ma mi mə yi mabɔnɛ ma nu bɛ sɔ.

2 AŋKɔrenth 7:16

Tiyȧŋ pə bɔnɛ mi kotȧy-e i ba kəpələnɛ ȧŋgbȧp a nu rə tȧy o tȧy.

2 AŋKɔrenth 9:4

ta thani bepi aŋMasidoniya alɔm aŋ der yi minɛŋ, ɔwa aŋ bəp nu nə yi hɛ abɛnɛnɛ-e, saŋ (hali sə te pa niaŋ) sə tə ba məlap asabu ŋa kakolonɛ ake.

AŋKȧletia 5:10

I lanɛ ka ɔMarki kəpa nə tə yi rim din yi minɛŋ. Kɛrɛ ɔwe mə sɔmpa nu ɔ tə sara kathoŋkas kɔŋ, pə yi wuni o wuni.

AŋƐfisɔs 4:12

salata kagbenthis ka aŋsəm, ta mapanth ma kəbatho dɛ yi tə kəbaksər ȧŋdɛr ŋa Krayst.

AŋFilipai 1:10

Kama nə thith mȧtȧy məfinɔ; kȧmȧ nə yi təteŋ, kəte ba məthɛkɛ haŋ ka ȧŋrey ŋa Yisɔs Krayst.

AŋFilipai 1:29

A po sɔŋ nu afɔsɔ, pə yi hɛ gbo tə kəlanɛ Kraystȧŋ, kɛrɛ tə kənakasi ta sala tɔŋ.

AŋFilipai 2:12

Tiyȧŋ, ambɔthər a mi, mɔ mȧ nə poŋ thɔŋ sanɛ ȧrim lɔkɔ o lɔkɔ, pə yi hɛ gbo ma i yi kətɔŋ ka nu, kɛrɛ pə tha gbethi ka kate kȧmi bəpər, bȧsər kȧmȧ nə yɔ kakisi ka nu kə yi kəpons, rə rənes dɛ yi kəyɛr yɛr.

AŋFilipai 2:13

kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

AŋFilipai 2:16

Wop nu ȧsim ta aŋesəm gbaŋ, kȧmȧ i gbəli ba tȧy təkolonɛ ka ȧŋrey ŋa Krayst kəpa ye, i la hɛ gbukɛ kətiŋ, thalɔm i la hɛ yɔ məpanth fu fa fu.

AŋKɔlɔsi 2:12

Ka a po maŋk nu yi kɔn ka ȧŋbaftisəm, ro pə yi ka-ake a yokas nu sɔ yi kɔn kətȧŋȧnɛ ka kȧlanɛ ka mapanth ma Kuru ɔwe po yokas kɔ ka rafi.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

2 AŋThɛsȧlonika 1:11

Tiyȧŋ saŋ sɔ sə ramnɛ ta ȧtȧ nu katkat, kȧmȧ ɔKuru kȧsu ɔ gbəli nənk nu kəyi abeki ta katela ka nu, ɔwa kȧmȧ ɔ kȧl gbenthis rə afɔsɔ məfela o məfela məfinɔ, dɛ yi məpanth o məpanth ma kəlanɛ,

2 AŋThɛsȧlonika 3:4

Sə ba kəpələnɛ ka ɔMarki ta ȧtȧ nu, kəpa ya nə po yɔ, ɔwa ya mə nə kɔ kəyɔ sɔ.

Faylimɔn 1:21

I gbalər mu pəkasifɛ i pələnɛ mu kəpa munɔ mə tə yɔ pəthasi ȧtȧ i pa.

AŋHibru 10:35

Te ba ti te nu gbapɛ kapələnɛ ka nu ȧke mə ba ȧrȧm abana.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.