AŋFilipai 1:13 - Ȧŋlemrȧnɛ Ȧfu

¹³ haŋ aturgba ta ɔbȧy dɛ yi afəm alɔm bɛ aŋ tȧrȧ kəpa atɔrɛntha ta mi tə yi ta salata Kraystȧŋ.

AŋFilipai 1:13 ပူးပေါင်းရင်းမြစ်များ

Mȧyɔs ma aŋsom 26:29

Ka Pɔlȧŋ ɔ pa, Kaŋka Kuru-e, pə yi hɛ munɔ gbo son, kɛrɛ ŋaŋ bɛ aŋa təlȧ mi thonɔŋ, kȧmȧ ŋa sɔ aŋ yi mɔ minɛŋ thambe ta atɔrɛntha ȧte.

Mȧyɔs ma aŋsom 26:31

Ɔwa maŋ wur-e aŋ fɔfȧnɛ aŋ pa, Ɔlaŋgba ɔwe ɔ yɔ hɛ tȧy o tȧy ȧtȧ bek tə kədif kɔ thalɔm tə kətand kɔ.

Mȧyɔs ma aŋsom 28:17

Ka pə re yi kədarəŋ ka mərey məsas-e, Pɔlȧŋ ɔ tela aŋkərbomp kətɔŋ ka aŋYuda dɛr rɔkin. Maŋ po thoŋklanɛ dɛr rɔkin-e, ɔ pa ro ŋaŋ, Aŋwɔnt a mi, minɛŋ hali ma i te yɔ tȧy o tȧy tələs ka aŋfəm thalɔm matanɛ ma aŋkas a su-e, a lȧnki mi ukɛndɛbira kəwur ro Yerusalɛm ka mȧta ma aŋRom.

Mȧyɔs ma aŋsom 28:20

Tiyȧŋ ta ȧtȧy ȧte i som kətela nu kȧmȧ sə nəŋkanɛ, ȧtesoma-e salata kagbak ȧmerȧ ka Isrɛl a kotər mi akɔrɛntha ake.

Mȧyɔs ma aŋsom 28:30

Ɔwa Pɔlȧŋ ɔ yirȧ təren tərəŋ təlolok ka aŋ yiya ŋɔŋ ayep ta ȧrȧm, ɔ malanɛ aŋfəm bɛ aŋa wɔŋ ro ŋɔŋ,

AŋƐfisɔs 3:1

Te ba ti-e, minɛ Pɔl, ɔkɛndɛbira ka Yisɔs Krayst salata naŋ təbona təlɔm-e,

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋƐfisɔs 6:20

Ɔwa ka ȧŋsabu aŋe i yi usom ka tɔrɛntha, kȧmȧ i gbəli fɔf rə kəmintha mɔ mə i yi tə kəfɔf.

AŋFilipai 1:30

Nə tə ba katim kin ȧke nə nəŋka mi, pə yi mɔ katim ȧke nə təl i ba haŋ ka-ake.

AŋFilipai 1:7

I ba məmari tə kənanɛ ȧte ta ȧtȧ nu bɛ, kotȧy-e i ba nu ka ȧŋmerȧ a mi, ɔwa ma i yi ukɛndɛbira dɛ yi ma i təmȧ tə kəgbaki dɛ yi tə kəseri ta ȧkɛra kəfinɔ-e, naŋ bɛ nə yi ayeranɛ ka aboŋa ŋin ŋati yi minɛŋ.

AŋFilipai 4:22

Aŋsəm bɛ aŋ kori nu, pə tha gbethi aŋfəm ro seth ka Sisar.

2 Timɔthi 2:9

Salata ȧkɛra ake-e, i nakasi, ɔwa a tand mi ka tɔrɛntha mɔ ukərəŋka. Kɛrɛ a gbəli hɛ tand ȧrim ra Kuru yi tɔrɛntha.