AŋFilipai 1:11 - Ȧŋlemrȧnɛ Ȧfu

¹¹ Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 1:11 ပူးပေါင်းရင်းမြစ်များ

Mathiu 5:16

Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 15:2

Ara o ra ro mi aŋa mə te wur məkomi ɔ gbək ŋi; ɔwa ara o ra aŋa mə wur məkomi, ɔ wasər ŋi, kȧmȧ aŋ bȧr wur məkomi.

Yɔn 15:8

Ka ȧte a tə yikis ɔKas kȧmi, bepi nə wur məkomi məgbathi; ɔwa ya nə tə yi akarande a mi.

AŋRomans 15:28

Te ba ti bepi i po yɔ ȧte-e, ma i po lȧnki ɛboya ɛye ka aŋfəm ŋa Kuru-e, i ti thas ro rɔnu kəkɔ ro Spen.

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

1 AŋKɔrenth 10:31

Ȧŋsabu aŋ yi kəpa, bepi nə di-e, thalɔm nə mun-e, thalɔm nə yɔ tȧy o tai-e, yɔ ti nu bɛ salata aŋyiki ŋa Kuru.

2 AŋKɔrenth 9:10

Ɔwa ɔwe mə sɔŋ məter ka ɔsak yi kəbo ta ɛwɔnth-e, kɔnɔ mə sɔŋ nu mater yi mȧbȧrnɛ mati tə kəsak. Ɔwa ɔ tə kȧl sɔŋ mȧkomi məbarnɛ ma mȧlompi ma nu.

AŋƐfisɔs 1:12

Kama saŋ aŋa mɔtha bot ɛmerȧ ɛ su ka Kraystȧŋ, sə tə yi ka kathɔkəs ka aŋyiki ŋɔŋ.

AŋƐfisɔs 1:14

ɔwe yi masɛkɛ ma akɛŋ kȧsu, haŋ kabani kati kə gbenthis, kəkɔ ka kathɔkəs ka aŋyiki ŋɔŋ.

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋƐfisɔs 5:9

ȧtesoma-e mȧkomi ma ɔYina mə yi ka məthɔth bɛ yi məlompi yi təteŋ.

AŋFilipai 4:17

Pə yi hɛ kəpa i thɛns aboya, kɛrɛ i thɛns kȧmȧ nə wurɔ məkomi məgbathi.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

2 AŋThɛsȧlonika 1:12

kȧmȧ ȧŋes ŋa ɔMarki kȧsu Yisɔs Krayst aŋ sɔthɔ yiki do rɔnu, yi naŋ sɔ do rɔŋɔŋ, kətȧŋȧnɛ ka ȧŋboŋa ŋa ɔKuru kȧsu yi ɔMarki Yisɔs Kraystȧŋ.

Taytɔs 3:14

Ɔwa yɔ kȧmȧ aŋfəm a su aŋ thəkəs tə kəyɔ məpanth məfinɔ ta ɛgbɛthɛŋ yaŋ kȧmȧ aŋ te yi akoŋfereŋ.

AŋHibru 12:11

Ka ɔgbut wuni mɔ sɔthɔ asiraŋ pə bɔnɛ hɛ kɔ, kɛrɛ ɔ baŋ kɔ; halisa ka ɔgbanthir ŋaŋ aŋa sɔthɔ karusəm kati-e, aŋ tə wurɔ mȧkomi məthɔfəl ma məlompi.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

1 Pitar 4:14

Bepi nə sɔthɔ məsambo salata ȧŋes ŋa Kraist-e, ta pə bɔnɛ nu; kotȧy-e ɔ Yina ka ayiki, pə yi mɔ-e, ɔ Yina ka Kuru, ɔ rensa nu; ka ȧŋgbȧp ŋaŋ a fɔf kɔ ɔləs, kɛrɛ ka ȧŋgbȧp a nu ɔ sɔthɔ ayiki.