Mȧyɔs ma aŋsom 9:15 - Ȧŋlemrȧnɛ Ȧfu

¹⁵ Kɛrɛ ɔMarki ɔ pa ro ŋɔŋ, Kɔnɛ, kotȧy-e ɔ yi rəka rəthith ta ȧtȧ mi, tə kəkera ȧŋes a mi rodi ka tȧbona təlɔm, yi abȧy, yi aŋwuth ŋa Isrɛl.

Mȧyɔs ma aŋsom 9:15 ပူးပေါင်းရင်းမြစ်များ

Mathiu 10:18

Aŋ tǝ kera nu sɔ rodi ka aŋbȧy yi aŋbȧki salata mi, kȧmȧ nǝ yi mǝseri ro ŋaŋ yi ka tȧbona tǝlɔm.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Mȧyɔs ma aŋsom 13:2

Ɔwa mɔ mə aŋ bȧtho ɔMarki, aŋ kȧl wop asum, ɔYina məsəm ɔ pa, Gbaski Banabasȧŋ yi Sɔlȧŋ ta ȧtȧ mi ta mapanth ama i tela ŋa.

Mȧyɔs ma aŋsom 21:19

Ɔwa ma Pɔlȧŋ ɔ po kori ŋa-e, ɔ təp ka ɔtəpɛr tə kəlɔma ŋa ȧtȧ Kurɔŋ ɔ po yɔ kətɔŋ ka tȧbona təlɔm ka mȧta mɔŋ.

Mȧyɔs ma aŋsom 22:14

kɔ pa, ƆKuru ka aŋkas a su, ɔ po thith mu tə kətara mȧselɔ mɔŋ dɛ yi tə kənəŋk ɔWuni lompi, ɔwa tə kətəl ȧrim ra kȧsəŋ kɔŋ.

Mȧyɔs ma aŋsom 22:21

kɔ pa ro mi, Kɔnɛ, ȧtesoma-e i ti som mu ɔbɔli poŋ ka tȧbona təlɔm.

Mȧyɔs ma aŋsom 25:22

Akripa ɔ pa ka Fɛstɔs, Minɛŋ gbeŋ, i ba afela tə kətəla ɔlaŋgba. Ka Fɛstɔs-əŋ ɔ pa, Ɔwa ninaŋ mə tə təlȧ kɔ.

Mȧyɔs ma aŋsom 26:1

Ka Akripaŋ ɔ pa ka Pɔlȧŋ, A po ter mu tə kəfɔfanɛ. Ka Pɔl ɔ thanthi kȧta kɔŋ, kɔ pa,

Mȧyɔs ma aŋsom 26:32

Ka Akripaŋ ɔ pa ka Fɛstɔs, A gbəli naŋ ter ɔlaŋgba ɔwe bepi ɔ tha lȧnki hɛ naŋ ȧŋpa ŋɔŋ ka Sisar.

Mȧyɔs ma aŋsom 27:24

ɔ pa, Pɔl, te nesa. Mə ba tə kətəma rodi ka Sisar; ɔwa Kuru ɔ po laŋklia mu aŋa yi ro bil yi munɔ.

Mȧyɔs ma aŋsom 28:17

Ka pə re yi kədarəŋ ka mərey məsas-e, Pɔlȧŋ ɔ tela aŋkərbomp kətɔŋ ka aŋYuda dɛr rɔkin. Maŋ po thoŋklanɛ dɛr rɔkin-e, ɔ pa ro ŋaŋ, Aŋwɔnt a mi, minɛŋ hali ma i te yɔ tȧy o tȧy tələs ka aŋfəm thalɔm matanɛ ma aŋkas a su-e, a lȧnki mi ukɛndɛbira kəwur ro Yerusalɛm ka mȧta ma aŋRom.

Mȧyɔs ma aŋsom 28:28

Tiyȧŋ tȧrȧ nu kəpa a somra kakisis ka Kuru ake ka tȧbona təlɔm; ɔwa ŋaŋ aŋ tə təl sɔ.

AŋRomans 1:1

Pɔl ȧbɔy ŋa Yisɔs Krayst ɔwe a muti tə kəyi usom, ɔwe a gbaski asabu ŋa mafinɔ ma Kuru,

AŋRomans 1:5

Ka ɔwe sə po sɔthɔ aboŋa yi mapanth ma ɔsom tə kəyɔ afəm ŋa tȧbona bɛ aŋ sanɛ rə kəlanɛ salata ȧŋes ŋɔŋ.

AŋRomans 11:13

kotȧy-e i fɔfȧnɛ nu na tȧbona təlɔm pəkasifɛ minɛŋ i yi usom ka tȧbona təlɔm, ɔwa i kolo matəma ma mi;

1 AŋKɔrenth 15:10

Kɛrɛ asabu ŋa ȧŋboŋa ŋa Kuru i yi ȧtȧ i yi; yi ȧŋboŋa ŋɔŋ aŋa ɔ sɔŋ mi aŋ yi hɛ kətiŋ, ka ɔpeskianɛ wati i bora kəyɔ məpanth məgbathi pəthasi ŋa bɛ; kɛrɛ min thahɔ, ȧŋboŋa ŋa Kuru aŋa yi yi minɛ, ŋiəŋ.

1 AŋKɔrenth 9:16

kotȧy-e i ba hɛ ȧmerȧ akabanɛ ȧŋsabu ŋa kȧ kawandi kȧmi mapa məfinɔ ma Kuru, ȧtesoma-e a reŋ mi kȧthambe kati. Te ba ti, sɛkɛ mi-o bepi i kawandi hɛ mapa məfinɔ ma Kuru!

AŋKȧletia 1:1

Pɔl usom, (pə yi hɛ ka mȧselɔ ma afəm, thalɔm kətȧŋȧnɛ ka wuni kəpet, kɛrɛ kətȧŋȧnɛ ka Yisɔs Krayst, yi Kuru ɔKas, ɔwe yokas kɔ ka rafi)

AŋƐfisɔs 3:1

Te ba ti-e, minɛ Pɔl, ɔkɛndɛbira ka Yisɔs Krayst salata naŋ təbona təlɔm-e,

1 Timɔthi 2:7

Ȧtesoma-e a po thith mi tə kəyi ukawandi yi usom, (i fɔf tȧteŋ ka Krayst, rəyem thahɔ); dɛ yi ukarmɔkɔ ka tȧbona təlɔm ka kȧlanɛ yi tȧteŋ.

2 Timɔthi 1:11

Ka a səki mi ugbay kawandi salata ȧkɛra kəfinɔ ka Kuru, yi usom, yi ukarmɔkɔ ka tȧbona təlɔm.

2 Timɔthi 2:4

Wuni o wuni ɔwe yi ukurgba ɔ kulunɛ hɛ ka mȧtȧy ma ȧdȧru are, kȧmȧ ɔ gbəli thesis ȧŋmerȧ ŋa ɔwe po thith kɔ tə kəyi ukurgba.

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.