Mȧyɔs ma aŋsom 8:25 - Ȧŋlemrȧnɛ Ȧfu

²⁵ Ɔwa ŋaŋ-e, maŋ po sɔŋ məseri, dɛ yi aŋ po fɔf ȧrim ra ɔMariki-e, aŋ kȧlanɛ ro Yerusalɛm, kaŋ tɔri ȧkɛra kəfinɔ rə təgbɔm təgbȧthi ta aŋSameriya.

Mȧyɔs ma aŋsom 8:25 ပူးပေါင်းရင်းမြစ်များ

Mathiu 10:5

Antɔfɔt ŋarǝŋ aŋe-e, ŋa Yisɔs ɔ som, ɔ yamari ŋa, kɔ pa, Te nu kɔ ka tȧbona tǝlɔm, te nu wɔŋ rǝ kǝpet o kǝpet ka aŋSamariya,

Luk 16:28

ȧtesoma-e i ba awɔnt aruni tamath kȧmȧ ɔ seri ta ȧtaŋ, kȧmȧ aŋ te der ka ɔdɛr ɔbaŋ ɔwe.

Yɔn 15:27

ɔwa naŋ sɔ nə tə gbaki; pəkasifɛ nə po yi ro mi kȧbi ka katəp.

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 13:12

Ka ɔsanthiki, ma ɔ nənk ȧtȧ po yɔnɛ-e, ɔ lanɛ, ɔ kabanɛ ka kathəksa ka ɔMarki.

Mȧyɔs ma aŋsom 18:5

Ma Sailas-əŋ yi Timɔthi-əŋ aŋ bek kəwur ro Masidonia-e, ȧrim rə gbukthi Pɔlȧŋ tə kəsɔŋ məseri ka aŋYuda kəpa Yisɔsȧŋ kɔnɔ yi ɔKrayst.

Mȧyɔs ma aŋsom 20:21

i seri ka aŋYuda yi aŋKrik kathupi ka Kuru, yi kȧlanɛ ka ɔMarki kȧsu Yisɔs Krayst.

Mȧyɔs ma aŋsom 28:23

Ɔwa maŋ po botȧ kɔ arey-e, agbȧthi aŋ der ro ŋɔŋ kaŋ yiya ŋɔŋ. Kɔ yɛrkia ŋa ȧŋpa, ma ɔ seri ta rȧbȧy ra Kuru, kɔ thɔnthɔ ŋa ta Yisɔs ka ȧŋthɔ ŋa Mosis yi ka mȧgbal ma Aŋnȧbi, kətəp ka bəth haŋ rəfɔy.

Mȧyɔs ma aŋsom 28:28

Tiyȧŋ tȧrȧ nu kəpa a somra kakisis ka Kuru ake ka tȧbona təlɔm; ɔwa ŋaŋ aŋ tə təl sɔ.

Mȧyɔs ma aŋsom 28:31

ɔ taməs rȧbȧy ra Kuru, ɔ thəksa mȧtȧy ta ɔMarki Yisɔs Krayst rə kəmintha, ɔwa wuni o wuni ɔ bɛnt hɛ kɔ.

Mȧyɔs ma aŋsom 8:40

Kɛrɛ a bəp Filipȧŋ ro Asotɔs. Ɔwa ɔ thas kətɔri ȧkɛra kəfinɔ ka tapet bɛ haŋ ɔ bek ro Sisaria.

1 Pitar 5:12

I somra ȧŋreka agbut aŋe ka kȧta ka Silfenɔs, ɔwɔnt su ubɔthi lanɛ, tə kəbaksər tabuth ta nu, yi tə kəseri kəpa ȧtȧ i po tɔri nu tə yi ȧŋboŋa atəteŋ ŋa Kuru. Təmȧ ri ɔbaksər.