Mȧyɔs ma aŋsom 3:19 - Ȧŋlemrȧnɛ Ȧfu

¹⁹ Tiyȧŋ thupi nu ɔwa lafthɛ nu kȧmȧ a dimsi ɛhakɛ ɛ nu, kȧmȧ ɛlɔkɔ ya kəfothanɛ ɛ der kəwur ro der kədi ka ɔMarki;

Mȧyɔs ma aŋsom 3:19 ပူးပေါင်းရင်းမြစ်များ

Mathiu 13:15

kotȧy-e ɛmerȧ ya aŋfǝm aŋe ɛ gbolŋanɛ, Ɔwa ɛlǝns yaŋ ɛ tui tǝl, Ɔwa aŋ po mɔp ɛfɔr yaŋ, Ta thani aŋ ti nənk yi ɛfɔr yaŋ, Ɔwa aŋ tǝl yi ɛlǝns yaŋ, Pǝ tǝ kȧl sɔk ŋa rǝ ȧmerȧ, Ɔwa aŋ kȧl lafthɛ Kama, i yeŋkǝs ŋa.

Mathiu 18:3

kɔ pa, Tɛntɛnɛ i kanɛ nu, Thambe nǝ lȧfthi ɛmerȧ ɛ nu-e, nǝ sǝkɛ mɔ afɛth alɔl-e, nǝ gbǝli hɛ wɔŋ ka rȧbȧy ra ro riyana.

Luk 1:16

Ɔ tə lȧfthi aŋwuth ŋa Isrɛl agbȧthi ka ɔMarki ɔKuru ka ŋaŋ.

Luk 22:57

Pitaŋ ɔ pɛnsa ɔ pa, Wath bɛra i tɛ hɛ kɔ.

Mȧyɔs ma aŋsom 1:6

Tiyȧŋ maŋ po thoŋklanɛ dɛr rɔkin-e, aŋ yif kɔ, aŋ pa, ƆMariki mə tə kala rȧbȧy ro Isrɛl ka ȧŋlɔkɔ aŋe-i?

Mȧyɔs ma aŋsom 11:18

Maŋ təl mȧtȧy ame-e, aŋ taŋk, kaŋ yikis Kuru, aŋ pa, Ɔwa Kuru ɔ po sɔŋ tȧbona təlɔm sɔ kathupi ka aŋesəm.

Mȧyɔs ma aŋsom 11:21

Ka kȧta ka ɔMarki kə yi yi ŋaŋ, ka afəm agbȧthi aŋ lanɛ aŋ lafthɛ ka ɔMarki.

Mȧyɔs ma aŋsom 15:3

Ŋaŋ mən, ma aŋchɔch aŋ paya ŋa ɔthan ro roŋ-e, aŋ thas ro Finisia yi ro Samaria, aŋ tɔri kəpa tȧbona təlɔm tə səkɛ alanɛ. Ka aŋwɔnt bɛ aŋ ba məbɔnɛ məbana.

Mȧyɔs ma aŋsom 17:26

kɔ bɛmpa ka mətir min tȧbona ta aŋfəm sɛŋk kȧmȧ aŋ yirȧ ka ȧŋthɔf rokɔm bɛ, kɔ po botəs ŋa ɛlɔkɔ yi tənəŋkəra ta ɔyira wɔŋ,

Mȧyɔs ma aŋsom 2:38

Ka Pitaŋ ɔ pa ro ŋaŋ, Thupi nu, ɔwa yɔ a baftays nu kin o kin ka ȧŋes ŋa Yisɔs Krayst ta katerɔ ka ɛhakɛ ɛ nu, ɔwa nə tə sɔthɔ ȧŋboya ŋa ɔYina məsəm.

Mȧyɔs ma aŋsom 28:27

kotȧy-e ɛmerȧ ya aŋfəm aŋe ɛ po bȧk mədɛr, Ɛləns yaŋ ɛ taŋa, Ɔwa aŋ po mɔp ɛfɔr yaŋ, Ta thani aŋ nənk yi ɛfɔr yaŋ, Aŋ kȧl təl yi ɛləns yaŋ, Ɔwa aŋ sɔthnɛ ka ɛmerȧ yaŋ Kama aŋ kȧl lafthɛ, Ɔwa kȧmȧ i ramər ŋa,

Mȧyɔs ma aŋsom 3:20

kȧmȧ ɔ somra nu Yisɔsȧŋ ɔwe a bont ɔKrayst, ɔwe a po thithȧ nu,

Mȧyɔs ma aŋsom 3:21

pə yi mɔ kɔnɔ ɔwe ȧŋriyana aŋ ba kəwop haŋ ka ɛlɔkɔ ya kakala mȧtȧy bɛ, ama Kuru ɔ po fɔf ka tasəŋ ta Aŋnȧbi bi ŋɔŋ asəm bɛ aŋa yi kȧbi ka ɔwoni.

AŋRomans 11:25

Aŋwɔnt mi, ta thani nə yi aŋatanɛ rə amera-e, i yema kȧmȧ nə tȧrȧ amurare aŋe kəpa kəgbolŋanɛ kə po derər alɔm ŋa aŋIsrɛl haŋ kalasər ka tȧbona təlɔm kə bek.

2 AŋThɛsȧlonika 1:10

Ka ȧŋlɔkɔ ma ɔ der tə kəsɔthɔ ayiki ka aŋsəm ŋɔŋ, yi kȧmȧ ŋa bɛ aŋa lanɛ aŋ kabanɛ ta atɔŋ-e, ka ȧŋrey ŋati, (pəkasifɛ nə po malanɛ maseri ma su do rɔnu).

2 AŋThɛsȧlonika 1:7

Ɔwa sɔ-e, naŋ aŋa ba thɔŋ asɔmpanɛ-e, ɔ sɔŋ nu kəfothanɛ dɛ yi saŋ, ma ɔMarki Yisɔs ɔ ŋaibinɛ kəwur ro riyana yi aŋmȧleka ŋa aŋfɔsɔ ŋɔŋ,

2 Timɔthi 2:25

ɔ tə fɔf ɔthɔfəl ma ɔ mɛm tə kəlompəs ŋaŋ aŋa pɛnsa kɔ, ma pə yi-e, sɔthlɔm Kuru ɔ tə sɔŋ ŋa kəthupi kȧmȧ aŋ gbithanɛ tȧteŋ;

AŋHibru 4:1

Tiyȧŋ, ma sə ba ras aŋlahiri ŋa kəwɔŋ ka ɔfothanɛ wɔŋ-e, maŋ nesa nu ta thani ukin ka nu ɔ thȧpi kəsɔthɔ ri.

1 Pitar 2:25

Pəkasifɛ nə la yi mɔ təlɔmɛ təthayoŋ, kɛrɛ ka-ake nə kȧlanɛ thɔŋ ka ɔTɔl yi ka ɔGbəka ka rafəm ra nu.

2 Pitar 3:8

Kɛrɛ abɔthər, te pənɛ ȧtȧy tin ȧte kəpa ye ȧrey ŋin dɛ yi ɔMarki aŋ yi mɔ təren awul ŋin, yi təren awul ŋin tə yi mɔ ȧrey ŋin.

Kȧŋȧibinɛ 21:4

Ɔwa Kuru ɔ tə nasi ȧmȧntər bɛ ka ɛfɔr yaŋ. Rəfi rə ba hɛ sɔ kəyi. Ɔwa ɔnɔsinɛ-o, kəbok-o, ta a pa ras ɔbaŋ-o, ɛ ba hɛ sɔ kəyi hali. Kotȧy-e mȧtȧy mətɔtɔkɔ mə po thas.