Mȧyɔs ma aŋsom 3:12 - Ȧŋlemrȧnɛ Ȧfu

¹² Ma Pitaŋ ɔ ŋaŋk ti-e, ɔ pa ka aŋfəm, Naŋ afəm ŋa Isrɛl, kɔyɛŋ mə nə kabanɛ ȧte-e? Thalɔm kɔyɛŋ mə nə kəli su teŋ mɔ pə yi mɔ ka aŋfɔsɔ a su thalɔm ka rasəm ra su sə yɔ ɔlaŋgba ɔwe ɔ kɔth-e?

Mȧyɔs ma aŋsom 3:12 ပူးပေါင်းရင်းမြစ်များ

Yɔn 7:18

Wuni ɔwe mə fɔf ka ȧŋmerȧ ŋɔŋ-e, ɔ thɛns gbo aŋyiki ŋɔŋ: kɛrɛ kɔnɔŋ ɔwe mə thɛns aŋyiki ŋa ɔwe po som kɔ-e, kɔnɔ kati ɔ yi təteŋ, ɔwa ɔ ba hɛ məkənə.

Mȧyɔs ma aŋsom 13:26

Awɔnt a mi, aŋwuth ŋa rȧkomra ra Ebraham, yi ŋaŋ aŋa nesa Kuru kətɔŋ ka nu-e, a som ȧrim ra kakisi ake ro rɔsu.

Mȧyɔs ma aŋsom 2:22

Naŋ aŋfəm ŋa ro Isrɛl, təl nu ȧsim ȧte. Yisɔs ɔwe ro Nasarɛth, wuni ɔwe Kuru ɔ po lomi kətɔŋ ka nu rə məyɔs ma afɔsɔ yi mȧtȧy məkabanɛ yi ɛmisali ɛyɛ Kuru ɔ yɔ ka kȧta kɔŋ kətɔŋ ka nu, mɔ naŋ gbeŋ nə po tȧrȧ.

Mȧyɔs ma aŋsom 3:11

Ɔwa ma ɔ wopnɛ Pitaŋ yi Yɔnȧŋ-e, aŋfəm bɛ aŋ gbukɛ dɛr rɔkin, kaŋ bȧlər ŋa ka aŋgbənthəŋ ŋa Sɔlɔmɔn, aŋ kabanɛ kəkabanɛ kəbana.

Mȧyɔs ma aŋsom 3:13

ƆKuru ka Ebraham-əŋ, ɔka Aysakȧŋ yi ɔka Yekɔb-əŋ, ɔKuru ka aŋkas a su, kɔnɔ ɔ po yikis ȧŋbɔy ŋɔŋ Yisɔsȧŋ ɔwe naŋ nə lȧnki, ɔwa nə pɛnsa ro der kədi ka Paylet, ma ɔ nanɛ naŋ tə kəter kɔ.

AŋRomans 11:1

Tiyȧŋ i yif thɔŋ, Kuru-e ɔ poŋ fitha aŋfəm ŋɔŋ-i? Saki ti. Kotȧy-e minɛ sɔ i yi uIsreɛl ka rȧkomra ra Ebraham, ka ȧŋbɔnshɔ ŋa Bɛnyamin.

AŋRomans 9:4

aŋa yi aŋIsrɛl; aŋa ba ȧŋes ŋa aŋwuth ŋa Kuru, yi aŋyiki, yi ɛlemranɛ, yi kasɔŋ ȧŋthɔ, yi kabȧtho ka ȧŋseth ŋa Kuru dɛ yi ɛlahiri.

2 AŋKɔrenth 3:5

Pə yi hɛ kəpa sə yi abeki tə kəgbək koko ka ɛyɛthɛ ɛ su, kɛrɛ mȧbeki ma su mə wur ka Kuru;

Kȧŋȧibinɛ 7:13

Ɔwa ubaki ukin ɔ yif mi, Kanɛ yi aŋfəm aŋe aŋa lopra suma təfera-e, ɔwa reke aŋ wur-e?