Mȧyɔs ma aŋsom 27:3 - Ȧŋlemrȧnɛ Ȧfu

³ Ka ȧŋrey alɔm sə bek ro Sidon. Ɔwa Yuliɔs ɔ wop Pɔlȧŋ ɔfinɔ, ɔ ter kɔ tə kəkɔ ka aŋyathki ŋɔŋ kȧmȧ ɔ bȧksər ȧŋdɛr ŋɔŋ.

Mȧyɔs ma aŋsom 27:3 ပူးပေါင်းရင်းမြစ်များ

Mathiu 11:21

Mɔnɛ ro mu Korasin! Mɔnɛ ro mu Bɛthsayda! kotȧy-e bepi mȧyɔs mǝkabanɛ ama a po yɔ kǝtɔŋ ka nu-e, a yɔ ma naŋ ro Tair dɛ yi ro Sidon-e, aŋ tǝ po naŋ thupi ɔwoni rǝ kotha kǝnɛthɛ dɛ yi rǝ ros.

Mȧyɔs ma aŋsom 12:20

Ka pə bansȧnɛ Hɛrɔdȧŋ ta ŋaŋ aŋa yi ro Tair yi ro Sidon, kɛrɛ aŋ der ro ŋɔŋ rə ȧmerȧ ŋin; ɔwa ma aŋ po səki Blastɔs, ȧŋbɔy ŋa ɔbȧy, uyathki ka ŋaŋ-e, aŋ thola məthɔfəl, pəkasifɛ ȧŋthɔf ŋaŋ aŋ sɔthɔ yɛt ɛdi kəwur ka ȧŋthɔf ŋa ɔbȧy.

Mȧyɔs ma aŋsom 24:23

kɔ yamari ukaptin kȧmȧ ɔ bɛnɛ Pɔlȧŋ, ɔwa kȧmȧ ɔ yosi kɔ ɔthan, ɔwa kȧmȧ ɔ te bɛnt aŋyathki ŋɔŋ tə kəyɔna kɔ.

Mȧyɔs ma aŋsom 27:1

Ɔwa ma a po botəs ti kəpa sə tə bȧkȧ tə kəkɔ ro Itali, a lȧnki Pɔlȧŋ yi antɛndɛbira alɔm ka ukaptin, ȧŋes ŋɔŋ ŋə yi Yuliɔs, ka akobali ka Akɔstɔs.

Mȧyɔs ma aŋsom 27:43

Kɛrɛ ma ɔkurgba ɔkaptin ɔ yema kisis Pɔl-əŋ-e, ɔ bɛnt ŋa tə kəyɔ ȧtȧ aŋ nanɛ, kɔ yamari kəpa ŋaŋ aŋa gbəli ŋandəŋ aŋ mɔtha fithanɛ ro baŋ kȧmȧ aŋ mɔtha bek ro gbaŋ;

Mȧyɔs ma aŋsom 28:16

Ɔwa ma sə bek ro Rom-e, a ter Pɔlȧŋ kȧmȧ ɔ yirȧ thɔkɔŋ, ɔwa utim ukin ɔ bumər kɔ.