Mȧyɔs ma aŋsom 26:16 - Ȧŋlemrȧnɛ Ȧfu

¹⁶ Kɛrɛ yokanɛ, mə təmȧ ka ȧtȧtək ta mu, kotȧy-e i tɔrinɛ ro rɔmu ta ȧŋsabu aŋe kȧmȧ i səki mu ȧbɔy yi aseri ta mȧtȧy ama mə po nənk ro rɔmi, yi ta mȧtȧy ame i ba kǝ tɔrinɛ ro rɔmu.

Mȧyɔs ma aŋsom 26:16 ပူးပေါင်းရင်းမြစ်များ

Luk 1:2

hali mɔ mə aŋ po laŋklia ma ro rɔsu, ŋaŋ gbeŋ aŋa nəŋka ti rəfɔr kȧbi ka katəp aŋa yi aŋsom ŋa ȧrim.

Mȧyɔs ma aŋsom 1:17

kotȧy-e a lɔmanɛ kɔ yi saŋ, kɔ sɔthɔ ȧŋni ŋɔŋ ka mapanth ame.

Mȧyɔs ma aŋsom 1:25

tə kəgbasi matəma ka mapanth ame yi aŋsom aŋa Yudasȧŋ ɔ thamrɔ kȧmȧ ɔ kɔnɛ ka ɔdɛr wɔŋ.

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

Mȧyɔs ma aŋsom 21:19

Ɔwa ma Pɔlȧŋ ɔ po kori ŋa-e, ɔ təp ka ɔtəpɛr tə kəlɔma ŋa ȧtȧ Kurɔŋ ɔ po yɔ kətɔŋ ka tȧbona təlɔm ka mȧta mɔŋ.

Mȧyɔs ma aŋsom 22:10

Ka i pa, To mə i yɔ-e, Pa? Ka ɔMarki ɔ pa ro rɔmi, Yokanɛ, mə wɔŋ ro Damaskɔs, ɔwa rə mə a tɔri mu mȧtȧy bɛ ama a botȧ mu tə kəyɔ.

Mȧyɔs ma aŋsom 23:11

Ɔwa ka rȧtȧtȧk rəlɔm ɔMarki ɔ təmȧ kɔ rayɛr, ɔ pa, Bȧk kəbuth, ȧtesoma-e mɔ mȧ mə po seri ta ȧtȧ mi ro Yerusalɛm-e, ya mə ba sɔ tə kəseri ro Rom.

Mȧyɔs ma aŋsom 26:15

Ka i pa, Pa, mun kanɛ-e? Ka ɔMarki ɔ pa, Minɛ yi Yisɔs ɔwe mȧ mə sɔmpa.

Mȧyɔs ma aŋsom 6:4

Kɛrɛ saŋ sə tə bȧsər ka təramnɛ yi ka kətɔri mapa ma Kuru.

AŋRomans 1:5

Ka ɔwe sə po sɔthɔ aboŋa yi mapanth ma ɔsom tə kəyɔ afəm ŋa tȧbona bɛ aŋ sanɛ rə kəlanɛ salata ȧŋes ŋɔŋ.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

2 AŋKɔrenth 4:1

Tiyȧŋ ma pə yi ti-e, sə ba kabȧtho ake, mɔ mə sə po thɔŋ sɔthɔ ȧney-e, sə thamrɔ hɛ;

2 AŋKɔrenth 5:18

Ɔwa mȧtȧy ame bɛ mə wur ka Kuru ɔwe yɔ su sə kȧl manɛ yi kɔn asabu ŋa Krayst, kɔ po sɔŋ su kəyɔna ka kakal manɛ kati;

AŋKȧletia 1:12

Ȧtesoma-e i sɔthɔ hɛ ki kəwur ka wuni, thalɔm wuni thahɔ thəksa mi ki-e, kɛrɛ Yisɔs Krayst kɔnɔ ŋaibi ki do rɔmi.

AŋKȧletia 2:2

Ɔwa i kɔnɛ mɔ Kuru ɔ ŋaybi mi mȧselɔ mɔŋ, ka i tɔri mapa məfinɔ ma Kuru ama i bɔ kəwandi kətɔŋ ka tȧbona təlɔm, kɛrɛ i lɔma aŋbȧki rə ȧmȧnknɛ, ta thani thɛpɛnɛ i bɔ gbukɛ thalɔm i la gbukɛ kətiŋ.

AŋƐfisɔs 3:3

tə kəyi a ŋaybi ti do rɔmi kȧmȧ i sɔthnɛ aŋgbundu, mɔ mə i po thɔŋ gbal rə sim təthan,

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:25

Di kati a səki mi usom kətȧŋȧnɛ ka aŋgbɛthɛŋ aŋa Kuru ɔ maŋkər mi ta ȧtȧ nu, tə kətɔri ɔlasər wa ȧrim ra Kuru Məsaba;

AŋKɔlɔsi 1:7

mɔ mȧ nə po thəkəs ka Ɛpafras, ȧbɔy ukos a su ubɔthər. Kɔnɔ yi uyɔ məpanth ubɔthi lanɛ ka ɔMarki ta ȧtȧ su.

1 AŋThɛsȧlonika 3:2

kȧmȧ i som Timɔthi, ɔwɔnt su yi usom ka Kuru ka mapanth ma ȧkɛra kəfinɔ ka Kraystȧŋ; tə kəbaksər nu, yi tə kəbɛfəth nu salata kȧlanɛ ka nu.

1 Timɔthi 1:12

Ɔwa i mɔmɔ Yisɔs Krayst ɔMarki kȧsu ɔwe bȧksər mi, pəkasifɛ ɔ nənk mi ubɔthi lanɛ, yi ubeki, kɔ wɔŋȧ mi ka mapanth mɔŋ;

1 Timɔthi 4:6

Bepi mə tɔri mȧtȧy ame ka aŋwɔnt-e, mə tə yi ȧbɔy ŋa Yisɔs Krayst ubɔthi lanɛ, urusəm ka ȧsim ta kȧlanɛ yi ka mathəksa ma ȧkɛra kəfinɔ ȧke mə poŋ thɔŋ wop.

2 Timɔthi 4:5

Kɛrɛ munɔ mə yi tə kəbum ka tȧy o tȧy, ɔwa muyu ɛsɔmpanɛ, yɔ mapanth ma ukawandi, sɔŋ məseri məfinɔ salata mapanth ma mu.