Mȧyɔs ma aŋsom 25:25 - Ȧŋlemrȧnɛ Ȧfu

²⁵ Kɛrɛ i po fir kəpa ɔ yɔ hɛ tȧy o tȧy ȧtȧ bek tə kədif kɔ. Ɔwa ma kɔn kɔnɔnɛ ɔ lȧnki ȧŋpa ŋɔŋ ka Sisar-e, i botəs tə kəsomra kɔ.

Mȧyɔs ma aŋsom 25:25 ပူးပေါင်းရင်းမြစ်များ

Luk 23:14

kɔ pa ro ŋaŋ, Nə po kȧrȧ mi ɔlaŋgba ɔwe mɔ wuni ɔwe yɛthəs aŋfəm; ɔwa kəla, ma i gbɛŋgbɛŋ kɔ rodi ka nu-e, i fir hɛ ro rɔŋɔŋ mȧtȧy məwunɔŋ ama nə gbanthir kɔ.

Luk 23:4

Paylet ɔ pa ka aŋfode abana yi ka aŋfəm, I fir hɛ athɛkɛ ka ɔlaŋgba ɔwe.

Yɔn 18:38

Payletȧŋ ɔ pa, Ko yi tateŋ-e? Ma Payletȧŋ ɔ po pa ȧte, ɔ kȧl wur ka aŋYuda, ɔ pa ro ŋaŋ, I tha fir hɛ tȧy o tȧy tələs ro ŋɔŋ.

Mȧyɔs ma aŋsom 23:29

ka i fir kəpa a gbanthir kɔ ta ɛpa ya ȧŋthɔ ŋaŋ, kɛrɛ a reŋ hɛ kɔ tȧy ȧtȧ mə yi təbeki tə kədif thalɔm tə kətand kɔ.

Mȧyɔs ma aŋsom 23:9

Ka ɛsɔnkɔ ɛbana ɛ yokanɛ. Aŋkarmɔkɔ ka ȧŋgbȧp ŋa aŋFarisi aŋ yokanɛ, aŋ gbal aŋ pa, Sə ba hɛ tȧy tələs ka ɔwuni ɔwe. Bepi sɔthlɔm ayina, thalɔm wurɔ ɔ po fɔfȧnɛ kɔ-e, tə ba tai-i?

Mȧyɔs ma aŋsom 25:26

Ta atɔŋ i ba hɛ tȧy ta təteŋ tə kəgbalər ɔmarki kȧmi. Tiyȧŋ i kȧrȧ kɔ rodi ka nu, pə tha gbethi munɔ ɔbȧy Akripa, kȧmȧ bepi mə gbɛŋgbɛŋ kɔ-e, i gbəli ba tȧy tə kəgbal.

Mȧyɔs ma aŋsom 26:31

Ɔwa maŋ wur-e aŋ fɔfȧnɛ aŋ pa, Ɔlaŋgba ɔwe ɔ yɔ hɛ tȧy o tȧy ȧtȧ bek tə kədif kɔ thalɔm tə kətand kɔ.

Mȧyɔs ma aŋsom 27:1

Ɔwa ma a po botəs ti kəpa sə tə bȧkȧ tə kəkɔ ro Itali, a lȧnki Pɔlȧŋ yi antɛndɛbira alɔm ka ukaptin, ȧŋes ŋɔŋ ŋə yi Yuliɔs, ka akobali ka Akɔstɔs.

Mȧyɔs ma aŋsom 28:18

Maŋ po mi gbɛŋgbɛŋ-e, aŋ tə ter mi naŋ kotȧy-e aŋ fir hɛ tȧy o tȧy ȧtȧ yi təbeki tə kədif mi.