Mȧyɔs ma aŋsom 24:5 - Ȧŋlemrȧnɛ Ȧfu

⁵ kotȧy-e sə po fir ɔlaŋgba ɔwe kəyi wuni ləs, ɔwa ɔ fak ɛtotok kətɔŋ ka aŋYuda bɛ ka ȧdȧru, ɔ yi sɔ ubaki ka kagbanth ka aŋNasarɛth.

Mȧyɔs ma aŋsom 24:5 ပူးပေါင်းရင်းမြစ်များ

Mathiu 10:25

Ɔbeki ta ɔkarande tǝ kǝyi mɔ ɔkarmɔkɔ kɔŋ, dɛ yi ȧŋbɔy mɔ ɔmarki kɔŋ. Bepi a po bont ɔmarki kɔŋ, dɛ yi ȧŋbɔy mɔ ɔmarki kɔŋ. Bepi a po bont ɔmarki ka ȧŋseth Biyɛlsibɔb-e, pǝ tha gbethi ŋaŋ aŋa yi ka kabɔr kɔŋ.

Mathiu 2:23

kɔ der, ɔ yirȧ ka kȧpet ȧke ma tela Nasarɛth; kȧmȧ ȧrim ra ɔnȧbi rǝ lasǝr ara pa, A ba kǝbont kɔ uNasarɛth.

Mark 1:24

Ɔ woŋa, ɔ pa, Tey su, ko sə ba yi munɔŋ-a, munɔ Yisɔs ɔwe ro Nasarɛth-e? Mə der tə kədim su-i? I tȧrȧ ɔwe mə yi-e, ɔSəm ka Kuru.

Luk 23:19

(ɔwe a bot ka ȧŋseth ŋa tərəŋka ta kafak atotok ka kȧpet, dɛ yi ta kadif wuni kəsias).

Luk 23:2

kaŋ təp kəgbanthir kɔ, aŋ pa, Sə bəp ɔwuni ɔwe ɔ yɛthəs ȧŋbona a su, ɔwa ɔ bɛnt aŋfəm tə kəsɔŋ ɛfȧk ka Sisar, kɔ pa kɔn kɔnɔnɛ ɔ yi ɔKrayst ɔbȧy.

Luk 23:25

kɔ ter kɔnɔ ɔwe a bot ka ȧŋseth ŋa tərəŋka salata kafak atotok yi kadif wuni kəsias, ɔwe aŋ yema; kɛrɛ ɔ lȧnki Yisɔs ka mayema maŋ.

Luk 23:5

Kɛrɛ aŋ bȧsər gbanthir kɔ aŋ pa, Ɔ thayos aŋfəm mɔ mɔ thəksa ro Yudia bɛ, kətəp ro Kalili haŋ ka ɔdɛr ɔwe.

Mȧyɔs ma aŋsom 15:5

Kɛrɛ aŋlɔm ka kagbanth ka aŋFarisi aŋa lanɛ aŋ yokanɛ aŋ pa, A yi tə kəbirons ŋa, dɛ yi tə kəyamari ŋa tə kəwop ȧŋthɔ ŋa Mosis.

Mȧyɔs ma aŋsom 21:28

Alaŋgba ŋa ro Isrɛl, mar nu. Ɔlaŋgba kɔnɔ ɔwe ɔwe mə thəksa aŋfəm bɛ dɛr o dɛr kəŋamnɛ aŋfəm, yi ȧŋthɔ yi ɔdɛr ɔwe. Ma pə thas ri-e, ɔ wɔŋȧ sɔ aŋKrik ka ȧŋseth ŋa Kuru, kɔ nɔkɔs ɔdɛr ɔsəm ɔwe.

Mȧyɔs ma aŋsom 22:22

Ɔwa aŋ sua kɔ ɛləns haŋ ka ȧrim are, kaŋ ŋata ȧsim taŋ, aŋ pa, Ta a tɔŋa ɔwuni wunɔŋ ka ȧdȧru. Pə mar hɛ ɔ ŋesəm.

Mȧyɔs ma aŋsom 24:14

Kɛrɛ ȧte, tȧ mɛ gbithanɛ ro mu, kəpa kətaŋ ka aRoŋ ara ŋaŋ aŋ tela kəgbanth, ya minɛ i bȧtho ɔKuru ka aŋkas a su, ka i lanɛ mȧtȧy bɛ ama a gbal ka ȧŋthɔ dɛ yi ka Aŋnȧbi.

Mȧyɔs ma aŋsom 24:4

Kɛrɛ kȧmȧ i te sɔmpa mu, i nɛmthɛnɛ mu ka kȧmuyu ka mu tə kəsua su ɛləns rə təpa təthan gbo.

Mȧyɔs ma aŋsom 25:7

Ma ɔ der-e, aŋYuda aŋa wur ro Yerusalɛm aŋ təmȧ aŋ gbətɔ kɔ, aŋ gbanthir kɔ yi mȧtȧy mələs məgbathi ama aŋ te gbəli bȧksər.

Mȧyɔs ma aŋsom 26:5

Maŋ tȧrȧ mi kȧbi ka katəp-e, bepi aŋ selɔ tə kəseri ti-e, kəpa i yi uFarisi, i taŋanɛ kagbanth ȧke tha lomp ka andina a su.

Mȧyɔs ma aŋsom 28:22

Kɛrɛ sə yema təlȧ ȧte mə nanɛ-e, kotȧy-e sə tȧrȧ kəpa a fɔf ɔləs ta kagbanth ake dɛr o dɛr.

Mȧyɔs ma aŋsom 5:17

Ka ɔfode ubana ɔ yokanɛ yi ŋaŋ bɛ aŋa yi yi kɔnɔŋ-e, (aŋa yi ka kagbanth ka aŋSadusi), aŋ la kətut,

Mȧyɔs ma aŋsom 6:13

kaŋ təmər məseri ayem aŋa pa, Ɔlaŋgba ɔwe ɔ tey hɛ kəfɔf sim tələs ta ɔdɛr ɔsəm ɔwe yi ta ȧŋthɔ;

1 AŋKɔrenth 11:19

kotȧy-e təgbanth tə ba tə kəyi kətɔŋ ka nu, kȧmȧ a tȧrȧ ŋa gbəraŋ aŋa a po mɛmər kətɔŋ ka nu.

1 AŋKɔrenth 4:13

ma a fofiya su-e, sə nɛmthɛnɛ; a nənk su mɔ ranɔkɔ ra ȧdȧru-e pə yi mɔ ɛka ya amuruŋ haŋ thonɔŋ.

1 Pitar 2:19

kotȧy-e tȧy təkolo tȧŋ bepi wuni ɔ muyu ka kəthalər ȧke te ba asabu ta salata Kuru Məsaba.