Mȧyɔs ma aŋsom 21:40 - Ȧŋlemrȧnɛ Ȧfu

⁴⁰ Ɔwa ma ɔ po selɔ-e, Pɔlȧŋ ɔ təmȧ ka ɔgbepər, ɔ tak takər aŋfəm kəta. Maŋ po taŋk-e, ɔ fɔfȧnɛ ŋa ka akənt ka kaHibru, ɔ pa ye,

Mȧyɔs ma aŋsom 21:40 ပူးပေါင်းရင်းမြစ်များ

Luk 23:38

Ɔwa a gbak məgbal rokɔm kɔŋ kəpa, ƆWE Ɔ YI ƆBȦY KA AŊYUDA.

Yɔn 19:13

Tiyȧŋ ma Payletȧŋ ɔ təl ȧsim ȧte-e, ɔ wurɔ Yisɔs rokaŋ, ɔ yirȧ ka kawaŋ ka kəgbək ɛpa, ka ɔdɛr ro a bont ȧŋPefmɛnt, kɛrɛ ka kaHibru a bont Kabatha.

Yɔn 19:17

kɔ wur, ɔ gbanɛ akənt kɔŋ kəpəŋkinɛ kəkɔ ka ɔdɛr ro a bont, Ɔdɛr wa Kəgbɛŋkət, ro a bont ka kaHibru, Kɔlkɔtha:

Yɔn 19:20

AŋYuda agbȧthi aŋ karaŋ mȧgbal ame: kotȧy-e, ɔdɛr ro a tȧŋ Yisɔs ka akənt kəpəŋkinɛ ɔ yi ɔfati ro pet: ɔwa a gbal ma ka kaHibru, kaRom, yi kaKrik.

Yɔn 5:2

Ɔwa abunth aŋ yi ro Yerusalɛm aŋa mə a bont Bɛthɛsda ka kaHibru, aŋ ba ɛgbənthəŋ tamath. Ambunth aŋe aŋ fȧtȧnɛ ka ɔdɛr ro ma thila təlɔmɛ.

Mȧyɔs ma aŋsom 1:19

Ka aŋfəm bɛ aŋa yi ro Yerusalɛm aŋ tȧrȧ ti haŋ a bont ɔdɛr wati ka akənt ka ŋaŋ, Ro Akɛldama, ŋə yi kəpa, Akɔr ka Mətir).

Mȧyɔs ma aŋsom 12:17

Kɛrɛ ɔ mɛthmɛth ŋa kȧmȧ aŋ taŋk, kɔ kanɛ ŋa to ɔMarki ɔ wurɔ kɔ ka ȧŋseth ŋa tərəŋka. Kɔ kanɛ ŋa tə kətɔri mȧtȧy ame ka Yeməs yi ka aŋwɔnt. Kɔ wur, ɔ kɔnɛ dɛr ɔlɔm.

Mȧyɔs ma aŋsom 13:16

Ka Pɔlȧŋ ɔ yokanɛ, ɔ mɛthmɛth ŋa, ɔ pa, Afəm aruni ŋa Isrɛl, yi naŋ aŋa nesa Kuru, sua nu ɛləns.

Mȧyɔs ma aŋsom 19:33

kaŋ wurɔ Alɛksandər kətɔŋ ka ȧruniya, ka aŋYuda aŋ təmər kɔ kədi. Ka Alɛksandər ɔ ŋata kȧta kɔŋ kȧmȧ aŋ taŋk kȧmȧ ɔ fɔfȧnɛ aŋfəm.

Mȧyɔs ma aŋsom 21:35

Ma ɔ bek ka ɔgbepər-e, antim aŋ kɛkər kɔ salata rabaŋ ra aŋfəm,

Mȧyɔs ma aŋsom 22:2

Ɔwa maŋ təl kəpa ɔ fɔfȧnɛ ŋa ka kaHibru-e, aŋ taŋk. Kɔ pa,

Mȧyɔs ma aŋsom 26:14

Ma saŋ bɛ sə po fumpɔ ro thɔf-e, i təlȧ rim rə pa ro rɔmi ka akənt ka kaHibru, Sɔl, Sɔl, kɔyɛŋ mȧ mə sɔmpa mi-e? Ɔ tuy tȧy tə kətuŋ akatək ka mu rə təbaŋk.

Mȧyɔs ma aŋsom 6:1

Ɔwa ka marey mati, ma aŋyirka ŋa aŋkarande aŋ bȧrnɛ-e, aŋYuda aŋa a kom ro Kris aŋ fɔfəthanɛ salata aŋHibru, pəkasifɛ a pəl ȧŋbora ŋaŋ ka mapanth ma kəyerəs ȧrey o rei.

Kȧŋȧibinɛ 16:16

kaŋ thoŋkla ŋa ka ɔdɛr ma tela ka kəHibru, Amakɛdɔn.

Kȧŋȧibinɛ 9:11

Ɛlama aŋe aŋ ba ubȧy ɔwe yi mɔ-e ɔmaleka ka ȧŋbi aŋa te ba ɔthalnɛ, ɔwa ȧŋes ŋɔŋ ka kəHibru aŋ yi Abadɔn, kɛrɛ ka kəKrik a tela kɔ Apɔliyɔn.