Mȧyɔs ma aŋsom 21:27 - Ȧŋlemrȧnɛ Ȧfu

²⁷ Ɔwa ma marey tȧmthədɛrəŋ mə yema poŋ-e, aŋYuda aŋa wur ro Asia, maŋ nənk kɔ ka ȧŋseth ŋa Kuru-e, aŋ pər ȧruniya bɛ, kaŋ wop kɔ, aŋ ŋata sim aŋ pa,

Mȧyɔs ma aŋsom 21:27 ပူးပေါင်းရင်းမြစ်များ

Luk 21:12

Kɛrɛ yeŋka mȧtȧy ame bɛ mə yi, aŋ tə wop nu, aŋ tə sɔmpa nu, aŋ tə lȧnki nu ka ɛseth ɛgbanɛ yi ka ɛseth ɛtərənka, aŋ tə kȧrȧ nu rodi ka aŋbȧy yi aŋgbəka salata ȧŋes a mi.

Mȧyɔs ma aŋsom 13:50

Kɛrɛ aŋYuda aŋ pər aŋfəm abom abȧtho-e aŋa ba yiki, yi aŋfəm aruni abana ŋa kȧpet, kaŋ fak asɔmpa abana tə kəŋamnɛ Pɔl yi Banabasȧŋ, kaŋ bȧl ŋa kəwur ka ȧŋgbȧp ŋaŋ.

Mȧyɔs ma aŋsom 14:19

Kɛrɛ aŋYuda alɔm aŋ der kəwur ro Antiɔk yi ro Ikoniɔm; ɔwa maŋ po pər aŋfəm-e, aŋ ləməs Pɔlȧŋ məsar, kaŋ liŋ kɔ aŋ wurɔ kɔ ro pet, aŋ nanɛ kəpa ɔ po fi.

Mȧyɔs ma aŋsom 14:2

Kɛrɛ aŋYuda aŋa te lanɛ aŋ pər ɛmerȧ ya tȧbona təlɔm, kaŋ ləsər ɛmerȧ yaŋ ta aŋwɔnt.

Mȧyɔs ma aŋsom 14:5

Ɔwa ma tȧbona təlɔm yi aŋYuda yi aŋgbəka ŋaŋ aŋ ba ȧmerȧ ŋin tə kəyɔ ŋa ɔləs-e, dɛ yi tə kələməs ŋa məsar-e,

Mȧyɔs ma aŋsom 16:6

Ɔwa maŋ po gbəkinɛ ro Frikia yi ro Kaletia-e, ɔYina məsəm ɔ bɛnt ŋa kətɔri ȧrim ro Asia.

Mȧyɔs ma aŋsom 17:13

Kɛrɛ ma aŋYuda ro Thɛsalonika aŋ təl kəpa Pɔlȧŋ ɔ taməs sɔ ȧrim ra Kuru ro Beriya-e, aŋ der ri sɔ kaŋ pər aŋfəm.

Mȧyɔs ma aŋsom 18:12

Ma Kalio ɔ yi ɔgbəka ka ro Akaya, aŋYuda aŋ tura Pɔlȧŋ rə ȧmerȧ ŋin, ka a kȧrȧ kɔ ro bare,

Mȧyɔs ma aŋsom 2:9

Aparthian-o, aMid-o, aƐlamayt-o, yi aŋa yirȧ ro Mɛsapotemiya, ro Yudiya-o, ro Kapadosiya-o, ro Pɔntɔs-o, yi ro Esiya-o,

Mȧyɔs ma aŋsom 20:19

ma i bȧtho ɔMarki yi ȧmerȧ athoranɛ, yi mantər məgbathi, yi ȧŋsɔmpanɛŋ aŋa ɛyaŋfa ya aŋYuda ɛ kȧrȧ mi;

Mȧyɔs ma aŋsom 24:11

kȧmȧ mə tȧrȧ kəpa pə thas hɛ mərey tɔfɔt mȧrəŋ ma i kɔ ro Yerusalɛm tə kəbatho.

Mȧyɔs ma aŋsom 24:18

Katɔŋ ka ɛye aŋ bəp mi ufethər ka ȧŋseth ŋa Kuru, pə yi hɛ yi runiya, thalɔm yi atotok. Kɛrɛ aYuda alɔm aŋ yi ri kəwur ro Asia,

Mȧyɔs ma aŋsom 26:21

Ta ȧte aŋYuda aŋ wop mi ka ȧŋseth ŋa Kuru, kaŋ tȧŋ tə kədif mi.

Mȧyɔs ma aŋsom 4:3

kaŋ wop ŋa mȧwop ma rȧbȧy haŋ pə sɔk, pəkasifɛ ȧŋsum aŋ po thɔŋ wɔŋ.

Mȧyɔs ma aŋsom 5:18

kaŋ wop aŋsom, aŋ bot ŋa ka ȧŋseth ŋa tərəŋka ro a bɛnɛ aŋlɔm.

Mȧyɔs ma aŋsom 6:12

kaŋ pər aŋfəm yi aŋbȧki, yi aŋkarmɔkɔ, kaŋ lɛsa kɔ, aŋ kera kɔ ka aŋSanhedrin,

Mȧyɔs ma aŋsom 6:9

Kɛrɛ afəm alɔm aŋa yi ka ȧŋseth agbanɛ ŋa aŋLibertin, yi alɔm ro Sirini, yi ro Alɛksandri, yi ro Silisia, yi ro Esiya, aŋ thoŋka yi Stifɛnȧŋ.

2 AŋKɔrenth 11:26

i yi ka ɛbiyas alɔkɔ bɛ, ka mȧsibo ma mȧnt, ka mȧsibo ma amurthɛ, ka mȧsibo kəwur ka ȧŋbona a mi, ka mȧsibo kəwur ka aŋkafri, ka mȧsibo ka kȧpet, ka mȧsibo ro wula, ka mȧsibo ro baŋ, ka mȧsibo kətɔŋ ka awɔnt ayem;

1 AŋThɛsȧlonika 2:16

Aŋ yema bɛnt su kəfɔfanɛ təbona təlɔm kȧmȧ aŋ gbəli kisi. Yaŋ aŋ lasər maləs maŋ; kɛrɛ rabaŋ ra Kuru rə fumpər ŋa selbentheŋ.