Mȧyɔs ma aŋsom 20:7 - Ȧŋlemrȧnɛ Ȧfu

⁷ Ka ȧŋrey ȧtɔtɔkɔ ŋa ȧŋyik, ma sə gbanɛ dɛr rɔkin tə kəsiməth kəbo-e, Pɔlȧŋ ɔ fɔfȧnɛ ŋa, kɔ botəs tə kəkɔnɛ ka ninaŋ, ɔ kȧl bȧsər fɔfȧnɛ ŋa haŋ kəren datɔŋ.

Mȧyɔs ma aŋsom 20:7 ပူးပေါင်းရင်းမြစ်များ

Mark 16:9

Ma Yisɔsȧŋ ɔ bɔra yokanɛ ka ȧŋrey ȧtɔtɔkɔ ŋa aŋyik-e, ɔ mɔtha tɔrinɛ ka Meri ɔwe ro Makdala, ka ɔwe ɔ wurɔ akərəfi tȧmthədɛrəŋ.

Luk 22:19

kɔ gbasi kabo, ɔwa ma ɔ po muti məmə-e, ɔ sim ki, ɔ sɔŋ ŋa, kɔ pa, Ake kə yi aŋdɛr a mi aŋa a sɔŋ ta ȧtȧ nu. Yɔ ȧte rə kənanɛ mi.

Luk 24:35

kaŋ kanɛ ŋa mȧtȧy ama yɔnɛ ro roŋ, ɔwa to aŋ peski kɔ-e ka kasiməth kabo.

Yɔn 20:1

Ka ȧŋrey ȧtɔtɔkɔ ŋa ȧŋyik Meri ɔwe ro Makdala ɔ der ka kȧboma pə re sɔk, ɔ nənk kəpa a tɔŋa aŋsar ka kȧboma.

Yɔn 20:19

Ɔwa ma rȧfɔy rə bek ka ȧŋrey ŋati, ȧŋrey ȧtɔtɔkɔ ŋa aŋyik-e, aŋkarande aŋ po tȧŋ tadare ro aŋ yi ta ranes ra aŋYuda. Ka Yisɔsȧŋ ɔ der ɔ təmȧ kətɔŋ ka ŋaŋ, ɔ pa ro ŋaŋ, Ta məthɔfəl mə yi ro nu.

Yɔn 20:26

Kədarəŋ ka mərey tamthərɛsas-e aŋkarande aŋ kȧl sɔ yi ka ȧŋseth, ɔwa Thɔmɔsȧŋ ɔ yi yi ŋaŋ: ka Yisɔsȧŋ ɔ der, hali ma tadare tə yi tətaŋ, ɔ təmȧ ŋa kətɔŋ, ɔ pa, Ta məthɔfəl mə yi ro nu.

Mȧyɔs ma aŋsom 16:10

Ma ɔ po nənk manəŋk ame-e, ka ɔlɛmp wati sə thɛns roŋ tə kəkɔ ro Masidonya-e, ma sə lanɛ yathi kəpa ɔMarki ɔ tela su tə kətɔri ȧkɛra kəfinɔ ro rɔŋaŋ.

Mȧyɔs ma aŋsom 2:42

kaŋ bȧsər bȧkər ka mȧtȧy məthəksa ma aŋsom, yi məmanɛ, yi ka kasiməth təbo, yi ka təramnɛ.

Mȧyɔs ma aŋsom 2:46

kaŋ bȧsər kəyi ka ȧŋseth ŋa Kuru rə ȧmerȧ ŋin ȧrey o rey, aŋ siməth təbo ka ɛseth yaŋ, ɔwa aŋ di yi məbɔnɛ yi rə ȧmerȧ ȧferȧ,

Mȧyɔs ma aŋsom 20:11

Ɔwa ma ɔ kȧl gbep-e, ɔ siməth kabo, ɔ di, ɔwa ɔ kȧl fɔfȧnɛ ŋa ɔwoni haŋ pə sɔk, kɔ kɔnɛ tɛn.

Mȧyɔs ma aŋsom 20:31

Tiyȧŋ bum nu, ɔwa kala nu ɛmerȧ kəpa gbɛs pali-əŋ, mɔlɔ ma təren təsas, i tey hɛ kəmaŋ wuni o wuni yi mantər.

Mȧyɔs ma aŋsom 20:5

Kɛrɛ aŋe aŋ təmȧ su kədi, aŋ bɔ kar su ro Troas.

Mȧyɔs ma aŋsom 20:9

Ulaŋgba ulɔm ɔwe ba ȧŋes ŋa Yutikɔs ɔ yirȧ ka aŋwinda, ka mərey mə bȧk kɔ, ɔwa ma Pɔl ɔ bȧsər gbo kəfɔf-e, mȧrey mə thasər kɔ, kɔ ranthəmɛ, ɔ fumpɔ ro thɔf kəwur ka andɛk aŋa bekȧ ɛsas, ka a gbasi kɔ ufi.

Mȧyɔs ma aŋsom 28:23

Ɔwa maŋ po botȧ kɔ arey-e, agbȧthi aŋ der ro ŋɔŋ kaŋ yiya ŋɔŋ. Kɔ yɛrkia ŋa ȧŋpa, ma ɔ seri ta rȧbȧy ra Kuru, kɔ thɔnthɔ ŋa ta Yisɔs ka ȧŋthɔ ŋa Mosis yi ka mȧgbal ma Aŋnȧbi, kətəp ka bəth haŋ rəfɔy.

1 AŋKɔrenth 10:16

Ampɔthi ŋa aruba aŋa sə ruba-e, aŋ yi hɛ kayeranɛ ka mȧtir ma Kraist-i? Kabo ȧke sə siməth-e, kə yi hɛ kayeranɛ ka ȧŋdɛr ŋa Kraist-i?

1 AŋKɔrenth 15:10

Kɛrɛ asabu ŋa ȧŋboŋa ŋa Kuru i yi ȧtȧ i yi; yi ȧŋboŋa ŋɔŋ aŋa ɔ sɔŋ mi aŋ yi hɛ kətiŋ, ka ɔpeskianɛ wati i bora kəyɔ məpanth məgbathi pəthasi ŋa bɛ; kɛrɛ min thahɔ, ȧŋboŋa ŋa Kuru aŋa yi yi minɛ, ŋiəŋ.

1 AŋKɔrenth 16:2

Ka ȧŋrey ȧtɔtɔkɔ ŋa ȧŋyik, ta wuni o wuni kətɔŋ ka nu ɔ bot rə kəbɛnɛ mɔ mə Kuru ɔ naŋfas kɔ, kȧmȧ ɛfȧk ɛ te yi ma i der.

2 Timɔthi 4:2

Taməs ȧrim ra Kuru. Bȧsər tɔri ri lɔkɔ o lɔkɔ. Ŋal ɔwa maŋ, ɔwa bȧksər rə kəmuyu kəte thamrɔ,

Kȧŋȧibinɛ 1:10

Ɔwa i po lasǝrnɛ ɔYina ka ȧŋrey ŋa ɔMarki, ka i təl rodarəŋ kȧmi rim rəbana mɔ kəthɛma,