Mȧyɔs ma aŋsom 20:28 - Ȧŋlemrȧnɛ Ȧfu

²⁸ Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

Mȧyɔs ma aŋsom 20:28 ပူးပေါင်းရင်းမြစ်များ

Mathiu 16:18

I kȧl sɔ pa ro rɔmu, Munɔ yi Pita, ɔwa rokɔm ka aŋgbalaŋ aŋe rǝ mǝ i tǝmǝr aŋchɔch a mi; ɔwa tadare ta ro kǝrǝfi tǝ ba hɛ kǝtham ŋi.

Mathiu 2:6

Munɔ Bɛthlihɛm, ka ȧŋthɔf ŋa Yuda, Mǝ yi hɛ ulɔl pǝthas aŋkərbomp ŋa aŋ Yuda; kotȧy-e ugbǝkȧ ɔ tǝwur ro mu Ɔwe mǝ yi ɔbumǝr ka aŋfǝm a mi aŋIsrɛl.

Mark 13:9

Kɛrɛ botnɛ nu rə ȧmerȧ, ȧtesoma-e a tə lȧnki nu ka ɛbare ya rəbȧy; a tə sapəth nu ka ɛseth ɛgbanɛ; a tə kȧrȧ nu rodi ka aŋbȧy salata mi, tə kəseri ro ŋaŋ ta ȧtȧ mi.

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

Luk 21:34

Botnɛ nu ɛmerȧ ɛ nu kȧmȧ amet, yi kətis, yi ɛsoli ya ȧdȧru are ɛ te yɔ ɛmerȧ ɛ nu ɛ fi, kȧmȧ ȧŋrey ŋati aŋ thorər nu kəthɛna mɔ məgbət.

Mȧyɔs ma aŋsom 13:2

Ɔwa mɔ mə aŋ bȧtho ɔMarki, aŋ kȧl wop asum, ɔYina məsəm ɔ pa, Gbaski Banabasȧŋ yi Sɔlȧŋ ta ȧtȧ mi ta mapanth ama i tela ŋa.

Mȧyɔs ma aŋsom 14:23

lƆwa maŋ po thithəsȧ ŋa abȧki rə ȧchɔch o chɔch-e, ɔwa maŋ po ramnɛ yi kəwop asum-e, aŋ maŋkər ŋa ka ɔMarki ka ɔwe aŋ po lanɛ.

Mȧyɔs ma aŋsom 20:17

Ɔwa kəwur ro Militɔs-e, ɔ som ro Ɛfisɔs tə kətela aŋbȧki ŋa aŋchɔch.

Mȧyɔs ma aŋsom 20:29

I tȧrȧ kəpa kədarəŋ ka kakɔnɛ kȧmi təthɔlu təbaŋ aŋ tə wɔŋ kətɔŋ ka nu, aŋa mə te ba ȧney ta akuthi.

AŋRomans 16:16

Korianɛ rə kəmuməlȧnɛ kəsəm. Ɛgbanɛ bɛ ya Krayst ɛ kori nu.

1 AŋKɔrenth 1:2

ka aŋfəm ŋa Kuru aŋa yi ro Kɔrinth, aŋa a səməs rokor ka Yisɔs Krayst, aŋa a muti tə kəyi asəm dɛ yi ŋaŋ bɛ dɛr o dɛr aŋa mə tela ka ȧŋes ŋa ɔMarki kȧsu Yisɔs Krayst, ɔwe yi ɔMarki ka ŋaŋ, dɛ yi ɔka su sɔ.

1 AŋKɔrenth 10:32

Te nu sɔŋ kəthɛn o kəthɛn, pə yi ka aŋYuda-o, thalɔm aŋKrik-o, thalɔm ka aŋchɔch.

1 AŋKɔrenth 11:22

Ko-e? Nə ba hɛ aseth ro nə gbəli di dɛ yi nə mun-i? Thalɔm nə farki ȧŋseth ŋa Kuru-i, ɔwa nə lapəs ŋaŋ aŋa te ba-i? To mɛ i gbəli pa do rɔnu-a? I gbəli kori kori nu ta ȧte-i? Sako, i yɔ hɛ yi.

1 AŋKɔrenth 15:9

Minɛ-aŋ i tha yi ulɔl bɛ ka aŋsom, ɔwa i bek hɛ a tela mi usom pəkasifɛ i la sɔmpa aŋchɔch.

1 AŋKɔrenth 6:20

kotȧy-e a po wai nu mɔlɔ məbaki. Tiyȧŋ yikis Kuru ka madɛr ma nu.

AŋKȧletia 1:13

kotȧy-e nə po təl ta mayi ma mi thəpaŋ ka andina ŋa aŋYuda, kəpa pəthas alɔm bɛ i sɔmpar aŋfəm ŋa Kuru tə kələsər ŋa;

AŋƐfisɔs 1:14

ɔwe yi masɛkɛ ma akɛŋ kȧsu, haŋ kabani kati kə gbenthis, kəkɔ ka kathɔkəs ka aŋyiki ŋɔŋ.

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋƐfisɔs 4:11

Ɔwa ɔ thith alɔm tə kəyi asom; alɔm tə kəyi anȧbi; alɔm sɔ mɔ akawandi; ɔwa ɔ thith alɔm tə kəyi akəlȧnɛ ŋa aŋchɔch dɛ yi akarmɔkɔ,

AŋFilipai 1:1

Pɔl yi Timɔthi-əŋ, ɛbɔy ya Yisɔs Krayst, ka aŋsəm bɛ aŋa yi ka Krayst Yisɔs ro Filipay, yi aŋgbəka dɛ yi aŋkəlia.

AŋKɔlɔsi 1:14

Do rɔŋɔŋ sɔ sə ba kəbani salata mȧtir mɔŋ, pə yi mɔ-e, katerɔ ka ɛhakɛ ɛ su;

AŋKɔlɔsi 4:17

Kanɛ Arkipɔs kȧmȧ ɔ bot ȧmerȧ tə kəlasər mapanth ama ɔ sɔthɔ ka ɔMarki.

1 Timɔthi 3:1

Mapa ame mə yi təteŋ, Bepi wuni ɔ fela yi ugbəka-e, ɔ fela məpanth məfinɔ.

1 Timɔthi 3:2

Ugbəka ɔ yi tə kəyi wuni paŋitȧy ka mayi mɔŋ, ɔwos ka urani ukin, uyɔ kəthɛgbɛ, utempi, ɔwe ba asɔŋ afinɔ, ɔwe bɔthər kəfantha atik-e, yi ɔwe gbəli thəksa.

1 Timɔthi 3:5

kotȧy-e bepi wuni ɔ tɛ hɛ tə kəgbəka ȧŋseth ŋɔŋ gbeŋ-e, to mɔ gbəli kəlianɛ aŋchɔch ŋa Kuru Məsaba-e?

1 Timɔthi 4:14

Te pənɛ ȧŋboya aŋa yi mu, ama mə poŋ sɔthɔ salata maseri ma Aŋnȧbi, ma aŋbȧki ŋa aŋchɔch aŋ reŋ mu mȧta maŋ.

1 Timɔthi 4:16

Bumnɛ mun munɔnɛ yi mathəksa ma mu; bȧsər ka mȧtȧy ame, kotȧy-e bepi mə yɔ ti, mə tə kisis aŋyɛthɛ mu, dɛ yi ŋaŋ aŋa mə təlȧ mu.

1 Timɔthi 5:17

Ta aŋbȧki aŋa yɔ mapanth maŋ finɔ aŋ sɔthɔ yiki mȧrəŋ mȧrəŋ, pə tha gbethi ŋaŋ aŋa mə kawandi yi aŋa mə thəksa,

Taytɔs 1:7

kotȧy-e ugbəka ka aŋchɔch-e, ta ɔ yi upaŋi tȧy mɔ ȧŋbɔy ŋa Kuru, ɔwa ɔ yi hɛ tə kəyi ubaki rəbomp thalɔm ulɛmp rə rəbaŋ-e, ta ɔ te bɔthər məber, thalɔm kətim thalɔm məfela məbaŋ ta akala.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 12:15

Kəli nu finɔ kȧmȧ wuni o wuni ɔ te bun ȧŋboŋa ŋa Kuru; ta thani rəka rəroŋkəth rə te lɔkɔ kətɔŋ ka nu-e, tə kəkɛthas nu, haŋ agbȧthi aŋ nɔkɔsnɛ.

AŋHibru 13:17

Wop nu ȧrim ra aŋkərbomp, ɔwa sanɛ ka aŋbȧki rokɔm ka nu; kotȧy-e aŋ bumər ɛŋesəm ɛ nu mɔ afəm aŋa ba kəsɔŋ akanɛ, kȧmȧ aŋ gbəli sɔŋ ŋi yi məbɔnɛ, pə yi hɛ yi ɔnɔsinɛ, kotȧy-e ȧte tə gbəli hɛ mar nu.

1 Pitar 2:25

Pəkasifɛ nə la yi mɔ təlɔmɛ təthayoŋ, kɛrɛ ka-ake nə kȧlanɛ thɔŋ ka ɔTɔl yi ka ɔGbəka ka rafəm ra nu.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.