Mȧyɔs ma aŋsom 2:30 - Ȧŋlemrȧnɛ Ȧfu

³⁰ Tiyȧŋ ma ɔ yi unabi, ɔwa ɔ tȧrȧ Kurɔŋ ɔ po gbiŋ ro rɔŋɔŋ kəpa, ka rȧkomra rɔŋ ɔ tə yis ukin ka kawaŋ ka rȧbȧy.

Mȧyɔs ma aŋsom 2:30 ပူးပေါင်းရင်းမြစ်များ

Mathiu 22:43

kɔ pa ro ŋaŋ, To som Debidȧŋ, ka aŋfɔsɔ ŋa ɔYina ɔ tela kɔ Mariki ma ɔ pa,

Mathiu 27:35

Maŋ po tȧŋ kɔ ka akǝnt kǝpǝnkinɛ-e, aŋ yeranɛ ȧsuma tɔŋ yi kǝfȧk tǝfȧnt, kȧmȧ ȧte ɔnȧbi ɔ pa tǝ lasǝr kǝpa, Aŋ yerȧnɛ ȧsuma ta mi, ɔwa ta kafɔl kȧmi aŋ fak tǝfant.

Mark 12:36

Debid kɔn kɔnɔnɛ ɔ pa ka ɔYina məsəm, ƆMariki ɔ pa ka ɔMarki kȧmi, Yirȧ ka kȧdiyɔ kȧmi Haŋ i səki aŋtheranɛ a mu agbeth ŋa ȧtȧtək ta mu.

Luk 24:44

kɔ pa ro rɔŋaŋ, Ȧsim ta mi ti ȧte, ȧte i la kanɛ nu ka ȧŋlɔkɔ aŋa i yi ras yi naŋȧŋ kəpa mȧtȧy bɛ mə ba tə kəlasər ama a gbal ta ȧtȧ mi ka aŋthɔ ŋa Mosis, yi ka aŋnabi, yi ka ȧŋSams.

Mȧyɔs ma aŋsom 1:16

Awɔnt mi, mȧgbal mə yi tə kəlasər ama ɔYina məsəm ka kȧsəŋ ka Debid ɔ fɔf ta Yudas, ɔwe yi ɔtəma kədi ta ŋaŋ aŋa bət Yisɔsȧŋ.

AŋRomans 1:3

salata ɔWan kɔŋ Yisɔs Krayst ɔMarki kȧsu, ɔwe yi ka rȧkomra ra Debid ka rawuni kəpet,

AŋRomans 15:12

Ka Aysaya sɔ ɔ pa, Anthəŋk ŋa Yɛsi aŋ tə yokanɛ tə kəgbəka tȧbona təlɔm, Ro rɔŋɔŋ tȧbona təlɔm mə aŋ gbak ɛmerȧ yaŋ.

2 Timɔthi 2:8

Te pənɛ kəpa Yisɔs Kraystȧŋ ka rȧkomra ra Debid, ɔ kȧl yokanɛ ka rȧfi mɔ ȧkɛra kəfinɔ ka Kuru kə pa ȧke i po tɔri mu.

AŋHibru 1:1

Kuru ɔ sa thəpaŋ fɔfȧnɛ aŋbemba a su ka Aŋnȧbi kətȧŋȧnɛ ka tȧpa təgbȧthi dɛ yi ka soŋ təgbanthɛ gbanthɛ,

AŋHibru 3:7

Tiyȧŋ ɔYina məsəm ɔ pa; Thonɔŋ bepi mə təlȧ ȧrim rɔŋ,

AŋHibru 4:7

kədarəŋ kati Kuru ɔ kȧl sɔ bont ȧrey alɔm, ma ɔ pa kətȧŋȧnɛ ka Debid, (mɔ mɔ poŋ thɔŋ pa ti thəpaŋ), Thonɔŋ, bepi nə təl ȧrim rɔŋ-e, Te gbolŋas ɛmerȧ ɛ nu.

AŋHibru 6:17

Tiyȧŋ ma Kuru ɔ yema tɔri ŋaŋ aŋa ba kəsɔthɔ aŋlahiri ŋɔŋ to mȧselɔ mɔŋ mə gbəli hɛ siŋkar-e, ɔ bȧksər ŋi yi agbiŋ,

AŋHibru 7:21

kotȧy-e ŋaŋ aŋa la yi afode thəpaŋ-e, aŋ gbasi matəma maŋ kəte ba agbiŋ, kɛrɛ ɔwe-e a bȧksər kɔ rə agbiŋ kəpa ye, ƆMariki ɔ poŋ gbiŋ, ɔwa ɔ siŋkar hɛ mabotəs mɔŋ, Munɔ mə yi ufode ta thȧnkȧŋ thəbana.

2 Pitar 1:21

kotȧy-e mȧgbal mə der hɛ thəpaŋ ka mȧselɔ ma wuni kəpet, kɛrɛ afəm aruni asəm ŋa Kuru aŋ gbal ȧtȧ ɔYina məsəm ɔ tɔri ŋa.

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.

Kȧŋȧibinɛ 19:16

Ɔwa ka ɛlopra yɔŋ dɛ yi ka aŋlənk ŋɔŋ a gbal ȧŋes aŋe, ƆBȦY KA AŊBȦY, YI ƆMARKI KA AŊMARKI.