Mȧyɔs ma aŋsom 2:23 - Ȧŋlemrȧnɛ Ȧfu

²³ Kɔnɔ a lȧnki tand ka mabotəs yi kȧtȧrȧ ka Kuru thəpaŋ, ɔwa naŋ-e, ka mȧta ma afəm ȧthȧnthonɛ, nə tȧŋ kɔ ka akənt kəpəŋkinɛ, nə dif kɔ.

Mȧyɔs ma aŋsom 2:23 ပူးပေါင်းရင်းမြစ်များ

Mathiu 20:19

Aŋ tǝ lȧnki kɔ ka tȧbona tǝlɔm kȧmȧ aŋ sel kɔ, ɔwa aŋ tǝ sap kɔ, aŋ tǝ tȧŋ kɔ ka kǝnt kǝpǝŋkinɛ. Ɔwa ka ȧŋrey aŋa bekȧ mǝsas-e, ɔ tǝ yokanɛ.

Mathiu 26:24

ƆWan ka wuni ɔ kɔ mɔ mǝ a gbal ta atɔŋ, kɛrɛ mɔnɛ ka ɔwuni kati ɔwe mǝ sɔnd ɔWan ka wuni. Pǝ tǝ yi ɔfinɔ naŋ ta ɔwuni kati bepi a kom hɛ kɔ naŋ.

Mathiu 27:35

Maŋ po tȧŋ kɔ ka akǝnt kǝpǝnkinɛ-e, aŋ yeranɛ ȧsuma tɔŋ yi kǝfȧk tǝfȧnt, kȧmȧ ȧte ɔnȧbi ɔ pa tǝ lasǝr kǝpa, Aŋ yerȧnɛ ȧsuma ta mi, ɔwa ta kafɔl kȧmi aŋ fak tǝfant.

Mark 15:24

Maŋ po tȧŋ kɔ ka akənt kəpəŋkinɛ-e, aŋ yeranɛ ȧsuma tɔŋ, aŋ fak məthəŋ ta ti, tə kətara ara wuni o wuni mɔ ba.

Luk 22:22

Tɛntɛnɛ ɔWan ka wuni ɔ kɔnɛ mɔ mə a po gbək ti, kɛrɛ mɔnɛ ka ɔwuni kati ɔwe mə sɔnd kɔ!

Luk 22:37

kotȧy-e i kanɛ nu kəpa, ȧte ȧtȧ a gbal-e, a ba kəlasər ti ro rɔmi kəpa, Ɔwa, a kuluŋ kɔ yi aŋfəm aləs; kotȧy-e ȧte a po pa ta ȧtȧ mi-e, tə ba kəgbenthis.

Luk 23:33

Ɔwa maŋ bek ka ɔdɛr ro a bont aŋgbɛŋkət-e, rə a tȧŋ kɔ ka akənt kəpəŋkinɛ, ɔwa aŋfəm aləs ŋarəŋ, ukin ka kȧdiyɔ, ɔlɔm ka kȧmɛrɔ.

Luk 24:20

Ɔwa aŋfode abana yi aŋgbəka a su aŋ lȧnki kɔ kȧmȧ a dif kɔ, ɔwa a po tȧŋ kɔ ka akənt kəpəŋkinɛ.

Yɔn 19:18

ro aŋ tȧŋ kɔ ka akənt kəpəŋkinɛ, yi afəm ŋarəŋ yi kɔnɔŋ, ukin ka kȧdiyɔ, ɔwa ukin ka kȧmɛrɔ kɔŋ, ka Yisɔsȧŋ ɔ yi ratɔŋ.

Yɔn 19:24

kaŋ fɔfȧnɛ kəpa, Maŋ te nu pim ki, maŋ fak nu təfant ta kafɔl kȧmȧ sə tȧrȧ ɔwe ba kəsɔthɔ ki; kȧmȧ mȧgbal mə lasər, ama pa, Aŋ yerəs ȧsuma ta mi kətɔŋ ka ŋaŋ, Ɔwa aŋ fak təfant ta kafɔl kȧmi. Tiyȧŋ mȧtȧy ame antim aŋ yɔ.

Mȧyɔs ma aŋsom 13:27

kotȧy-e ŋaŋ aŋa yirȧ ro Yerusalɛm, yi aŋgbəka ŋaŋ, maŋ te tȧrȧ kɔ-e, thalɔm ȧsim ta Aŋnȧbi ȧtȧ a karaŋ asabath o sabath, aŋ lasər ti maŋ sɔŋ kɔ mətheri.

Mȧyɔs ma aŋsom 15:18

ƆMariki ɔwe mə tɔri mȧtȧy ame bɛ kȧbi ka thəpaŋ, kɔnɔ pa.

Mȧyɔs ma aŋsom 2:36

Tiyȧŋ ta ȧŋseth ŋa Isrɛl bɛ aŋ tȧrȧ tɛntɛnɛ kəpa, Yisɔs ɔwe gbeŋ, ɔwe nə po tȧŋ ka akənt kəpəŋkinɛ-e, Kuru ɔ po səki kɔ ɔMarki yi ɔKrayst.

Mȧyɔs ma aŋsom 3:18

Kɛrɛ mȧtȧy ama Kuru ɔ tɔri ka tasəŋ ta Aŋnȧbi kəpa ɔKrayst ɔ ba kənȧkȧsi-e, ya ɔ lasər ma yaŋ.

Mȧyɔs ma aŋsom 4:28

tə kəyɔ tȧy o tȧy ȧtȧ aŋfɔsɔ yi kȧtȧrȧ ka mu kə botəs thəpaŋ tə kəyɔnɛ.

Mȧyɔs ma aŋsom 5:28

Sə la hɛ maŋ nu kiriŋ kiriŋ kȧmȧ nə te sɔ thəksa ka ȧŋes aŋe-i? Kɛrɛ kəla, nə po lasər Yerusalɛm yi kathəksa ka nu. Nə nanɛ tə kəreŋ su mathɛkɛ ka mȧtir ma ɔlaŋgba ɔwe-e?

Mȧyɔs ma aŋsom 5:30

ƆKuru ka aŋkas a su ɔ yokas Yisɔsȧŋ, ɔwe naŋ nə dif, kəgbak kɔ rə ŋənt.

Mȧyɔs ma aŋsom 7:52

Unabi ureke ɔ yi ɔwe aŋkas a nu aŋ te sɔmpa-e? Aŋ po difəth ŋa aŋa tɔri thəpaŋ ta kȧder ka ɔLompi ukin; ta ɔwe naŋ nə po səkɛ aŋsɔnd yi adif.

AŋRomans 2:12

Tiyȧŋ ŋa bɛ aŋa po yɔ ahakɛ kəte ba anthɔ-e, ŋa ba sɔ kədinɛ kəte ba ȧŋthɔ; ɔwa ŋa bɛ aŋa mə yɔ ahakɛ maŋ yi ratha ka anthɔ-e, a tə thonkas ŋa kətaŋ ka ȧŋthɔ.

AŋRomans 4:17

(mɔ mȧgbal məsəm mə pa, I po səki mu ɔkas ka tȧbona təgbȧthi) rodi ka kɔn ɔwe ɔ lanɛ, pə yi mɔ Kuru Məsaba, ɔwe kəlis aŋfi, dɛ yi ɔwe tela ɛyɛt ɛyɛ te tha yi mɔ ɛ yi.

1 AŋThɛsȧlonika 2:15

aŋa po dif ɔMarki Yisɔs yi Aŋnȧbi sɔ, kaŋ kȧl bȧl su. Aŋ bɔnɛs hɛ Kuru, dɛ yi aŋ ŋamnɛ afəm a kəpet.

1 Pitar 1:2

aŋa pə yi Kuru ɔKas ɔ thith tə kəsəməs kətȧŋȧnɛ ka ɔYina kȧmȧ aŋ sanɛ ka Yisɔs Krayst dɛ yi a wɔnsir ŋa ka mȧtir mɔŋ. Ta aboŋa yi məthɔfəl ɛ bȧrnɛ ro rɔnu.

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

1 Pitar 2:8

Dɛ yi sɔ-e, Asar ŋa kəpənthbəla yi agbalaŋ ŋa kəthɛn. Ɔwa aŋ pənthbəla ka ȧrim kotȧy-e aŋ wop hɛ ri mɔ mə aŋ yi tə kəyi kȧbi ka ɔtəpɛr.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.