Mȧyɔs ma aŋsom 2:22 - Ȧŋlemrȧnɛ Ȧfu

²² Naŋ aŋfəm ŋa ro Isrɛl, təl nu ȧsim ȧte. Yisɔs ɔwe ro Nasarɛth, wuni ɔwe Kuru ɔ po lomi kətɔŋ ka nu rə məyɔs ma afɔsɔ yi mȧtȧy məkabanɛ yi ɛmisali ɛyɛ Kuru ɔ yɔ ka kȧta kɔŋ kətɔŋ ka nu, mɔ naŋ gbeŋ nə po tȧrȧ.

Mȧyɔs ma aŋsom 2:22 ပူးပေါင်းရင်းမြစ်များ

Mathiu 12:28

Kɛrɛ bepi i wurɔ akǝrǝfi ka aŋfɔsɔ ŋa ɔYina ka Kuru Mǝsaba-e, rȧbȧy ra Kuru rǝ derǝr nu.

Mathiu 2:23

kɔ der, ɔ yirȧ ka kȧpet ȧke ma tela Nasarɛth; kȧmȧ ȧrim ra ɔnȧbi rǝ lasǝr ara pa, A ba kǝbont kɔ uNasarɛth.

Mathiu 9:8

Kɛrɛ ma ȧsuniya aŋ nənk ti-e, aŋ kabanɛ, kaŋ yikis Kuruȧŋ ɔwe po sɔŋ afɔsɔ awunɔŋ ka afǝm.

Luk 11:20

Kɛrɛ bepi minɛ i wurɔ akərəfi yi aŋsəl ŋa Kuru-e, pə yi kəpa rȧbȧy ra Kuru rə po der ro rɔnu.

Luk 18:37

kaŋ kanɛ kɔ kəpa Yisɔs ɔwe ro Nasarɛth-e, kɔnɔ mə thas.

Luk 24:18

Ka ukin ka ŋaŋ ɔwe a bont Kleopasȧŋ, ɔ lasia kɔ, ɔ pa, Mun utik ro Yerusalɛm-i? Mə tɛ hɛ ȧte po yɔnɛ ri ka mȧrey ame-i?

Yɔn 1:45

Filipȧŋ ɔ bəp Nathaneɛl, kɔ pa ro ŋɔŋ, Sə po fir kɔ, ta ɔwe Mosisȧŋ ka aŋthɔ, yi Aŋnȧbi aŋ gbal, Yisɔs ɔwe ro Nasarɛth, ɔwan ka Yosɛf.

Yɔn 10:37

Bepi i yɔ hɛ mȧyɔs ma ɔKas kȧmi, te mi lanɛ.

Yɔn 11:47

Ka aŋfode abana yi aŋFarisi aŋ thoŋkla aŋSanhedrin, kaŋ pa, To mə sə yɔ-e? kotȧy-e ɔwuni ɔwe ɔ yɔ ɛmisali ɛgbathi,

Yɔn 12:17

Tiyȧŋ ȧruniya ara yi yi kɔn ma ɔ tela Lasarɔs-əŋ tə kəwur ka kaboma-e, ɔwa ɔ kəlis kɔ kəwur ka rəfi, aŋ sɔŋ məseri.

Yɔn 15:24

Bepi i tha yɔ hɛ kətɔŋ ka ŋaŋ mȧyɔs ama wuni lɔm ɔ te la yɔ-e, aŋ ba hɛ naŋ ahakɛ: kɛrɛ ka-ake aŋ po nənk ɔwa aŋ po gbɛŋa minɛŋ yi ɔKas kȧmi.

Yɔn 19:19

Ka Payletȧŋ ɔ gbal məgbal, ɔ yɔ aŋ bot ma ka akənt kəpəŋkinɛ. Ɔ gbal, YISƆSȦŊ ƆWE RO NASARƐTH, ƆBȦY KA AŊYUDA.

Yɔn 3:2

Ɔwe ɔ der ka Yisɔs tȧtȧk, ɔ pa ro ŋɔŋ, Karmɔkɔ, sə tȧrȧ kəpa mə yi ukarmɔkɔ kəwur ka Kuru: ȧtesoma-e wuni o wuni ɔ gbəli hɛ yɔ ɛmisali ɛyɛ munɔ mə yɔ-e, thambe Kurɔŋ ɔ yi yi kɔn.

Yɔn 4:48

Yisɔsȧŋ ɔ pa ro ŋɔŋ, Thambe mə nənk ɛmisali yi mȧtȧy məkabanɛ, mə selɔ hɛ tə kəlanɛ.

Yɔn 5:36

Kɛrɛ i ba agbaki aŋa yi abana pəthas, aŋgbaki ŋa Yɔn; kotȧy-e mapanth ama ɔKas ɔ sɔŋ mi kȧmȧ i pons ma, mapanth mati gbeŋ ama i yɔ, mə seri ta ȧtȧ mi, kəpa ɔKas ɔ po som mi.

Yɔn 6:14

Tiyȧŋ ma aŋfəm aŋ nənk ȧŋmisali aŋa ɔ yɔ-e, aŋ pa, Tɛntɛnɛ ɔwe ɔ yi ɔnȧbi ɔwe ba kəder ka ȧdȧru.

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

Yɔn 7:31

Agbathi kətɔŋ ka ȧruniya aŋ lanɛ kɔ, aŋ pa, Ma ɔKrayst ɔ der ɔ tə yɔ ɛmisali ɛgbathi ɛ thasi ɛyɛ ɔwuni ɔwe ɔ po yɔ-i?

Yɔn 9:33

Bepi ɔwuni ɔwe ɔ wur hɛ ka Kuru-e, ɔ gbəli hɛ yɔ tȧy o tȧy.

Mȧyɔs ma aŋsom 13:16

Ka Pɔlȧŋ ɔ yokanɛ, ɔ mɛthmɛth ŋa, ɔ pa, Afəm aruni ŋa Isrɛl, yi naŋ aŋa nesa Kuru, sua nu ɛləns.

Mȧyɔs ma aŋsom 14:27

Ɔwa maŋ bek-e, aŋ thoŋkla aŋchɔch dɛr rɔkin, aŋ lɔma ŋa mȧtȧy bɛ ama Kuru ɔ yɔ ka mȧta maŋ, yi to ɔ po kanthi karare ka kȧlanɛ ka tȧbona təlɔm.

Mȧyɔs ma aŋsom 2:19

Ɔwa i ti tɔri mȧtȧy məkabanɛ ka ȧkuru rokɔm, Yi ɛmisali ka ȧŋthɔf roratha; Mətir yi nȧnt yi kimɔ.

Mȧyɔs ma aŋsom 2:43

Ka rənes rə wop wuni o wuni; ka mȧtȧy məkabanɛ məgbathi yi ɛmisali ɛ yɔnɛ ka mȧta ma aŋsom.

Mȧyɔs ma aŋsom 21:28

Alaŋgba ŋa ro Isrɛl, mar nu. Ɔlaŋgba kɔnɔ ɔwe ɔwe mə thəksa aŋfəm bɛ dɛr o dɛr kəŋamnɛ aŋfəm, yi ȧŋthɔ yi ɔdɛr ɔwe. Ma pə thas ri-e, ɔ wɔŋȧ sɔ aŋKrik ka ȧŋseth ŋa Kuru, kɔ nɔkɔs ɔdɛr ɔsəm ɔwe.

Mȧyɔs ma aŋsom 22:8

Ka i lasi i pa Mun kanɛ-e Pa? kɔ pa ro mi, Minɛ yi Yisɔs ɔwe ro Nasarɛth ɔwe mȧ mə sɔmpa.

Mȧyɔs ma aŋsom 24:5

kotȧy-e sə po fir ɔlaŋgba ɔwe kəyi wuni ləs, ɔwa ɔ fak ɛtotok kətɔŋ ka aŋYuda bɛ ka ȧdȧru, ɔ yi sɔ ubaki ka kagbanth ka aŋNasarɛth.

Mȧyɔs ma aŋsom 26:26

kotȧy-e ɔbȧy ɔ tȧrȧ mȧtȧy ame ka ɔwe i fɔf yi kəmintha. I lanɛ kəpa a maŋk hɛ kɔ mȧtȧy ame, kotȧy-e a yɔ hɛ ma dɛr ɔmaŋknɛ.

Mȧyɔs ma aŋsom 26:9

Tə tɛntɛnɛ min minɛnɛ i la nanɛ kəpa i yi tə kəyɔ tȧy təgbȧthi ȧtȧ yi təpeskɛ yi ȧŋes ŋa Yisɔs ɔwe ro Nasarɛth.

Mȧyɔs ma aŋsom 3:12

Ma Pitaŋ ɔ ŋaŋk ti-e, ɔ pa ka aŋfəm, Naŋ afəm ŋa Isrɛl, kɔyɛŋ mə nə kabanɛ ȧte-e? Thalɔm kɔyɛŋ mə nə kəli su teŋ mɔ pə yi mɔ ka aŋfɔsɔ a su thalɔm ka rasəm ra su sə yɔ ɔlaŋgba ɔwe ɔ kɔth-e?

Mȧyɔs ma aŋsom 3:6

Kɛrɛ Pitaŋ ɔ pa, Akala ȧferȧ yi abɔŋɔ i ba hɛ, kɛrɛ ara i ba i ti sɔŋ mu ri. Ka ȧŋes ŋa Yisɔs Krayst ɔwe ro Nasarɛth, kɔth.

Mȧyɔs ma aŋsom 4:10

ta naŋ bɛ yi aŋfəm ŋa ro Isrɛl bɛ, nə tȧrȧ kəpa, ka ȧŋes ŋa Yisɔs Krayst ɔwe ro Nasarɛth ɔwe nə tȧŋ ka akənt kəpəŋkinɛ-e, ɔwe Kuru ɔ yokas ka rəfi, ka ȧŋes ŋɔŋ gbeŋ ɔlaŋgba ɔwe ɔ təmȧ rodi ka nu uyeŋki mədɛr.

Mȧyɔs ma aŋsom 5:35

kɔ kanɛ ŋa, Naŋ afəm ŋa Isrɛl, botnɛ nu rə ȧmerȧ ta aŋlaŋgba aŋe, ta ȧtȧ nə yema yɔ ŋa,

Mȧyɔs ma aŋsom 6:14

kotȧy-e, sə po təlȧ kɔ ɔ pa, Yisɔs ɔwe ro Nasarɛth ɔ tə dim ɔdɛr ɔwe, ɔwa ɔ tə siŋkar matanɛ ama Mosis ɔ tiyȧ su.

2 AŋKɔrenth 12:12

Tə tɛntɛnɛ i po yɔ ɛmisali ya usəm utəteŋ kətɔŋ ka nu rə kəmuyu bɛ, ka ɛmisali-e, ka mȧtȧy məkabanɛ-e, yi ka məyɔs ma kȧgbəli tȧy.

AŋHibru 2:4

Ɔwa Kuru sɔ ɔ seri ti rə ɛmisali, yi rə mȧtȧy məkabanɛ tətəp, dɛ yi rə ɛboya ya ɔYina məsəm ɛyɛ ɔ sɔŋ kətȧŋȧnɛ ka mȧselɔ mɔŋ.