Mȧyɔs ma aŋsom 19:26 - Ȧŋlemrȧnɛ Ȧfu

²⁶ Ɔwa nə nənk, nə kȧl təl kəpa pə yi hɛ gbo ro Ɛfisɔs son-e, kɛrɛ pə bun yi ro Asia bɛ, Pɔlȧŋ ɔwe ɔ po thɔnthɔ ɔwa ɔ po lȧfthi afəm agbȧthi, kɔ pa, Turu thahɔ aŋa a bɛmpanɛ məta.

Mȧyɔs ma aŋsom 19:26 ပူးပေါင်းရင်းမြစ်များ

Mȧyɔs ma aŋsom 14:15

Pa-ŋaŋ, kɔyɛŋ mə nə yɔ mȧtȧy ame-e? Saŋ sɔ sə yi afəm mɔ naŋ, sə kȧrȧ nu kɛra kəfinɔ kȧmȧ nə tey mȧtȧy məyai ame tə kəlafthɛ ka ɔKuru ukəli ɔwe bɛmpa akuru-o, anthɔf-o, kȧbȧŋ-o yi koko ara yi ri.

Mȧyɔs ma aŋsom 17:29

Ɔwa ma sə yi rȧkomra ra Kuru-e, pə mar hɛ sə nanɛ kəpa raKuru rə bȧlȧnɛ mɔ abɔŋɔ thalɔm akala ȧferȧ, thalɔm ȧsar ɛyɛ wuni kəpet mɔ path rə məsɔth yi kȧtemp kɔŋ.

Mȧyɔs ma aŋsom 18:19

Maŋ der ro Ɛfisɔs-e, kɔ tey aŋkos ŋɔŋ ri, kɛrɛ kɔn kɔnɔnɛ ɔ wɔŋ ka ȧŋseth agbanɛ, ɔ fɔfȧnɛ aŋYuda.

Mȧyɔs ma aŋsom 19:1

Ka pə re yi ma Apɔlɔsȧŋ ɔ yi ro Kɔrinth-e, Pɔl ɔ thas ka ȧŋthɔf aŋa yi ka kȧmɛrɔ, kɔ der ro Ɛfisɔs, kɔ bəp ri akarande alɔm.

Mȧyɔs ma aŋsom 19:10

Ka ȧte tə yi mɔlɔ ma təren tərəŋ. Tiyȧŋ ŋa bɛ aŋa yirȧ ro Asia, aŋYuda yi aŋKrik, aŋ po təl ȧrim ra ɔMarki Yisɔs.

Mȧyɔs ma aŋsom 19:25

kɔnɔ thoŋkla ŋa dɛr rɔkin, dɛ yi aŋfəm ŋa mapanth min mati, kɔ pa, Pa ŋaŋ, nə tȧrȧ kəpa ka mȧpanth ame rȧ mȧ sə sɔthɔ rȧyola rȧsu.

1 AŋKɔrenth 12:2

Fɔtha nə tȧrȧ kəpa nə la yi akafri, ɔwa a la yɛthəs nu yi ɛyɛt ɛpath ɛbobo, rə roŋ o roŋ a kera nu.

1 AŋKɔrenth 8:4

Tiyȧŋ salata kȧdi ɛyɛt ɛfȧkȧ ɛrɔŋ-e, sə tȧrȧ kəpa ɛyɛt ɛpath ɛ yi hɛ koko ka ȧdȧru, ɔwa kuru ulɔm ɔ yi hɛ thambe ukin gbo.

AŋKȧletia 4:8

Kɛrɛ ka ȧŋlɔkɔ ma nə te tha tȧrȧ Kuru-e, nə la yi atar ka ŋaŋ aŋa te yi turu gbeŋ-e,

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

Kȧŋȧibinɛ 9:20

Aŋfəm a kəpet alɔm aŋa te fi ka ɛfithina ɛye, aŋ thupi hɛ ka ɛyɛt ɛyɛ aŋ po bɛmpanɛ ka mȧta maŋ, ɔwa aŋ gbapɛ hɛ kabȧtho ka aŋkərəfi, yi ɛrɔŋ ya məbɔŋɔ, yi akala ȧferȧ, yi akɛm, yi ȧsar, dɛ yi kənt, ɛyɛ te gbəli nənk thalɔm ɛ təl, thalɔm ɛ kɔth.