Mȧyɔs ma aŋsom 18:4 - Ȧŋlemrȧnɛ Ȧfu

⁴ kɔ fɔfȧnɛ aŋYuda yi aŋKrik, ɔ thɔnthɔ ŋa ka ȧŋseth agbanɛ asabath o sabath.

Mȧyɔs ma aŋsom 18:4 ပူးပေါင်းရင်းမြစ်များ

Luk 16:31

kɔ pa ro ŋɔŋ, Bepi aŋ selɔ hɛ tə kətəla Mosisȧŋ yi aŋnabi-e, aŋ selɔ hɛ hali wuni kin ɔ yokanɛ ka aŋfi.

Luk 4:16

Ka Yisɔs ɔ der ro Nasarɛth rə a rusəm kɔ. Ɔwa mɔ mə matanɛ mɔŋ mə yi-e, ɔ wɔŋ ka ȧŋseth agbanɛ ka aŋsabath, kɔ təmȧ tə kəkaraŋ.

Yɔn 7:35

AŋYuda aŋ yifəthanɛ, aŋ pa, Reke ɔwuni ɔwe ɔ tə kɔ-e, kȧmȧ sə te fir kɔ-e, ɔ tə kɔ kaŋ sakanɛ kətɔŋ ka tȧbona təlɔm, tə kəthəksa tȧbona təlɔm-i?

Mȧyɔs ma aŋsom 13:14

Kɛrɛ maŋ wur ro Paka-e, aŋ der ro Antiɔk ȧke yi ro Pisidia. Kaŋ wɔŋ ka ȧŋseth agbanɛ ka ȧŋrey ŋa aŋsabath, aŋ yirȧ.

Mȧyɔs ma aŋsom 14:1

Ka pə re yi ro Ikoniɔm, kəpa ŋa ŋarəŋ aŋ wɔŋ ka ȧŋseth agbanɛ ŋa aŋYuda, ɔwa ka aŋYuda-o yi aŋKrik-o, ȧruniya rəbana rə lanɛ ta ȧŋsabu ŋa kafɔf ka ŋaŋ.

Mȧyɔs ma aŋsom 17:11

Ɔwa aŋe aŋ yi afəm atal pəthasi ŋaŋ aŋa yi ro Thɛsalonika, kotȧy-e aŋ malanɛ ȧrim yi ɛmerȧ ɛselɔ, aŋ gbɛŋgbɛŋ mȧgbal ma Kuru ȧrey o rey, kȧmȧ aŋ tȧrȧ bepi mȧtȧy ame mə yi tȧteŋ.

Mȧyɔs ma aŋsom 17:17

kɔ fɔfȧnɛ aŋYuda ka ȧŋseth agbanɛ yi aŋfəm alɔm aŋa bȧtho ri, yi aŋfəm aŋa ɔ bəp ka ɔdɛr ɔthila ȧrey o rey.

Mȧyɔs ma aŋsom 18:13

aŋ pa, Ɔlaŋgba ɔwe ɔ thɔnthɔ aŋfəm tə kəbatho Kuru ka məpeskɛ ma ȧŋthɔ.

Mȧyɔs ma aŋsom 18:19

Maŋ der ro Ɛfisɔs-e, kɔ tey aŋkos ŋɔŋ ri, kɛrɛ kɔn kɔnɔnɛ ɔ wɔŋ ka ȧŋseth agbanɛ, ɔ fɔfȧnɛ aŋYuda.

Mȧyɔs ma aŋsom 19:26

Ɔwa nə nənk, nə kȧl təl kəpa pə yi hɛ gbo ro Ɛfisɔs son-e, kɛrɛ pə bun yi ro Asia bɛ, Pɔlȧŋ ɔwe ɔ po thɔnthɔ ɔwa ɔ po lȧfthi afəm agbȧthi, kɔ pa, Turu thahɔ aŋa a bɛmpanɛ məta.

Mȧyɔs ma aŋsom 19:8

Ka Pɔlȧŋ ɔ wɔŋ ka ȧŋseth agbanɛ, ɔ fɔf rə kəmintha mɔlɔ ma yof ɛsas, ɔ fɔfȧnɛ ɔwa ɔ thɔnthɔ ŋa ta mȧtȧy ma rȧbȧy ra Kuru.

Mȧyɔs ma aŋsom 26:28

Ka Akripa ɔ pa ka Pɔl, Pə tiyȧ gbo ɔthan kathɔnthɔ mi mə tə səki mi naŋ uKristiɛn.

Mȧyɔs ma aŋsom 28:23

Ɔwa maŋ po botȧ kɔ arey-e, agbȧthi aŋ der ro ŋɔŋ kaŋ yiya ŋɔŋ. Kɔ yɛrkia ŋa ȧŋpa, ma ɔ seri ta rȧbȧy ra Kuru, kɔ thɔnthɔ ŋa ta Yisɔs ka ȧŋthɔ ŋa Mosis yi ka mȧgbal ma Aŋnȧbi, kətəp ka bəth haŋ rəfɔy.

Mȧyɔs ma aŋsom 9:20

Ka ɔlɛmp wati ka ɛseth ɛgbanɛ ɔ taməs Yisɔs, kəpa ɔ yi ɔWan ka Kuru.

2 AŋKɔrenth 5:11

Tiyȧŋ ma sə tȧrȧ ɔninis wa ɔMariki-e, sə thɔnthɔ afəm. Ɔwa Kuru ɔ tȧrȧ ɛnanɛ ɛ su, ka i lanɛ kəpa naŋ nə tȧrȧ yi sɔ.