Mȧyɔs ma aŋsom 18:12 - Ȧŋlemrȧnɛ Ȧfu

¹² Ma Kalio ɔ yi ɔgbəka ka ro Akaya, aŋYuda aŋ tura Pɔlȧŋ rə ȧmerȧ ŋin, ka a kȧrȧ kɔ ro bare,

Mȧyɔs ma aŋsom 18:12 ပူးပေါင်းရင်းမြစ်များ

Mathiu 27:19

Ma ɔ yirȧ ka kawaŋ ka kǝthoŋkas-e, ɔrani kɔŋ ɔ somǝr kɔ, kɔ pa, Te ba tȧy o tȧy tǝ kǝyɔ ɔlaŋgba ulompi ɔwɔŋ, kotȧy-e i sɔmpanɛ mətȧy mǝgbathi thonɔŋ rǝ kǝwɔrǝp ta sala tɔŋ.

Yɔn 19:13

Tiyȧŋ ma Payletȧŋ ɔ təl ȧsim ȧte-e, ɔ wurɔ Yisɔs rokaŋ, ɔ yirȧ ka kawaŋ ka kəgbək ɛpa, ka ɔdɛr ro a bont ȧŋPefmɛnt, kɛrɛ ka kaHibru a bont Kabatha.

Mȧyɔs ma aŋsom 13:12

Ka ɔsanthiki, ma ɔ nənk ȧtȧ po yɔnɛ-e, ɔ lanɛ, ɔ kabanɛ ka kathəksa ka ɔMarki.

Mȧyɔs ma aŋsom 13:50

Kɛrɛ aŋYuda aŋ pər aŋfəm abom abȧtho-e aŋa ba yiki, yi aŋfəm aruni abana ŋa kȧpet, kaŋ fak asɔmpa abana tə kəŋamnɛ Pɔl yi Banabasȧŋ, kaŋ bȧl ŋa kəwur ka ȧŋgbȧp ŋaŋ.

Mȧyɔs ma aŋsom 13:7

Ɔ yi ka Sakiyɔs Pɔlɔs, ɔsanthiki, wuni tȧrȧ tȧy, ɔwe som kətela Barnabas yi Sɔl, ɔ thɛns tə kətəl ȧrim ra Kuru.

Mȧyɔs ma aŋsom 13:8

Kɛrɛ Elimas ɔthupəs (kotȧy-e ya a tepa ȧŋes ŋɔŋ) ɔ təmɔnɛ ŋa, ɔ mɛm tə kəlafthi ȧŋmerȧ ŋa ɔsanthiki kəwur ka kȧlanɛ.

Mȧyɔs ma aŋsom 14:19

Kɛrɛ aŋYuda alɔm aŋ der kəwur ro Antiɔk yi ro Ikoniɔm; ɔwa maŋ po pər aŋfəm-e, aŋ ləməs Pɔlȧŋ məsar, kaŋ liŋ kɔ aŋ wurɔ kɔ ro pet, aŋ nanɛ kəpa ɔ po fi.

Mȧyɔs ma aŋsom 14:2

Kɛrɛ aŋYuda aŋa te lanɛ aŋ pər ɛmerȧ ya tȧbona təlɔm, kaŋ ləsər ɛmerȧ yaŋ ta aŋwɔnt.

Mȧyɔs ma aŋsom 17:13

Kɛrɛ ma aŋYuda ro Thɛsalonika aŋ təl kəpa Pɔlȧŋ ɔ taməs sɔ ȧrim ra Kuru ro Beriya-e, aŋ der ri sɔ kaŋ pər aŋfəm.

Mȧyɔs ma aŋsom 17:5

Kɛrɛ aŋYuda alɔm aŋa te lanɛ, maŋ la kətut-e, aŋ thoŋklanɛ akobali ka alaŋgba ayay, kaŋ fak atotok ro pet. Aŋ tura ȧŋseth ŋa Yesɔn, aŋ thɛns tə kəkara Pɔlȧŋ yi Sailas-əŋ ka aŋfəm.

Mȧyɔs ma aŋsom 18:11

kɔ yirȧ ri kəren kin yof tamthərukin, ɔ thəksa ȧrim ra Kuru kətɔŋ ka ŋaŋ.

Mȧyɔs ma aŋsom 18:27

Ma ɔ yema fəsi ro Akaya-e, aŋwɔnt aŋ gbalər aŋkarande kȧmȧ aŋ malanɛ kɔ finɔ; ɔwa ma ɔ bek ɔ mar ŋa ɔgbȧthi aŋa po lanɛ salata ȧŋboŋa,

Mȧyɔs ma aŋsom 19:21

Ɔwa kədarəŋ ka mȧtȧy ame-e, Pɔlȧŋ ɔ botəs ka ȧŋmerȧ ŋɔŋ kəpa ɔ tə kɔth ro Masidonia yi ro Akaya, tə kəkɔ ro Yerusalɛm, kɔ pa, Bepi i wur ri-e, tha i nənk ro Rom.

Mȧyɔs ma aŋsom 25:10

Kɛrɛ Pɔlȧŋ ɔ pa, Minɛ i təmȧ ka kawaŋ kəthoŋkas ka Sisar rȧ a mar thonkas mi. I tha yɔyɛ aŋYuda tȧy o tȧy ȧtȧ yi tələs, mɔ mȧ munɔ sɔ mə tara-e.

AŋRomans 15:26

kotȧy-e pə thesanɛ ŋaŋ aŋa yi ro Masidoniya yi Akaya tə kəfak akala salata ȧŋmɔnɛ kətɔŋ ka aŋsəm aŋa yi ro Yerusaləm.

AŋRomans 16:5

Kori sɔ aŋchɔch aŋa yi ka ȧŋseth ŋaŋ. Kori Ɛpinitɔs ɔbɔthər kȧmi ufinɔ. Ɔ yi aŋkomi ȧtɔtɔkɔ ŋa Krayst ro Asia.

1 AŋKɔrenth 16:15

Nə tȧrȧ kəpa aŋfəm ŋa ȧŋseth ŋa Stɛfanɔs ŋa yi mȧkomi mətɔtɔkɔ ro Akaya, kaŋ po sɔndnɛ tə kəmar aŋsəm, tiyȧŋ i nɛmthɛnɛ nu awɔnt,

2 AŋKɔrenth 1:1

Pɔl, usom ka Yisɔs Krayst ka mȧselɔ ma Kurɔŋ, yi Timɔthi ɔwɔnt su, ka aŋfəm ŋa Kuru aŋa yi ro Kɔrinth, yi ka aŋsəm bɛ aŋa yi ro Akaya bɛ.

2 AŋKɔrenth 11:10

Mɔ mə tȧteŋ ta Krayst tə yi mi-e, wuni kəpet ɔ gbəli hɛ bɛnt mi kəgbək ɛyonka aŋe ka ȧŋgbȧp ŋa Akaya.

2 AŋKɔrenth 11:26

i yi ka ɛbiyas alɔkɔ bɛ, ka mȧsibo ma mȧnt, ka mȧsibo ma amurthɛ, ka mȧsibo kəwur ka ȧŋbona a mi, ka mȧsibo kəwur ka aŋkafri, ka mȧsibo ka kȧpet, ka mȧsibo ro wula, ka mȧsibo ro baŋ, ka mȧsibo kətɔŋ ka awɔnt ayem;

2 AŋKɔrenth 9:2

ȧtesoma-e i tȧrȧ kabɛnɛnɛ ka nu, ɔwa di kati i kolonɛ ta ȧtȧ nu ka aŋfəm ŋa ro Masidonia, kəpa ŋa ro Akaya aŋ yi thɔŋ abɛnɛnɛ kȧbi ka dendis. Ɔwa mayasyas ma nu mə poŋ gboŋkthis afəm agbȧthi.

1 AŋThɛsȧlonika 2:14

kotȧy-e awɔnt, nə tansanɛ ɛchɔch ya Kuru aŋa yi ka Krayst Yisɔs ro Yuda; pəkasifɛ nə po sɔmpanɛ ka mȧta ma aŋfəm a nu, mɔlɔ min mɔ ŋaŋ aŋa po sɔmpanɛ ka aŋYuda;

1 AŋThɛsȧlonika 2:16

Aŋ yema bɛnt su kəfɔfanɛ təbona təlɔm kȧmȧ aŋ gbəli kisi. Yaŋ aŋ lasər maləs maŋ; kɛrɛ rabaŋ ra Kuru rə fumpər ŋa selbentheŋ.

Yeməs 2:6

Kɛrɛ nə po say ɔmɔnɛ. Aŋyola tha mə thiŋkər nu-i, ŋa tha mə kera nu ro bare-i?