Mȧyɔs ma aŋsom 17:23 - Ȧŋlemrȧnɛ Ȧfu

²³ Ȧtesoma-e mȧ mȧ i thasəs-e, i kəli ɛyɛt ɛyɛ nə bȧtho, ka i nənk abɛsɛ ro a gbal, TA ƆKURU ƆWE sə TE TARA. Kɔnɔ ɔwe nə bȧtho kəte kɔ tȧrȧ, kɔnɔ kati mə i tɔri nu.

Mȧyɔs ma aŋsom 17:23 ပူးပေါင်းရင်းမြစ်များ

Mathiu 15:9

Kɛrɛ aŋ bȧtho mi gbo kǝtiŋ, aŋ thǝksa ɛmaŋ ya afǝm a kǝpet mɔ mȧthǝksȧ maŋ.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 4:22

Naŋ nə bȧtho ara nə te tȧrȧ: saŋ sə bȧtho ara sə tȧrȧ, ȧtesoma-e kəkisi kə wur ka aŋYuda.

Yɔn 8:54

Yisɔsȧŋ ɔ pa, Bepi i yikisnɛ-e, aŋyiki a mi aŋ yi kətiŋ; ɔKas kȧmi kɔnɔ mə yikis mi; ta ɔwe nə pa ɔ yi ɔKuru ka nu.

Mȧyɔs ma aŋsom 17:30

Tiyȧŋ Kurɔŋ ɔ paysa ɛfɔr ka ɛlɔkɔ ya kate tȧrȧ, kɛrɛ ka-ake ɔ yamari aŋfəm dɛr o dɛr tə kəthupi.

AŋRomans 1:28

Ɔwa maŋ pɛnsa tə kənanɛ Kuru ka ɛmerȧ yaŋ-e, ɔ sɔnd ŋa ka ɛmerȧ ɛthayoŋ kȧmȧ aŋ yɔ ȧtȧy ȧtȧ te thesa.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 8:5

kotȧy-e hali ɛ yi ɛyɛ a bont turu-e, pə yi rokɔm-o, thalɔm nɔru, (ma pə yi turu təgbȧthi dɛ yi amarki agbȧthi aŋ yi),

AŋƐfisɔs 2:12

Ȧŋlɔkɔ ŋati nə tɛ hɛ Krayst, ka a gbaski nu ka andure ŋa Isrɛl, pə yi mɔ-e, nə yi gbo atik ka aŋlemranɛ ŋa aŋlahiri, ɔwa nə ba hɛ kəgbak ȧmerȧ thalɔm Kuru Məsaba ka ȧdȧru.

2 AŋThɛsȧlonika 2:4

Ɔwe mə tim, kɔ ŋatanɛ kəŋamnɛ kuru o kuru, thalɔm rəka o rəka mə a bȧtho; haŋ thɔŋ kɔnɔ gbeŋ ɔ tə yirȧ ka ȧŋseth ŋa Kuru asəm, kɔ pa kɔn kɔnɔnɛ ɔ yi Kuru Məsabaŋ.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.