Mȧyɔs ma aŋsom 16:25 - Ȧŋlemrȧnɛ Ȧfu

²⁵ Kɛrɛ mɔlɔ ma kəren datɔŋ Pɔl yi Sailas aŋ ramnɛ aŋ lensir Kuru rə məleŋ, ɔwa antɛndɛbira aŋ təlȧ ŋa.

Mȧyɔs ma aŋsom 16:25 ပူးပေါင်းရင်းမြစ်များ

Luk 22:44

Ɔwa ma ɔ yi ka anakasi abana-e ɔ ramnɛ thuŋ, ɔwa mȧranɛ mɔŋ mə path mɔ ɛbȧlək ya mȧtir mə fumpɔ ro thɔf.

Mȧyɔs ma aŋsom 15:22

Ka aŋsom, yi aŋbȧki, yi aŋgbanɛ bɛ aŋ nənk ti ɔfinɔ tə kəthith afəm aruni kətɔŋ ka ŋaŋ tə kəsom ro Antiɔk yi Pɔlȧŋ dɛ yi Banabasȧŋ, kaŋ thith Yudasȧŋ ɔwe a bont Basabas, yi Sailasȧŋ, aŋa yi aŋkərbomp kətɔŋ ka aŋwɔnt.

Mȧyɔs ma aŋsom 16:19

Ɔwa ma amarki ŋɔŋ aŋ nənk kəpa ȧŋsabu ŋa kamunafa ka ŋaŋ aŋ poŋ-e, aŋ wop Pɔlȧŋ yi Sailas-əŋ, aŋ kera ŋa ka ɔdɛr ɔthila rodi ka aŋgbəka.

Mȧyɔs ma aŋsom 16:33

Ɔwa ka aŋhawa ŋati gbeŋ ka tȧtȧk, ɔ gbasi ŋa, kɔ yak tȧsam taŋ, ka a baftays kɔ yi aŋfəm ŋɔŋ sɛŋk.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 12:12

Ba nu məbɔnɛ ka kəgbȧk ȧmerȧ; muyu nu ka kəsɔmpanɛ, bȧsər nu ka kəramnɛ alɔkɔ bɛ.

AŋRomans 5:3

Ɔwa pə yi hɛ gbo yaŋ, kɛrɛ sə sel məbɔnɛ ka ɛsɔmpanɛ ɛ su sɔ, ma sə tȧrȧ kəpa kȧsɔmpanɛ kə tə kom kȧmuyu;

2 AŋKɔrenth 6:10

mɔ mə sə saŋ ɛmɔl-e, kɛrɛ sə sel məbɔnɛ; mɔ amɔnɛ, kɛrɛ sə naŋfas afəm agbȧthi; mɔ mə sə te ba koko-e, kɛrɛ sə sɔthɔ mȧtȧy bɛ.

AŋƐfisɔs 5:19

Fɔfȧnɛ nu ka ȧŋSams dɛ yi məleŋ məsəm tətəp tətəp, ɔwa leŋ nu tə kəthɔkəs ɔMarki ka ɛmerȧ ɛ nu.

AŋFilipai 2:17

Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

AŋHibru 5:7

Ɔwa Yisɔsȧŋ, ȧke ɔ yi nɔru-e, ɔ sel ɛrɔŋ dɛ yi ɔ wur mantər ma mɔ ramnɛ kəramnɛ yi kənɛmthɛnɛ kəsɔbɛ, ka kɔn ɔwe ba afɔsɔ tə kəkisis kɔ ka rəfi. Ɔwa a təl taramnɛ tɔŋ asabu ŋa ranes ara ɔ ba ka Kuru Məsaba.

Yeməs 1:2

Aŋwɔnt a mi, ba ti nu məbɔnɛ bepi ɛmɛm ɛgbanthɛ tətəp ɛ bəp nu,

Yeməs 5:13

Bepi ukin kətɔŋ ka nu ɔ nakasi-e, ta ɔ ramnɛ. Bepi ukin ɔ ba məbɔnɛ, ta ɔ lensir Kuru.

1 Pitar 4:14

Bepi nə sɔthɔ məsambo salata ȧŋes ŋa Kraist-e, ta pə bɔnɛ nu; kotȧy-e ɔ Yina ka ayiki, pə yi mɔ-e, ɔ Yina ka Kuru, ɔ rensa nu; ka ȧŋgbȧp ŋaŋ a fɔf kɔ ɔləs, kɛrɛ ka ȧŋgbȧp a nu ɔ sɔthɔ ayiki.