Mȧyɔs ma aŋsom 14:15 - Ȧŋlemrȧnɛ Ȧfu

¹⁵ Pa-ŋaŋ, kɔyɛŋ mə nə yɔ mȧtȧy ame-e? Saŋ sɔ sə yi afəm mɔ naŋ, sə kȧrȧ nu kɛra kəfinɔ kȧmȧ nə tey mȧtȧy məyai ame tə kəlafthɛ ka ɔKuru ukəli ɔwe bɛmpa akuru-o, anthɔf-o, kȧbȧŋ-o yi koko ara yi ri.

Mȧyɔs ma aŋsom 14:15 ပူးပေါင်းရင်းမြစ်များ

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Yɔn 5:26

kotȧy-e mɔ mə ɔKas ɔ ba aŋesəm ka kɔn kɔnɔnɛ, yaŋ sɔ ɔ po sɔŋ ɔWan kȧmȧ kɔnɔ sɔ ɔ ba aŋesəm ka kɔn kɔnɔnɛ;

Yɔn 7:18

Wuni ɔwe mə fɔf ka ȧŋmerȧ ŋɔŋ-e, ɔ thɛns gbo aŋyiki ŋɔŋ: kɛrɛ kɔnɔŋ ɔwe mə thɛns aŋyiki ŋa ɔwe po som kɔ-e, kɔnɔ kati ɔ yi təteŋ, ɔwa ɔ ba hɛ məkənə.

Mȧyɔs ma aŋsom 10:26

Kɛrɛ Pitaŋ ɔ gbasi kɔ ɔ pa, Yokanɛ; min minɛnɛ, min wuni kəpet wɔŋ.

Mȧyɔs ma aŋsom 13:32

Ɔwa saŋ sə kȧrȧ nu ȧkɛra kəfinɔ ka aŋlahiri ȧke a sɔŋ aŋkas a su,

Mȧyɔs ma aŋsom 14:21

Ɔwa maŋ po tɔri ȧkɛra kəfinɔ ka kȧpet kati, ka aŋ po səki afəm agbȧthi akarande-e, aŋ kȧlanɛ ro Listra, ro Ikoniɔm yi ro Antiɔk.

Mȧyɔs ma aŋsom 14:7

kaŋ tɔri ri ȧkɛra kəfinɔ.

Mȧyɔs ma aŋsom 16:30

kɔ wurɔ ŋa rokaŋ, ɔ pa, Pa-ŋaŋ, to mə i yɔ kȧmȧ i kisi-e?

Mȧyɔs ma aŋsom 27:10

kɔ pa ro rɔŋaŋ, Pa-ŋaŋ, i nənk kəpa ȧŋbiyas aŋ tə kasara ɔthasər, pə yi hɛ gbo ta akothe yi ȧŋbil-əŋ, kɛrɛ ta ɛŋesəm ɛ su sɔ.

Mȧyɔs ma aŋsom 27:21

Ma pə won aŋ te di-e, Pɔlȧŋ ɔ təmȧ ŋa ratɔŋ, ɔ pa, Pa-ŋaŋ nə yi naŋ tə kətəla mi, nə te wur ro Krit-e, kȧmȧ nə te sɔthɔ naŋ masibo ame yi aŋkasara aŋe.

Mȧyɔs ma aŋsom 27:25

Tiyȧŋ pa-ŋaŋ, bȧk nu təbuth, kotȧy-e i lanɛ Kuru kəpa pə tə yi mɔ mɔ kanɛ mi.

Mȧyɔs ma aŋsom 4:24

Maŋ təl ti-e, aŋ ŋata ȧsim taŋ ka Kuru yawin-əŋ, aŋ pa, ƆMariki, munɔ po bɛmpa ȧkuru yi ȧŋthɔf, yi kȧbȧŋ, yi ɛyɛ yi ri bɛ;

Mȧyɔs ma aŋsom 7:26

Ɔwa ka ȧŋrey alɔm ɔ kɔ kori ŋa kɔ bəp ŋa aŋ tə gbal, kɔ maŋ ŋa kȧmȧ aŋ kȧl manɛ, ɔ pa, Afəm a mi, na yi rəwɔnt, kɔyɛŋ mə nə yɔnanɛ ɔləs-e?

1 AŋKɔrenth 8:4

Tiyȧŋ salata kȧdi ɛyɛt ɛfȧkȧ ɛrɔŋ-e, sə tȧrȧ kəpa ɛyɛt ɛpath ɛ yi hɛ koko ka ȧdȧru, ɔwa kuru ulɔm ɔ yi hɛ thambe ukin gbo.

AŋƐfisɔs 4:17

Ȧtesoma-e i maŋ nu, ɔwa i nɛmthɛnɛ nu ka ȧŋes ŋa ɔMarki kȧmȧ nə te sɔ kɔth mɔ tȧbona təlɔm mə aŋ kɔth, ka ɛmerȧ yaŋ ɛfoth.

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

1 Timɔthi 3:15

Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

Yeməs 5:17

Ilaya ɔ yi wuni kəpet mɔ saŋ, kɔ ramnɛ ɔlel kȧmȧ kɔm kə te thuf; ɔwa ta təren təsas yi yof tamthərukin, kɔm kə thuf hɛ.

Kȧŋȧibinɛ 14:7

kɔ kȧl pa rə rim rəbana, Nesa nu Kuru-e, ɔwa sɔŋ kɔ nu yiki, pəkasifɛ ȧŋlɔkɔ ŋa karɔk ɛpa yɔŋ aŋ po bek. Ɔwa bȧtho kɔ nu ɔwe po bɛmpa ȧkȧriyana yi ȧdȧru, dɛ yi kȧbȧŋ kəbana, dɛ yi tabath.

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.

Kȧŋȧibinɛ 19:19

Ka i nənk ɔsɛm ubaŋ, yi aŋbȧy ŋa ȧdȧru, dɛ yi atobali taŋ, ŋa bɛ aŋ po thoŋklanɛ rɔkin tə kətim kɔn ɔwe rensa ka ȧŋsoy, dɛ yi atobali tɔŋ.

Kȧŋȧibinɛ 22:9

Kɛrɛ ɔ pa do rɔmi, Tə yɔ ti pəkasifɛ minɛ i yi ɔkos mu ubɔy, yi ɔkos ka aŋwɔnt a mu Aŋnȧbi dɛ yi ka ŋa bɛ aŋa wop ȧsim ta ȧkȧfȧ ake; bȧtho gbo Kuru Məsaba.

Kȧŋȧibinɛ 4:11

Munɔ ɔMarki Kuru mə yi ubeki tə kəsɔthɔ ayiki, yi kəthɔkəs, dɛ yi afɔsɔ; kotȧy-e munɔ mə po bɛmpa ɛyɛt bɛ, ɔwa salata mabɔnɛ ma mu ɛyɛt bɛ ɛ yi, tȧsom a la bɛmpa yi.