33 kəpa Kuru ɔ po lasər ŋi ka aŋwuth a su ma ɔ yokas Yisɔsȧŋ; mɔ mə a gbal ti sɔ ka ȧŋSam aŋa bekȧ yɛrəŋ, Munɔ mə yi ɔWan kȧmi uruni; ka ȧŋrey aŋe kə i kom mu.
Tiyȧŋ ma ɔ kȧl yokanɛ kətɔŋ ka aŋfi-e, aŋkarande ŋɔŋ aŋ kala ȧmerȧ ma ɔ la po fɔf ȧte; ɔwa aŋ lanɛ mȧgbal ma Kuru yi ȧrim ara Yisɔs ɔ pa.
Kɛrɛ Kurɔŋ ɔ yokas kɔ ka aŋfi,
Ɔwa, kəpa ɔ yokas kɔ ka aŋfi tə kəte sɔ kȧlanɛ rə kəthei, ɔ fɔf yaŋ, I ti sɔŋ nu ɛlahiri ɛsəm ɛte siŋkar ya Debid.
Kɛrɛ kɔnɔŋ, ɔwe Kuru ɔ yokas-e, ɔ thei hɛ.
Ɔwe Kuru ɔ yokas ka rəfi ma ɔ po səli ɔbaŋ wa rəfi, pəkasifɛ pə fɔyɛ tȧy kəpa rafi rə wop kɔ.
Yisɔs ɔwe-əŋ, kɔnɔ Kuru ɔ yokas, ɔwa saŋ bɛ sə yi ti məseri.
Ka ɔlɛmp wati ka ɛseth ɛgbanɛ ɔ taməs Yisɔs, kəpa ɔ yi ɔWan ka Kuru.
Ɔwa ya pə yi sɔ-e, Kraystȧŋ kɔnɔ thithanɛ hɛ matəma ma kasəki ufode ubana; kɛrɛ ɔwe kanɛ kɔ, Munɔ mə yi ɔWan kȧmi, Thonɔŋ i po kom mu. Kɔnɔ thith kɔ.